ព័ត៌មានអន្ដរជាតិ

ស្រ្តីថៃម្នាក់ត្រូវពស់ថ្លាន់ចឹកនិងរឹតជិតស្លាប់ ពេលកំពុងឈរលាងចានពេលព្រលប់

បានផុស

៥ ខែ មុន

នៅ

ថ្ងៃព្រហស្បតិ៍ ១៩ កញ្ញា ២០២៤

ដោយ

ស្ត្រីចំណាស់វ័យ៦៤ឆ្នាំម្នាក់ត្រូវបានពស់ថ្លាន់ប្រវែង៤ម៉ែត្រ រួតរឹតខ្លួនប្រហែល២ម៉ោងស្ទើរបាត់បង់ជីវិត ប៉ុន្តែសំណាងដែលសំឡេងស្រែករបស់គាត់ត្រូវបានអ្នកជិតខាងឮ និងប្រាប់ដំណឹងដល់ប៉ូលិសទាន់ពេលដើម្បីមកត្រួតពិនិត្យនិងជួយសង្គ្រោះ។ យោងសារព័ត៌មានថៃ Khaosod English។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ដ៏ចំឡែកនេះ កើតឡើងនៅស្រុក Phra Samut Chedi ខេត្ត Samut Prakarn នៅវេលាម៉ោង១០យប់ថ្ងៃអង្គារ នៅពេលដែលអ្នកជិតខាងបានឮសំឡេងហៅនាងឲ្យជួយ ហើយប៉ូលីស ក៏ដូចជាអ្នកជួយសង្គ្រោះបានមកដល់។ ពួកគេត្រូវទម្លុះទ្វារផ្ទះរបស់លោកស្រី អារ៉ុម (Arom) ជាអ្នកមើលការខុសត្រូវក្នុងមន្ទីរពេទ្យ ហើយបានប្រទះឃើញនាងត្រូវពស់ចឹក រហូតដល់លែងមានថាមពលឬសំឡេង។

សេចក្តីរាយការណ៍ខ្លីរបស់សារព័ត៌មានថៃ Khaosod បានឱ្យដឹងថា ក្រោយការជួយសង្គ្រោះនិងមានស្មារតីគ្រប់គ្រាន់វិញ ស្រ្តីរងគ្រោះបានប្រាប់ប៉ូលីសថា នាងកំពុងលាងចាននៅម៉ោងប្រហែល៨យប់ ស្រាប់តែត្រូវពស់ចឹកពីខាងក្រោយត្រង់ភ្លៅខាងស្តាំ ហើយពស់ថ្លាន់នោះរឹតភ្លាមៗ។

នាងបានបន្តអំពាវនាវរកជំនួយដោយការស្រែករយៈពេលជិតពីរម៉ោង ដោយគ្មានអ្នកណាឮសំឡេងស្រែកឱ្យជួយនោះទេ មុនពេលអ្នកជិតខាងបានឮនាង។ ពស់ថ្លាន់នោះអាចនាំយកស្រ្តីចំណាស់នោះទៅក្នុងវាលភក់នៅខាងក្រោយផ្ទះ បើសិនជួយសង្គ្រោះមិនទាន់ពេល។ ទោះបីយ៉ាងណាស្ត្រីរងគ្រោះត្រូវបានបញ្ជូនទៅកាន់មន្ទីរពេទ្យភ្លាមៗដែលនៅក្បែរនោះ៕

ដោយ រ៉ាន់ រើយ