ព័ត៌មានអន្ដរជាតិ

ស្ត្រីជនជាតិអាល្លឺម៉ង់ម្នាក់ស្លាប់ដោយត្រីឆ្លាមវាយប្រហារដ៏កម្រនៅជិតកោះ Canary

បានផុស

៤ ថ្ងៃ មុន

នៅ

ថ្ងៃសុក្រ ២០ កញ្ញា ២០២៤

ដោយ

ស្ត្រីម្នាក់បានស្លាប់បន្ទាប់ពីត្រីឆ្លាមវាយប្រហារនៅមហាសមុទ្រអាត្លង់ទិកក្បែរប្រជុំកោះ Canary ជាប្រជុំកោះរបស់អេស្ប៉ាញភាគពាយ័ព្យទ្វីបអាហ្វ្រិក។ យោងការផ្សាយរបស់ CNN នៅថ្ងៃទី១៩ខែកញ្ញានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យរបស់ Guardia Civil របស់ប្រទេសអេស្ប៉ាញបានប្រាប់ CNN កាលពីថ្ងៃពុធថា ស្រ្តីសញ្ជាតិអាល្លឺម៉ង់វ័យ ៣១ឆ្នាំរូបនេះបានបាត់បង់ជើងម្ខាងដោយតែត្រីឆ្លាមវាយប្រហារ។ នាងត្រូវបានបញ្ជូនតាមឧទ្ធម្ភាគចក្រទៅកាន់មន្ទីរពេទ្យមួយនៅលើកោះ Canary និងបន្ទាប់មកនាងបានស្លាប់។

ហេតុការណ៍នេះបានកើតឡើងចម្ងាយ៥១៤គីឡូម៉ែត្រភាគនិរតីនៃទីក្រុង Gran Canaria និង ១៨០គីឡូម៉ែត្រ ភាគខាងលិចនៃទីក្រុង Dakhla ភាគខាងលិចសាហារ៉ា។ ស្ត្រីរូបនេះបានរងការវាយប្រហារពេលនាងកំពុងហែលទឹកក្បែរទូក កាតាម៉ារ៉ាន់ ដែលធ្វើដំណើរពីទីក្រុង Las Palmas នៅលើ Gran Canaria កាលពីថ្ងៃសៅរ៍។ ស្រ្តីរូបនេះគាំងបេះដូងបន្ទាប់ពីបាត់បង់ជើងម្ខាង នេះបើយោងតាមរបាយការណ៍ប្រព័ន្ធផ្សព្វផ្សាយក្នុងស្រុក។

ការវាយប្រហារដោយត្រីឆ្លាមនៅជិតកោះ Canary គឺកម្រកើតមានណាស់។ នេះបើយោងតាមឯកសារវាយប្រហារដោយត្រីឆ្លាមអន្តរជាតិរបស់សារមន្ទីរប្រវត្តិសាស្ត្រធម្មជាតិរដ្ឋផ្លរីដា ដោយមានឧប្បត្តិហេតុនៃកំណត់ត្រាវាយប្រហារតែ៦ដងប៉ុណ្ណោះ ខណៈដែលកោះ Canary គឺជាគោលដៅទេសចរណ៍វិស្សមកាលដ៏ពេញនិយមជាយូរមកហើយ ដោយសារអាកាសធាតុដ៏ល្អពេញមួយឆ្នាំរបស់កោះនេះ៕