ព័ត៌មានអន្ដរជាតិ
អាមេរិក ប្រកាសមិនជាប់ពាក់ព័ន្ធនឹងរឿងបំផ្ទុះឧបករណ៍ទាក់ទងដំណាលគ្នានៅទូទាំងលីបង់
ក្រោយកើតមានហេតុការណ៍ផ្ទុះឧបករណ៍ទាក់ទងដំណាលគ្នានៅលីបង់ ហើយបណ្ដាលឲ្យមនុស្សស្លាប់និងរងរបួសរាប់ពាន់នាក់កាលពីថ្ងៃទី១៧ខែកញ្ញា សហរដ្ឋអាមេរិកបានចេញមុខប្រកាសថា ខ្លួនមិនបានដឹងមុន ឬក៏ជាប់ពាក់ព័ន្ធនឹងឧប្បត្តិហេតុនេះឡើយ។
អ្នកនាំពាក្យក្រសួងការបរទេសអាមេរិក លោក Matthew Miller បានប្រាប់អ្នកយកព័ត៌មានថា៖ «ខ្ញុំអាចប្រាប់អ្នកថា សហរដ្ឋអាមេរិកមិនបានចូលរួមនៅក្នុងរឿងនេះទេ សហរដ្ឋអាមេរិកមិនបានដឹងអំពីឧប្បត្តិហេតុនេះជាមុន ហើយនៅពេលនេះ យើងកំពុងប្រមូលព័ត៌មាន»។
លោក Miller បានបដិសេធមិនធ្វើអត្ថាធិប្បាយលើការសង្ស័យដែលរីករាលដាលថាការបំផ្ទុះត្រូវបានធ្វើឡើងដោយអ៊ីស្រាអែល ដែលតែងតែមានការប៉ះទង្គិចប្រដាប់អាវុធជាមួយក្រុមហេសបូឡា បន្ទាប់ពីការវាយប្រហារកាលពីថ្ងៃទី៧ខែតុលា លើអ៊ីស្រាអែលដោយសម្ព័ន្ធមិត្តអ៊ីរ៉ង់មួយផ្សេងទៀតគឺក្រុមហាម៉ាស។
ការផ្ទុះនេះ បានកើតឡើងបន្ទាប់ពីមានកិច្ចពិភាក្សាការទូតឯកជនរយៈពេលជាច្រើនសប្ដាហ៍ដោយសហរដ្ឋអាមេរិក ដើម្បីបង្អាក់ការសងសឹកទ្រង់ទ្រាយធំរបស់អ៊ីរ៉ង់ប្រឆាំងនឹងអ៊ីស្រាអែល ចំពោះការសម្លាប់ប្រមុខដឹកនាំរបស់ក្រុមហាម៉ាសគឺលោក Ismail Haniyeh ក្នុងដំណើរទស្សនកិច្ចទៅកាន់ទីក្រុងតេហេរ៉ង់កាលពីចុងខែកក្កដា។
អ្នកនាំពាក្យក្រសួងការបរទេសអាមេរិក បានសង្កត់ធ្ងន់ថា៖ «យើងនឹងជំរុញឲ្យអ៊ីរ៉ង់មិនត្រូវទាញយកផលប្រយោជន៍ពីឧប្បត្តិហេតុណាមួយ ដើម្បីព្យាយាមបន្ថែមអស្ថិរភាព និងបង្កើនភាពតានតឹងបន្ថែមទៀតនៅក្នុងតំបន់ឡើយ។ យើងចង់ឃើញដំណោះស្រាយការទូតចំពោះជម្លោះរវាងអ៊ីស្រាអែល និងក្រុមហេសបូឡា»។
សហរដ្ឋអាមេរិកគឺជាសម្ព័ន្ធមិត្តជិតស្និទ្ធរបស់អ៊ីស្រាអែល និងជាសត្រូវរបស់អ៊ីរ៉ង់ ចាប់តាំងពីបដិវត្តន៍អ៊ីស្លាមឆ្នាំ១៩៧៩បានផ្តួលរំលំរាជវង្ស Shah របស់អ៊ីរ៉ង់ ដែលដឹកនាំប្រទេសតាមរបៀបលោកខាងលិច។
សូមបញ្ជាក់ថា មនុស្សចំនួន៩នាក់ ត្រូវស្លាប់ និងជិត៣ ០០០នាក់រងរបួសនៅលីបង់ ខណៈឧបករណ៍ទាក់ទង ឬប៉េកឺ (Pager) ដែលប្រើដោយក្រុមហេសបូឡា ផ្ទុះដំណាលគ្នា សឹងទូទាំងប្រទេស ហើយក្រោយហេតុការណ៍នេះ ចលនាប្រដាប់អាវុធសម្ព័ន្ធអ៊ីរ៉ង់ បានប្រកាសសងសឹកអ៊ីស្រាអែល ដោយមិនប្រណីដៃ។ ពាក់ព័ន្ធការផ្ទុះនេះដែរ អ្នកជំនាញមួយចំនួនលើកឡើងថា ប្រហែលជាមានការ hack ធ្វើឲ្យថ្មឧបករណ៍ទាក់ទងឡើងក្តៅ បណ្តាលឲ្យឧបករណ៍នេះផ្ទុះតែម្តង។
ត្បិតតែ គ្មាននរណាម្នាក់អះអាងទទួលខុសត្រូវក៏ពិតមែន ប៉ុន្តែលីបង់ និងក្រុមហេសបូឡា បានចង្អុលចំមុខទៅអ៊ីស្រាអែល ដោយលោកនាយករដ្ឋមន្ត្រីលីបង់ Najib Mikati អះអាងថា ការផ្ទុះនេះគឺជាការរំលោភយ៉ាងធ្ងន់ធ្ងរលើអធិបតេយ្យភាពលីបង់៕
ដោយ៖ ឈាង
ចុចអាន៖ ឧបករណ៍ទាក់ទង ផ្ទុះដំណាលគ្នាទូទាំងប្រទេសលីបង់ ស្លាប់និងរបួសមនុស្សជិត ៣ ០០០នាក់
សិស្សប៊ែលធីនិទ្ទេស A ១៩១រូប ចែករំលែកបទពិសោធន៍ដល់សិស្សថ្នាក់ទី១២ ចំនួន ២,៧៩៧នាក់ ដែលត្រៀមប្រឡង
សមត្ថកិច្ចបង្ក្រាបទីតាំងដេប៉ូឈើចំនួន២ កន្លែងនៅកណ្តាលក្រុងសៀមរាប ផ្ទុកឈើល្មើសច្បាប់ជាច្រើនម៉ែត្រគូប
សម្តេចម៉ែន សំអន ណែនាំក្រុមការងារបក្សចុះមូលដ្ឋានខេត្តស្វាយរៀង បន្តដោះស្រាយបញ្ហាប្រឈមនានារបស់ពលរដ្ឋ
អាមេរិកលក់អាវុធថ្មីតម្លៃ៨ពាន់លានដុល្លារឲ្យអ៊ីស្រាអែល ដោយមិនអើពើនឹងការអំពាវនាវជាអន្តរជាតិ
សមាជិកថ្មីនៅរាជធានីភ្នំពេញ១៨១៨រូប ត្រូវបានប្រកាសបញ្ចូលជាសមាជិករបស់គណបក្សប្រជាជនកម្ពុជា
តាក់ស៊ី ១ គ្រឿង បុករបាំងថ្មចែកទ្រូងផ្លូវ ក្រឡាប់ឆេះមនុស្ស ២ នាក់ ស្លាប់ក្នុងរថយន្ត អ្នកបើកបររបួសធ្ងន់
ផ្លូវជាតិលេខ ៧ ពង្រីក ៤ គន្លង ពីស្គន់ដល់ក្រុងកំពង់ចាមសម្រេចបានជាង ២៨%
មេប៉ូលីសក្រុងអះអាង មន្រ្តីចរាចរណ៍លាក់ខ្លួន (នាងពួន) បោះដៃតាមគោលដៅស្តុប លុបបំបាត់ស្ទើរទាំងស្រុង
មនុស្សជាង ៣០០នាក់ ត្រូវសង្គ្រោះបាន ពីអគ្គិភ័យឆាបឆេះអគារពាណិជ្ជកម្ម នៅកូរ៉េខាងត្បូង
អាមេរិកលក់អាវុធថ្មីតម្លៃ៨ពាន់លានដុល្លារឲ្យអ៊ីស្រាអែល ដោយមិនអើពើនឹងការអំពាវនាវជាអន្តរជាតិ
-
ព័ត៌មានជាតិ៣ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ព័ត៌មានជាតិ២ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា២ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ
-
ព័ត៌មានអន្ដរជាតិ២ ថ្ងៃ agoអ្នកដំណើរមួយយន្តហោះ ជិះចេញពីព្រលាននៅឆ្នាំ២០២៥ តែចុះចតនៅឆ្នាំ២០២៤
-
ព័ត៌មានជាតិ៣ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ៣ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ជីវិតកម្សាន្ដ៦ ថ្ងៃ agoZhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
-
សេដ្ឋកិច្ច៣ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល