ព័ត៌មានអន្ដរជាតិ
អាមេរិក បន្តទុកប្រព័ន្ធមីស៊ីលនៅហ្វីលីពីន ខណៈភាពតានតឹងជាមួយចិនកើនឡើង
សហរដ្ឋអាមេរិក មិនមានគម្រោងភ្លាមៗនោះទេ ដើម្បីយកប្រព័ន្ធមីស៊ីលរយៈចម្ងាយមធ្យមដែលដាក់ពង្រាយនៅហ្វីលីពីនត្រឡប់ទៅទឹកដីរបស់ខ្លួនវិញ បើទោះជាមានការទាមទារពីប្រទេសចិនក៏ដោយ។ ផ្ទុយទៅវិញ អាមេរិកកំពុងសាកល្បងចង់ពីសមត្ថភាពនៃប្រព័ន្ធមីស៊ីលទាំងនោះនៅក្នុងតំបន់ជម្លោះ។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters នៅថ្ងៃទី១៩ខែកញ្ញា។
ប្រព័ន្ធបាញ់មីស៊ីល Typhon ដែលអាចបំពាក់ប្រភេទមីស៊ីលគ្រូសហើយមានសមត្ថភាពវាយប្រហារគោលដៅរបស់ចិន ត្រូវបានអាមេរិកដាក់ពង្រាយនៅក្នុងប្រទេសហ្វីលីពីន សម្រាប់សមយុទ្ធរួមគ្នាកាលពីប៉ុន្មានខែមុន ហើយត្រូវបានរក្សាទុកនៅទីនោះមកទល់នឹងពេលនេះ។
ហ្វីលីពីន ដែលជាប្រទេសជិតខាងរបស់តៃវ៉ាន់ គឺជាផ្នែកមួយដ៏សំខាន់នៃយុទ្ធសាស្ត្ររបស់អាមេរិកនៅតំបន់អាស៊ី ហើយនឹងក្លាយជាចំណុចសំខាន់ដែលមិនអាចខ្វះបានសម្រាប់យោធាក្នុងការជួយក្រុងតៃប៉ិក្នុងករណីមានការវាយប្រហារពីចិន។
ចិន និងរុស្ស៊ីបានថ្កោលទោសចំពោះការដាក់ពង្រាយប្រព័ន្ធមីស៊ីលប្រភេទនេះជាលើកដំបូងទៅកាន់ឥណ្ឌូប៉ាស៊ីហ្វិក ហើយបានចោទប្រកាន់ក្រុងវ៉ាស៊ីនតោនថាបានបញ្ឆេះការប្រកួតប្រជែងសព្វាវុធ។
ការដាក់ពង្រាយនេះ បានធ្វើឡើងនៅពេលដែលចិន និងហ្វីលីពីនបានប៉ះទង្គិចគ្នានៅលើផ្នែកខ្លះនៃតំបន់ជម្លោះក្នុងសមុទ្រចិនខាងត្បូង។ នារយៈពេលប៉ុន្មានខែថ្មីៗនេះមានការប្រឈមមុខគ្នាតាមសមុទ្រ និងផ្លូវអាកាសជាបន្តបន្ទាប់នៅក្នុងផ្លូវទឹកយុទ្ធសាស្ត្ររវាងប្រទេសទាំង២។
មន្ត្រីហ្វីលីពីន បាននិយាយថា កងកម្លាំងហ្វីលីពីន និងអាមេរិកបានបន្តការហ្វឹកហាត់ជាមួយប្រព័ន្ធមីស៊ីល ដែលស្ថិតនៅភាគខាងជើងកោះ Luzon នៅទល់មុខសមុទ្រចិនខាងត្បូង និងនៅជិតច្រកសមុទ្រតៃវ៉ាន់។ ហ្វីលីពីន បានបន្តថា សមយុទ្ធចុងក្រោយនេះនឹងត្រៀមបញ្ចប់នៅចុងខែកញ្ញា ហើយការសម្រេចចិត្តដកយកប្រព័ន្ធមីស៊ីលទាំងនោះទៅវិញឬក៏យ៉ាងណា គឺអាស្រ័យលើសហរដ្ឋអាមេរិក។
មន្ត្រីរដ្ឋាភិបាលជាន់ខ្ពស់ហ្វីលីពីន ដែលបាននិយាយក្នុងលក្ខខណ្ឌមិនបញ្ចេញឈ្មោះ បានប្រាប់ថា សហរដ្ឋអាមេរិក និងហ្វីលីពីនកំពុងសាកល្បងសមត្ថភាពនៃការប្រើប្រាស់ប្រព័ន្ធមីស៊ីលនៅទីនោះ ក្នុងករណីមានជម្លោះ ដោយសាកល្បងថាតើវាដំណើរការល្អនៅក្នុងបរិយាកាសនោះឬក៏អត់។
សូមបញ្ជាក់ថា កងទ័ពសហរដ្ឋអាមេរិកបានបញ្ជូនប្រព័ន្ធ Typhon ដែលអាចបាញ់មីស៊ីល SM-6 និងមីស៊ីល Tomahawks ក្នុងរយៈចម្ងាយលើសពី១៦០០គីឡូម៉ែត្រ ទៅកាន់ប្រទេសហ្វីលីពីនកាលពីខែមេសា ដោយនេះគឺជាការដាក់ពង្រាយលើកដំបូងបង្អស់នៅក្នុងតំបន់ និងជាការបង្ហាញពីការកើនឡើងនៃភាពជាដៃគូរវាងសហរដ្ឋអាមេរិកនិងហ្វីលីពីន៕
ដោយ៖ ឈាង
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?