ព័ត៌មានអន្ដរជាតិ

ក្មេងប្រុសជប៉ុន១០ឆ្នាំម្នាក់ត្រូវបានចាក់សម្លាប់នៅជិតសាលារៀនក្នុងប្រទេសចិន

បានផុស

៤ ខែ មុន

នៅ

ថ្ងៃព្រហស្បតិ៍ ១៩ កញ្ញា ២០២៤

ដោយ

ក្មេងប្រុសអាយុ១០ឆ្នាំម្នាក់ដែលត្រូវបានវាយប្រហារដោយកាំបិតនៅតាមផ្លូវទៅសាលាជប៉ុន នៅភាគខាងត្បូងប្រទេសចិន បានស្លាប់ដោយសាររបួសត្រង់ក្បាលពោះធ្ងន់ធ្ងរ។ នេះបើយោងតាមការចេញផ្សាយរបស់សារព័ត៌មាន NHK នៅថ្ងៃទី១៩ខែកញ្ញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គកុងស៊ុលជប៉ុនប្រចាំទីក្រុងក្វាងចូវប្រទេសចិន លោកស្រី Kijima Yoshiko បានឲ្យដឹងថា ក្មេងប្រុសនោះជាជនជាតិជប៉ុន និងបានបាត់បង់ជីវិតនៅឯមន្ទីរពេទ្យ បន្ទាប់ពីបានបញ្ជួនទៅសង្គ្រោះនៅមន្ទីពេទ្យ។ ក្នុងពេលកើតហេតុក្មេងប្រុសនេះកំពុងធ្វើដំណើរទៅសាលារៀន ជាមួយឪពុកម្តាយរបស់គាត់ ខណៈពេលដែលគាត់ត្រូវបានបុរសម្នាក់កាន់កាំបិតវាយប្រហារគាត់នៅទីក្រុង Shenzhen ក្នុងខេត្ត Guangdong ភាគខាងត្បូងប្រទេសចិន កាលពីព្រឹកថ្ងៃពុធ។

ប៉ូលិសមូលដ្ឋាននិយាយថា ជនសង្ស័យអាយុ៤៤ឆ្នាំដែលត្រូវបានចាប់ខ្លួននៅកន្លែងកើតហេតុ ហើយទំនងជាកំពុងស្ថិតក្រោមការសួរចម្លើយ ខណៈមូលហេតុមិនទាន់ត្រូវបានដឹងនៅឡើយនោះទេ។ យោងតាម លោកស្រី Kijima បានឲ្យដឹងថា ក្មេងប្រុសនេះត្រូវបានបុរសរូបនោះចាក់ចំពោះ ហើយអាជ្ញាធរចិននឹងកំណត់ពីមូលហេតុពិតប្រាកដនៃការស្លាប់របស់នេះ ខណៈលោកស្រីចង់ឲ្យអាជ្ញាធរចិនបន្តការពារជនជាតិជប៉ុនក្នុងប្រទេស។

ពាក់ព័ន្ធបញ្ហានេះសាលាដែលជនរងគ្រោះបានចូលរៀននឹងត្រូវបិទទ្វារពេញមួយសប្តាហ៍។ មន្ត្រីកុងស៊ុលជប៉ុននឹងរក្សាទំនាក់ទំនងជាមួយសាលា និង ផ្តល់ការគាំទ្រដល់គ្រួសារក្មេងប្រុស។

គួរបញ្ជាក់ថា កាលពីខែមិថុនា បុរសកាន់កាំបិតម្នាក់ទៀតបានវាយប្រហារឡានក្រុងរបស់សាលាជប៉ុនមួយក្នុងទីក្រុង Suzhou ក្នុងខេត្ត Jiangsu ភាគខាងកើត បណ្ដាលឲ្យស្ត្រីជនជាតិជប៉ុនម្នាក់ និងកូនរបស់គាត់បានរងរបួស ខណៈស្ត្រីបម្រើការក្នុងរថយន្តក្រុងជនជាតិចិនម្នាក់ដែលព្យាយាមបញ្ឈប់ការវាយប្រហារត្រូវបានចាក់សម្លាប់៕