UN៖ ក្រុមតាលីបង់បានផ្អាកយុទ្ធនាការចាក់វ៉ាក់សាំងជំងឺស្វិតដៃជើងនៅអាហ្វហ្គានីស្ថាន

ក្រុមតាលីបង់បានផ្អាកយុទ្ធនាការចាក់វ៉ាក់សាំងជំងឺស្វិតដៃជើងនៅក្នុងប្រទេសអាហ្វហ្គានីស្ថាន ដែលវាជាការ​ដើរ​ថយក្រោយដ៏អាក្រក់មួយសម្រាប់ការលុបបំបាត់ជំងឺស្វិតដៃជើង ដោយសារវីរុសនេះគឺជាក្រុមវីរុសមួយក្នុងចំណោមក្រុមដែលឆ្លងខ្លាំងបំផុតរបស់ពិភពលោក។ នេះបើយោងតាមការចេញផ្សាយរបស់តិភ្នាក់ងារព័ត៌មាន AP នៅថ្ងៃទី១៧ខែកញ្ញានេះ។

អង្គការសហប្រជាជាតិ បានឲ្យដឹងថា អាហ្វហ្គានីស្ថានគឺជាប្រទេសមួយក្នុងចំណោមប្រទេសពីរដែលមានការរីករាល​ដាល​នៃជំងឺ​ឆ្លង​នេះ​ដែល​អាចបណ្តាលឱ្យស្លាប់ និងពិការ​ជាអចិន្ត្រៃយ៍​ ហើយការដែលក្រុមតាលីបង់សម្រេចចិត្តបញ្ឈប់ការការចាក់វ៉ាក់សាំងជំងឺស្វិតដៃជើង នឹង​មាន​ផល​ប៉ះពាល់​យ៉ាង​ខ្លាំងដល់កុមារនៅក្នុង​ប្រទេសនេះ។ ប្រទេស​មួយទៀតដែល​បញ្ឈប់​ការ​​ផ្តល់វ៉ាក់សាំង​នេះ​ដែរ គឺ​ប្រទេស​ប៉ាគីស្ថាន។​

ព័ត៌មាននៃការផ្អាកត្រូវបានបញ្ជូនទៅកាន់ទីភ្នាក់ងារអង្គការសហប្រជាជាតិភ្លាមៗ មុនពេលយុទ្ធនាការចាក់ថ្នាំបង្ការនៅខែក្នុងខែកញ្ញានេះចាប់ផ្តើម ប៉ុន្តែមិនមានមូលហេតុណាមួយជុំវិញការផ្អាកនេះទេ ហើយគ្មាននរណាម្នាក់មកពីរដ្ឋាភិបាលដែលគ្រប់គ្រងដោយតាលីបង់ ធ្វើអត្ថាធិប្បាយភ្លាមៗនោះដែរ។

មន្ត្រីកំពូលម្នាក់មកពីអង្គការសុខភាពពិភពលោកបានឲ្យដឹងថាមានការពិភាក្សាដើម្បីផ្លាស់ប្ដូរពីការចាក់ថ្នាំបង្ការពីផ្ទះមួយទៅផ្ទះមួយ ហើយជំនួសមកវិញនូវការចាក់វ៉ាក់សាំងនៅកន្លែងដូចជាវិហារអ៊ីស្លាម ស្របពេលអង្គការសុខភាពពិភពលោកបានបញ្ជាក់ពីករណីជំងឺស្វិតដៃជើងចំនួន ១៨ នៅក្នុងប្រទេសអាហ្វហ្គានីស្ថានក្នុងឆ្នាំនេះ លើសពីករណីក្នុងឆ្នាំ ២០២៣។

ការផ្អាកយុទ្ធនាការនេះគឺជាឧបសគ្គចុងក្រោយបង្អស់របស់កិច្ចខិតខំប្រឹងប្រែងជាសកលក្នុងការបញ្ឈប់ជំងឺស្វិតដៃជើងក្នុងគំនិតផ្តួចផ្តើមដែលមានតម្លៃប្រហែល ១ ពាន់លានដុល្លារជារៀងរាល់ឆ្នាំ ដែលបានធ្វើឲ្យខកខានពេលវេលាកំណត់ជាច្រើនដងដើម្បីលុបបំបាត់ ស្របពេលបច្ចេកទេសនៅក្នុងយុទ្ធសាស្ត្រចាក់ថ្នាំបង្ការដែលកំណត់ដោយអង្គការសុខភាពពិភពលោក និងដៃគូត្រូវចំណាយច្រើនថែមទៀត។

ជាមួយគ្នានេះយុទ្ធនាការចាក់វ៉ាក់សាំងជំងឺស្វិតដៃជើង​ក្នុង​ប្រទេស​ប៉ាគីស្ថាន​ជិតខាង​ត្រូវ​ក៏បាន​បំផ្លាញ​ជា​ប្រចាំ​ដោយ​អំពើ​ហិង្សាផងដែរ។ ក្រុមសកម្មប្រយុទ្ធកំណត់គោលដៅក្រុមចាក់ថ្នាំបង្ការ និងប៉ូលិសដែលត្រូវបានចាត់តាំងឱ្យការពារពួកគេ ដោយចោទថាយុទ្ធនាការនេះគឺជាការឃុបឃិតរបស់លោកខាងលិចក្នុងការក្រៀវកុមារ។

ថ្មីៗនេះ WHO បានរាយការណ៍ថា អាហ្វហ្គានីស្ថាន និងប៉ាគីស្ថានកំពុងបន្តអនុវត្ត «យុទ្ធនាការដែលពឹងផ្អែកខ្លាំង និងស៊ីសង្វាក់គ្នា» ផ្តោតលើការកែលម្អការគ្របដណ្តប់ការចាក់ថ្នាំបង្ការនៅក្នុងតំបន់ឆ្លង និងការឆ្លើយតបប្រកបដោយប្រសិទ្ធភាព និងទាន់ពេលវេលាចំពោះការរកឃើញនៅកន្លែងផ្សេងទៀត។ ក្នុងអំឡុងយុទ្ធនាការទូទាំងប្រទេសខែមិថុនា ឆ្នាំ ២០២៤ អាហ្វហ្គានីស្ថានបានប្រើយុទ្ធសាស្រ្តចាក់វ៉ាក់សាំងពីផ្ទះមួយទៅផ្ទះមួយជាលើកដំបូងក្នុងរយៈពេល ៥ ឆ្នាំ ដែលជាយុទ្ធសាស្ត្រដែលជួយទៅដល់កុមារភាគច្រើនជាគោលដៅ។

ប៉ុន្តែ ខេត្ត Kandahar ភាគខាងត្បូង ដែលជាមូលដ្ឋានរបស់មេដឹកនាំកំពូលតាលីបង់ Hibatullah Akhundzada បានប្រើយុទ្ធនាការចាក់វ៉ាក់សាំងពីកន្លែងមួយទៅកន្លែងមួយ ឬនៅវិហារអ៊ីស្លាម ដែលមានប្រសិទ្ធភាពតិចជាងការទៅផ្ទះរបស់ជនរងគ្រោះ ខណៈខេត្តនេះបន្តមានកុមារដែលងាយរងគ្រោះជាច្រើន រួមទាំងការដែលអនុញ្ញាតឲ្យក្មេងស្រីចូលរួមយុទ្ធនាការចាក់វ៉ាក់សាំងមានប្រហែលតែ ២០ភាគរយ នៅក្នុងប្រទេសអាហ្វហ្គានីស្ថានប៉ុណ្ណោះ ដែលនាំឱ្យកុមារទាំងអស់មិនអាចទទួលបានវ៉ាក់សាំងនៅក្នុងតំបន់មួយចំនួន។

គួរបញ្ចាក់ថានៅក្នុងប្រទេសរាប់សិបនៅទូទាំងទ្វីបអាហ្រ្វិក អាស៊ី និងមជ្ឈិមបូព៌ា ហើយឥឡូវនេះក៏មានចំនួនករណីជំងឺស្វិតដៃជើងក្នុងប្រទេសភាគច្រើននៅទូទាំងពិភពលោក និងត្រូវបានរកឃើញថ្មីៗនេះនៅក្នុងតំបន់ហ្គាហ្សា ជាកន្លែងដែលទារកមួយផ្នែកបានពិការដោយសារជំងឺនេះ ដែលបណ្ដាលឲ្យមានការផ្លាស់ប្តូរជាលើកដំបូងទៅជាការផ្ដល់វ៉ាក់សាំងផ្ទាល់មាត់ និងនេះជាករណីដំបូងរបស់ដែនដីក្នុងរយៈពេលជាង២៥ឆ្នាំ៕

អត្ថបទ ៖ ប៊ុន សុភាព