ព័ត៌មានអន្ដរជាតិ
អាមេរិក អនុម័តការលក់គ្រឿងបន្លាស់យោធាតម្លៃ២២៨លានដុល្លារឲ្យតៃវ៉ាន់
ក្រសួងការបរទេសសហរដ្ឋអាមេរិក បានប្រកាសកាលពីថ្ងៃចន្ទថា ខ្លួនបានអនុម័តការលក់គ្រឿងបន្លាស់យោធាឲ្យកោះតៃវ៉ាន់ ក្នុងតម្លៃប្រហែល ២២៨លានដុល្លារ ដែលយោធាតៃវ៉ាន់បាននិយាយថា វានឹងជួយរក្សាការត្រៀមខ្លួនប្រយុទ្ធនៅក្នុងការប្រឈមមុខនឹងការឈ្លានពាននៃយុទ្ធសាស្ត្រសង្គ្រាមតំបន់ពណ៌ប្រផេះរបស់ចិន។
ក្រសួងការបរទេសអាមេរិក បានរៀបរាប់នៅក្នុងសេចក្តីថ្លែងការណ៍មួយថា ការបង្វិល ការជួសជុល និងការដឹកជញ្ជូនគ្រឿងបន្លាស់យោធាទាំងនោះ នឹងត្រូវផ្ទេរចេញពីឃ្លាំងស្តុករបស់រដ្ឋាភិបាលសហរដ្ឋអាមេរិក ដោយបន្ថែមថា យោធារបស់តៃវ៉ាន់នឹងមិនពិបាកក្នុងការទទួលយកគ្រឿងបន្លាស់ទាំងនោះទៅបំពាក់ក្នុងកងកម្លាំងប្រដាប់អាវុធរបស់ខ្លួនឡើយ។
សហរដ្ឋអាមេរិកគឺជាអ្នកគាំទ្រ និងជាអ្នកផ្គត់ផ្គង់អាវុធដ៏សំខាន់បំផុតរបស់តៃវ៉ាន់ បើទោះបីជាអាមេរិកមិនមានទំនាក់ទំនងផ្លូវការជាមួយដែនកោះមួយនេះក៏ដោយ។
ក្រសួងការពារជាតិតៃវ៉ាន់បានសម្តែងអំណរគុណចំពោះការលក់សព្វាវុធនេះ ហើយបាននិយាយនៅក្នុងសេចក្តីថ្លែងការណ៍មួយថា៖ «យុទ្ធសាស្ត្រឈ្លានពានតំបន់ប្រផេះដែលជាទម្លាប់របស់កុម្មុយនិស្តចិន បានធ្វើឲ្យរំខានដល់កន្លែងហ្វឹកហាត់ និងពេលវេលាឆ្លើយតបនៅក្នុងដែនអាកាស និងតំបន់ដែនសមុទ្ររបស់យើង។ ការជួសជុល និងការបង្វិលនូវគ្រឿងបន្លាស់យន្តហោះ និងគ្រឿងបរិក្ខារដែលយល់ព្រមលក់ដោយសហរដ្ឋអាមេរិក នឹងជួយរក្សាការត្រៀមខ្លួនប្រយុទ្ធ និងសុវត្ថិភាពនៃប្រភេទឧបករណ៍យន្តហោះផ្សេងៗរបស់កងទ័ពអាកាស»។
ប្រទេសចិន ដែលចាត់ទុកតៃវ៉ាន់ដែលគ្រប់គ្រងតាមបែបប្រជាធិបតេយ្យថាជាទឹកដីរបស់ខ្លួននោះ បានបង្កើនសម្ពាធផ្នែកយោធា និងនយោបាយក្នុងរយៈពេល៥ឆ្នាំចុងក្រោយនេះ ដើម្បីអះអាងនូវការទាមទាររបស់ខ្លួន។
ប្រទេសចិនបាននិងកំពុងបង្កើនយុទ្ធសាស្ត្រសង្រ្គាមតំបន់ប្រផេះ ដោយមិនប្រើការប្រយុទ្ធជាក់ស្តែងនោះទេ តែបានដាក់សម្ពាធលើកងកម្លាំងតៃវ៉ាន់ រួមទាំងការល្បាតសមុទ្រជាទៀងទាត់នៅជិតកោះ Kinmen ដែលគ្រប់គ្រងដោយតៃវ៉ាន់៕
ដោយ៖ ឈាង
-
ព័ត៌មានជាតិ៥ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ៥ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ១ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៦ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានជាតិ៥ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានអន្ដរជាតិ៦ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ១ សប្តាហ៍ ago
លើកដំបូងលើលោក! ចិន រកឃើញមេរោគស៊ីខួរក្បាលដ៏សាហាវ ឆ្លងមកមនុស្ស តាមសត្វចៃ
-
សេដ្ឋកិច្ច៥ ថ្ងៃ ago
កម្ពុជានឹងក្លាយជាប្រទេសនាំចេញស្វាយចន្ទីលេខ១ លើពិភពលោកនៅឆ្នាំ ២០៣០