ព័ត៌មានអន្ដរជាតិ
Reuters៖ អ៊ីស្រាអែលជាអ្នកនៅពីក្រោយការបំផ្ទុះឧបករណ៍ទាក់ទងក្រុមហេសបូឡាចំនួន៥០០០គ្រឿង
ប្រភពសន្តិសុខលីបង់ជាន់ខ្ពស់ និងប្រភពមួយផ្សេងទៀត បានប្រាប់ទីភ្នាក់ងារព័ត៌មាន Reuters ថា ទីភ្នាក់ងារចារកម្ម Mossad របស់អ៊ីស្រាអែល បានលួចបង្កប់គ្រឿងផ្ទុះនៅខាងក្នុងឧបករណ៍ទាក់ទង (Pager) ចំនួន៥ពាន់គ្រឿងរបស់ក្រុមហេសបូឡានៃប្រទេសលីបង់អស់រយៈពេលជាច្រើនខែមកហើយ មុនការបំផ្ទុះទ្រង់ទ្រាយធំកាលពីរសៀលថ្ងៃទី១៧ខែកញ្ញា។
ហេតុការណ៍បំផ្ទុះនៅសឹងទូទាំងប្រទេសលីបង់ ដែលមិនធ្លាប់មានពីមុនមក បានសម្លាប់មនុស្សចំនួន៩នាក់ និងរបួសជិត៣០០០នាក់ផ្សេងទៀត ដោយក្នុងនោះមានទាំងក្រុមសកម្មប្រយុទ្ធហេសបូឡា និងបេសកជនអ៊ីរ៉ង់ប្រចាំរដ្ឋធានីបេរូតផងដែរ។
ប្រភពសន្តិសុខរបស់ប្រទេសលីបង់ បាននិយាយថា ឧបករណ៍ទាក់ទង Pager ទាំងនោះគឺទិញមកពីក្រុមហ៊ុន Gold Apollo ដែលមានមូលដ្ឋាននៅតៃវ៉ាន់ ប៉ុន្តែក្រុមហ៊ុនបានបញ្ជាក់ថា ខ្លួនមិនបានផលិតឧបករណ៍នេះទេ ដោយវាត្រូវបានផលិតដោយក្រុមហ៊ុនអឺរ៉ុបមួយដែលមានសិទ្ធិប្រើប្រាស់ម៉ាករបស់ខ្លួន។
ក្រុមហេសបូឡាដែលគាំទ្រដោយអ៊ីរ៉ង់ បានប្រកាសប្តេជ្ញាសងសឹកអ៊ីស្រាអែលចំពោះឧប្បត្តិហេតុនេះ។ យ៉ាងណា យោធាអ៊ីស្រាអែលបានបដិសេធមិនធ្វើអត្ថាធិប្បាយលើការបំផ្ទុះនោះទេ។
ប្រភពជាច្រើនបានប្រាប់ Reuters ថាផែនការនេះហាក់ដូចជាមានរយៈពេលជាច្រើនខែមុនពេលធ្វើប្រតិបត្តិការ។
ប្រភពសន្តិសុខលីបង់ជាន់ខ្ពស់ បានរៀបរាប់ថា ក្រុមហេសបូឡាបានបញ្ជាទិញឧបករណ៍ទាក់ទងសរុបចំនួន៥ពាន់គ្រឿងពីក្រុមហ៊ុន Gold Apollo ដែលប្រភពជាច្រើនបានអះអាងថាឧបករណ៍ទាំងនោះត្រូវបាននាំចូលទៅក្នុងប្រទេសលីបង់កាលពីដើមឆ្នាំ២០២៤។
ស្ថាបនិកក្រុមហ៊ុន Gold Apollo លោក Hsu Ching-Kuang បានរៀបរាប់ថា ឧបករណ៍ទាក់ទងដែលផ្ទុះនេះ ត្រូវបានផលិតដោយក្រុមហ៊ុនអឺរ៉ុបមួយ ដែលមានសិទ្ធិប្រើប្រាស់យីហោរបស់ក្រុមហ៊ុនលោក ហើយមានមូលដ្ឋាននៅទីក្រុងតៃប៉ិ តែលោកមិនបានបញ្ជាក់អំពីឈ្មោះក្រុមហ៊ុននោះភ្លាមៗទេ។
ប្រភពចំនួន២ដែលស្និទ្ធនឹងក្រុមហេសបូឡា បានឲ្យ Reuters ដឹងថា ក្រុមហេសបូឡាប្រើប្រាស់ឧបករណ៍ទាក់ទង Pager នេះជាមធ្យោបាយទំនាក់ទំនងបច្ចេកវិទ្យាទាប ដោយហេតុចង់គេចពីការតាមដានទីតាំងរបស់អ៊ីស្រាអែល។
ប៉ុន្តែប្រភពជាន់ខ្ពស់លីបង់ បានប្រាប់ថា ឧបករណ៍ទាំងនោះនៅតែត្រូវទីភ្នាក់ងារចារកម្មអ៊ីស្រាអែលលួចបង្កប់គ្រឿងផ្ទុះបានដដែលតាំងពីនៅរោងចក្រផលិតមកម៉្លេះ ហើយបើទោះប្រើឧបករណ៍ស្កែនឬឆែកមើល ក៏មិនអាចរកឃើញបានឡើយ។
ប្រភពបានបន្តថា ឧបករណ៍ទាក់ទងចំនួន៣០០០គ្រឿងបានផ្ទុះឡើងដំណាលគ្នា នៅពេលដែលមានកូដបញ្ជូនទៅកាន់ឧបករណ៍ទាំងនោះ។
ប្រភពសន្តិសុខមួយផ្សេងទៀត បានប្រាប់ Reuters ថា គ្រឿងផ្ទុះមានចំនួនរហូតដល់ទៅ៣ក្រាម ដែលត្រូវបានបង្កប់នៅក្នុងឧបករណ៍ Pager ហើយ «មិនត្រូវបានរកឃើញ» ទោះក្រុមហេសបូឡាប្រើប្រាស់វាអស់រយៈពេលជាច្រើនខែមកហើយ។
សូមបញ្ជាក់ជាថ្មី មនុស្សចំនួន៩នាក់ ត្រូវស្លាប់ និងជិត៣ ០០០នាក់រងរបួសនៅលីបង់ ខណៈឧបករណ៍ទាក់ទង ឬប៉េកឺ (Pager) ដែលប្រើដោយក្រុមហេសបូឡា ផ្ទុះដំណាលគ្នា សឹងទូទាំងប្រទេស ហើយក្រោយហេតុការណ៍នេះ ចលនាប្រដាប់អាវុធសម្ព័ន្ធអ៊ីរ៉ង់ បានប្រកាសសងសឹកអ៊ីស្រាអែល ដោយមិនប្រណីដៃ។
ត្បិតតែ គ្មាននរណាម្នាក់អះអាងទទួលខុសត្រូវក៏ពិតមែន ប៉ុន្តែលីបង់ និងក្រុមហេសបូឡា បានចង្អុលចំមុខទៅអ៊ីស្រាអែល ដោយលោកនាយករដ្ឋមន្ត្រីលីបង់ Najib Mikati អះអាងថា ការផ្ទុះនេះគឺជាការរំលោភយ៉ាងធ្ងន់ធ្ងរលើអធិបតេយ្យភាពលីបង់៕
ដោយ៖ ឈាង
ចុចអាន៖ អាមេរិក ប្រកាសមិនជាប់ពាក់ព័ន្ធនឹងរឿងបំផ្ទុះឧបករណ៍ទាក់ទងដំណាលគ្នានៅទូទាំងលីបង់
មីយ៉ាន់ម៉ាសុខចិត្តដោះលែងអ្នកទោសនេសាទថៃ៤នាក់ ក្រោយសម្របសម្រួលជិតកន្លះឆ្នាំ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?