ព័ត៌មានអន្ដរជាតិ
បាងកក ចេញច្បាប់ ឲ្យតែពលរដ្ឋថៃក្រីក្រប៉ុណ្ណោះ អាចលក់ដូរតាមផ្លូវបាន ជាតិសាសន៍ដទៃគ្មានសិទ្ធិទេ
រដ្ឋបាលរាជធានីបាងកក បានចេញច្បាប់ដោយហាមឃាត់ជាតិសាសន៍ដទៃក្រៅពីថៃ មិនឲ្យលក់ដូរតាមចិញ្ចើមផ្លូវ ហើយប្រជាជនថៃដែលមានសិទ្ធិលក់ដូរនោះទៀតសោត ត្រូវតែជាជនក្រីក្រ។
តាមការបញ្ជាក់ពីអ្នកនាំពាក្យរដ្ឋបាលក្រុងលោក Aekvarunyoo Amrapala, ក្រោមច្បាប់ថ្មីនេះ អាជីវករត្រូវតែមានសញ្ជាតិថៃ, មានកាន់ប័ណ្ណក្រីក្ររបស់រដ្ឋាភិបាល, ជាអ្នកបង់ថ្លៃផ្ទះដែលសាងសង់ដោយអាជ្ញាធរលំនៅដ្ឋានជាតិ និងជាអ្នកទទួលបានប្រាក់ឧបត្ថម្ភសុខុមាលភាពពីក្រសួងអភិវឌ្ឍន៍សង្គមនិងសន្តិសុខមនុស្ស។
លើសពីនេះ ពួកគេត្រូវតែជាអ្នកមានឈ្មោះនៅក្នុងប្រព័ន្ធពន្ធប្រចាំឆ្នាំរបស់នាយកដ្ឋានចំណូល ហើយប្រាក់ចំណូលរបស់ពួកគេមិនត្រូវលើសពី៣០០ ០០០បាតក្នុងមួយឆ្នាំនោះទេ ក្រោយបង់ពន្ធរួច។ ក្នុងច្បាប់ថ្មីនេះទៀតសោត មិនមែនត្រឹមអ្នកលក់ទេ សីម្បីតែបុគ្គលិកនិងអ្នកជួយលក់ដូរ ក៏ត្រូវតែជាជនជាតិថៃ។
ម្យ៉ាងវិញទៀត តូបនីមួយៗ ត្រូវតែមានទំហំត្រឹម៣ម៉ែត្រការ៉េប៉ុណ្ណោះ ហើយត្រូវទុកទទឹងផ្លូវពី១.៥ ទៅ២ម៉ែត្រដើម្បីស្រួលដើរចូល។ ពីតូបមួយទៅតូបមួយ ត្រូវមានគម្លាតយ៉ាងតិច៣ម៉ែត្រផងដែរ ដើម្បីស្រួលជម្លៀសមនុស្សប្រសិនបើមានករណីអាសន្នណាមួយកើតឡើង។
ទោះបីជាយ៉ាងណាក៏ដោយ រដ្ឋបាលរាជធានីបាងកក មិនទាន់បញ្ជាក់ច្បាស់ឡើយពាក់ព័ន្ធការផាកពិន័យ ប្រសិនបើនរណាម្នាក់ល្មើសនឹងច្បាប់នេះ៕
អត្ថបទ៖ សុខ សុវណ្ណ
-
ព័ត៌មានជាតិ៤ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ១ សប្តាហ៍ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ១ សប្តាហ៍ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ១ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
សេដ្ឋកិច្ច១ សប្តាហ៍ ago
កម្ពុជានឹងក្លាយជាប្រទេសនាំចេញស្វាយចន្ទីលេខ១ លើពិភពលោកនៅឆ្នាំ ២០៣០
-
ព័ត៌មានអន្ដរជាតិ៤ ថ្ងៃ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១៩ ម៉ោង ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
ទីក្រុង វៀងចន្ទន៍ ប្រកាសអាសន្នគ្រោះទឹកជំនន់ ខណៈទឹកទន្លេមេគង្គ ហក់ឡើងខ្ពស់