ព័ត៌មានអន្ដរជាតិ
មនុស្សអាយុលើសពី១០០ឆ្នាំនៅជប៉ុន មានជិត១០ម៉ឺននាក់ ភាគច្រើនជាស្ត្រី
ចំនួនប្រជាជនវ័យចំណាស់នៅក្នុងប្រទេសជប៉ុនដែលមានអាយុលើសពី១០០ឆ្នាំ បានហក់ឡើងដល់កម្រិតខ្ពស់បំផុត ដោយមានជាង ៩៥ ០០០នាក់ ហើយក្នុងនោះស្ទើរតែ ៩០%នៃពួកគេគឺជាស្ត្រី។ នេះបើយោងតាមទិន្នន័យរបស់រដ្ឋាភិបាលជប៉ុន ដែលបានបង្ហាញនៅថ្ងៃអង្គារទី១៧ខែកញ្ញា។
តួលេខនេះបានគូសបញ្ជាក់បន្ថែមអំពីវិបត្តិប្រជាសាស្រ្តនៅជប៉ុន ខណៈដែលចំនួនប្រជាជនកាន់តែចាស់ តែអត្រាកំណើតថ្មីបានធ្លាក់ចុះ។
ក្រសួងសុខាភិបាលជប៉ុន បានប្រកាសនៅក្នុងសេចក្តីថ្លែងការណ៍មួយថា គិតត្រឹមថ្ងៃទី១ខែកញ្ញា ជប៉ុនមានមនុស្សអាយុ១០០ឆ្នាំចំនួន ៩៥ ១១៩នាក់ កើនឡើង ២ ៩៨០នាក់បើធៀបនឹងឆ្នាំមុន ដោយក្នុងនោះមាន ៨៣ ៩៥៨នាក់ជាស្ត្រី និង ១១ ១៦១នាក់ជាបុរស។
កាលពីថ្ងៃអាទិត្យ រដ្ឋាភិបាលជប៉ុន ក៏បានបង្ហាញទិន្នន័យដាច់ដោយឡែកមួយអំពីចំនួនមនុស្សដែលមានអាយុលើសពី ៦៥ឆ្នាំផងដែរ ដែលបានកើនឡើងដល់កម្រិតខ្ពស់បំផុតគឺ ៣៦,២៥លាននាក់ ដែលស្មើនឹង ២៩,៣%នៃចំនួនប្រជាជនជប៉ុន។
យោងតាមក្រុមស្រាវជ្រាវ Gerontology ដែលមានមូលដ្ឋាននៅសហរដ្ឋអាមេរិក បានឲ្យដឹងថា មនុស្សចាស់ជាងគេបំផុតលើពិភពលោក កំពុងរស់នៅក្នុងប្រទេសជប៉ុន ដែលមានឈ្មោះថា Tomiko Itooka។ លោកយាយកើតនៅថ្ងៃទី២៣ខែឧសភាឆ្នាំ១៩០៨ ដែលបច្ចុប្បន្នលោកយាយមានអាយុ ១១៦ឆ្នាំ។
មុនលោកយាយ Itooka មនុស្សចាស់ជាងគេបំផុតលើលោកគឺលោកយាយ Maria Branyas Morera ដែលបានទទួលមរណភាពកាលពីខែមុននៅប្រទេសអេស្ប៉ាញក្នុងអាយុ ១១៧ឆ្នាំ។
ប្រទេសជប៉ុនកំពុងប្រឈមមុខនឹងវិបត្តិប្រជាសាស្ត្រកាន់តែអាក្រក់ឡើងជាលំដាប់ ដោយសារតែចំនួនមនុស្សចាស់ចេះតែកើនឡើង ដែលជាហេតុនាំឲ្យថ្លៃព្យាបាល និងការថែទាំសុខុមាលភាពកើនឡើង ខណៈកម្លាំងពលកម្មបែរជាធ្លាក់ចុះទៅវិញ។
ប្រជាជនសរុបរបស់ជប៉ុនបច្ចុប្បន្នមានចំនួន ១២៤លាននាក់ បន្ទាប់ពីបានធ្លាក់ចុះចំនួន ៥៩៥ ០០០នាក់កាលពីឆ្នាំមុន។
រដ្ឋាភិបាលជប៉ុន បានព្យាយាមពន្យឺតការថយចុះ និងភាពចាស់នៃចំនួនប្រជាជនរបស់ខ្លួន តែមិនទទួលបានផ្លែផ្កាជាដុំកំភួនអ្វីឡើយ។ ជប៉ុន បានពន្យារអាយុចូលនិវត្តន៍បន្តិចម្តងៗ ដោយនៅឆ្នាំ២០២៥ខាងមុខ អាយុត្រូវចូលនិវត្តន៍គឺ ៦៥ឆ្នាំសម្រាប់និយោជកទាំងអស់៕
ដោយ៖ ឈាង
ពិធីឡើងកាន់តំណែងលោក ត្រាំ ផ្លាស់ប្ដូរទៅធ្វើនៅក្នុងវិមានវិញ ព្រោះតែព្យុះព្រិលធ្ងន់ធ្ងរ
ថ្ងៃនេះ កីឡាករឥណ្ឌា២រូប បង្ហាញខ្លួនឲ្យក្រុមខេត្តស្វាយរៀង ក្នុងតេជោលីគ
ផ្លូវបេតុងថ្មីមួយខ្សែ នៅសង្កាត់ក្រាំងធ្នង់ សម្រេចបាន៦០ភាគរយ គ្រោងដាក់ឱ្យប្រើប្រាស់នៅចុងខែកុម្ភៈខាងមុខនេះ
មន្ត្រីអភិរក្សសត្វព្រៃនៅ ស្រុកសៀមប៉ាង តាមបង្ក្រាបជនសង្ស័យដាក់អន្ទាក់សត្វព្រៃ
រដ្ឋបាលរាជធានីបន្តយុទ្ធនាការចុះបាញ់ថ្នាំសម្លាប់មូសនៅតាមភូមិ សង្កាត់និងខណ្ឌទាំង១៤
ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
លោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
លោក លី ធុជ ពាំនាំសាររំលែកមរណទុក្ខពីសម្តេចធិបតី និងលោកជំទាវបណ្ឌិត ជូនចំពោះក្រុមគ្រួសារនៃសព លោក ពៅ នេពីន ដែលគ្រោះថ្នាក់បាត់បង់ជីវិតក្នុងឧបទ្ទវហេតុផ្ទុះមីន
ចុងសប្តាហ៍នេះ អាមេរិក ជួបព្យុះព្រឹលធ្ងន់ធ្ងរ ប៉ះពាល់ពលរដ្ឋជាង ៣០០លាននាក់
លោក Mike Tyson ទិញវីឡាតម្លៃ១៣លានដុល្លារ ក្រោយប្រកួតជាមួយ Jake Paul
-
ចរាចរណ៍៥ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៧ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍៥ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ១៨ ម៉ោង agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៤ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ១ សប្តាហ៍ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៧ ថ្ងៃ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ