ព័ត៌មានអន្ដរជាតិ
លីបង់-អ៊ីស្រាអែល ផ្ទុះសង្គ្រាមធំហើយ!
ប្រទេសលីបង់បានប្រកាសសង្គ្រាមធំជាមួយអ៊ីស្រាអែល ក្រោយការវាយប្រហារបំផ្ទុះឧបករណ៍ទាក់ទងទូទាំងប្រទេសលីបង់ផ្ទួនៗ ដោយបណ្តាលឲ្យមនុស្សស្លាប់និងរបួសជាង ៣ ០០០នាក់។
តាមការចុះផ្សាយរបស់ RT នៅថ្ងៃសុក្រទី២០ខែកញ្ញាឆ្នាំ២០២៤, នាយករដ្ឋមន្ត្រីលីបង់ Najib Mikati បានប្រកាសថា ប្រទេសរបស់លោកកំពុងមានសង្រ្គាមធំជាមួយអ៊ីស្រាអែល។ ការវាយប្រហារទាំងនេះគឺឆ្លងផុតបន្ទាត់ក្រហមទាំងអស់។ វាជាឧក្រិដ្ឋកម្មប្រឆាំងប្រជាជនដែលគ្មានអ្វីការពារ។
ត្បិតតែសង្គ្រាម អ៊ីស្រាអែល-ហេសបូឡា បានផ្ទុះឡើងតាំងពី១១ខែមុនក៏ពិតមែន ប៉ុន្តែសង្គ្រាមមិនមានទ្រង់ទ្រាយធំបែបនេះទេ ដោយពេលនោះគ្រាន់តែជាការបាញ់ស្រោចដាក់គ្នានៅព្រំដែនភាគខាងត្បូងប៉ុណ្ណោះ។
ទន្ទឹមនោះ មេក្រុមហេសបូឡា លោក Hassan Nasrallah ក៏ប្រកាសសង្គ្រាមដែរ ព្រោះថា អ៊ីស្រាអែលបានបើកការសម្លាប់រង្គាល ដោយវាយប្រហារសមាជិករបស់ខ្លួនរាប់ពាន់នាក់នៅទូទាំងប្រទេសលីបង់។
លោកប្រកាសថា «នេះជាអំពើភេរវកម្មដ៏ធ្ងន់ធ្ងរជាទីបំផុត។ ទាំងនេះគឺជាឧក្រិដ្ឋកម្មសង្គ្រាម ឬយ៉ាងហោចណាស់ក៏ជាការប្រកាសសង្រ្គាមដែរ។ ការបំផ្ទុះឧបករណ៍នៅតាមសាលារៀន មន្ទីរពេទ្យ និងអគារលំនៅដ្ឋាន សុទ្ធតែជាការឆ្លងផុតបន្ទាត់ក្រហមទាំងអស់។ គ្មានអ្វីត្រូវឆ្ងល់ទេ យើងត្រូវរងការវាយប្រហារផ្នែកសន្តិសុខនិងមនុស្សធម៌ ដែលមិនធ្លាប់មានពីមុនមកសោះនៅក្នុងប្រវត្តិសាស្ត្រនៃការតស៊ូរបស់យើង។ យើងត្រូវរងការវាយប្រហារយ៉ាងចាស់ដៃ នេះគឺជាសង្គ្រាម»។
ចំណែកឯអ៊ីរ៉ង់ឯណោះវិញ, មេបញ្ជាការកងឆ្មាំបដិវត្តន៍ឥស្លាម លោក Hossein Salami ក៏ប្តេជ្ញាដែរថា អ៊ីស្រាអែល នឹងត្រូវទទួលការសងសឹកដោយឥតត្រាប្រណីពីសំណាក់ចលនាតស៊ូប្រដាប់អាវុធទាំងអស់។
ស្របពេលជាមួយការប្រកាសសង្គ្រាមនេះ យន្តហោះចម្បាំងអ៊ីស្រាអែល បានវាយប្រហារធ្ងន់ធ្ងរនៅភាគខាងត្បូងប្រទេសលីបង់ ដោយកម្ទេចគោលដៅក្រុមហេសបូឡា ចំនួន៣០កន្លែង។
ជុំវិញស្ថានការណ៍ឡើងកម្តៅនេះ បណ្តាមេដឹកនាំលោកខាងលិចបានចេញមុខអំពាវនាវឲ្យគ្រប់ភាគីមានការអត់ធ្មត់ ដោយរដ្ឋមន្ត្រីការបរទេសអាមេរិកលោក Antony Blinken និងប្រធានាធិបតីបារាំងលោក Emmanuel Macron បាននិយាយក្នុងទីក្រុងប៉ារីសថា «បារាំងនិងអាមេរិក សូមជំរុញឲ្យមានការអត់ធ្មត់និងបន្ធូរបន្ថយភាពតានតឹងនៅមជ្ឈិមបូព៌ា ជាពិសេសក្នុងប្រទេសលីបង់តែម្តង។ យើងមិនចង់ឃើញមានការឡើងកម្តៅនៅកន្លែងណាទាំងអស់ ហើយបញ្ហានេះអាចប៉ះពាល់ធំបំផុតដល់គោលដៅសន្តិភាពនៅហ្គាហ្សា»៕
អត្ថបទ៖ សុខ សុវណ្ណ
ចុចអាន៖ ការវាយប្រហារបំផ្ទុះឧបករណ៍ទាក់ទងរលកទី២ ស្លាប់និងរបួសមនុស្សជាង៤០០នាក់ទៀត នៅលីបង់
-
ព័ត៌មានជាតិ៤ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ១ សប្តាហ៍ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ១ សប្តាហ៍ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ១ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
សេដ្ឋកិច្ច១ សប្តាហ៍ ago
កម្ពុជានឹងក្លាយជាប្រទេសនាំចេញស្វាយចន្ទីលេខ១ លើពិភពលោកនៅឆ្នាំ ២០៣០
-
ព័ត៌មានអន្ដរជាតិ៤ ថ្ងៃ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១៨ ម៉ោង ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
ទីក្រុង វៀងចន្ទន៍ ប្រកាសអាសន្នគ្រោះទឹកជំនន់ ខណៈទឹកទន្លេមេគង្គ ហក់ឡើងខ្ពស់