ព័ត៌មានអន្ដរជាតិ

Samsung ប្តឹងសហជីពឥណ្ឌាជុំវិញកូដកម្មដែលបង្អាក់ផលិតកម្ម

បានផុស

៤ ខែ មុន

នៅ

ថ្ងៃសុក្រ ២០ កញ្ញា ២០២៤

ដោយ

ក្រុមហ៊ុន Samsung Electronics បានប្តឹងសមាជិកនៃសហជីពការងារដែលបានដឹកនាំធ្វើកូដកម្មរយៈពេល១១ថ្ងៃនៅក្នុងរោងចក្រផលិតឧបករណ៍ប្រើប្រាស់តែមួយគត់របស់ប្រទេសឥណ្ឌានៅក្នុងរដ្ឋ Tamil Nadu បង្កឲ្យមានភាពតានតឹងជាមួយកម្មកររបស់ក្រុមហ៊ុននេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បណ្តឹងរបស់ក្រុមហ៊ុន Samsung ចុះថ្ងៃទី១២ខែកញ្ញា បានសុំឱ្យតុលាការក្នុងរដ្ឋចេញដីកាបណ្ដោះអាសន្នរារាំងសហជីព និងសមាជិករបស់ខ្លួនពីការញុះញង់ ប្រើប្រាស់ពាក្យស្លោក និងធ្វើសុន្ទរកថានៅក្នុងនិងជុំវិញរោងចក្រដែលមានទីតាំងនៅជិតទីក្រុង Chennai។ មេធាវីត្រូវបានប្រមូលផ្តុំគ្នានៅក្នុងតុលាការនៅជិតទីក្រុង Chennai ក្នុងសង្កាត់ Kancheepuram ជាកន្លែងដែលករណីនេះនឹងបើកសវនាកាកាលថ្ងៃព្រហស្បតិ៍។

កម្មករដែលធ្វើការនៅក្រុមហ៊ុនSamsung រាប់រយនាក់ចាប់តាំងពីដើមខែកញ្ញា ដោយបង្អាក់ការងារ និងតវ៉ានៅក្នុងតង់បណ្តោះអាសន្នក្បែរនោះ ដោយទាមទារប្រាក់ឈ្នួលខ្ពស់ និងការទទួលស្គាល់សហជីពនៅរោងចក្រ ដែលរួមចំណែកប្រហែលមួយភាគបីនៃប្រាក់ចំណូលប្រចាំឆ្នាំរបស់ Samsung ក្នុងប្រទេសឥណ្ឌាចំនួន១២ពាន់លានដុល្លារ។

គួរបញ្ជាក់ថា ការតវ៉ារបស់កម្មករ Samsung បានប៉ះពាល់ផែនការរបស់នាយករដ្ឋមន្ត្រីឥណ្ឌា Narendra Modi ដែលថានឹងបង្កើនការផលិតអេឡិចត្រូនិកបីដងដល់៥០០ពាន់លានដុល្លារក្នុងរយៈពេល៦ឆ្នាំ។ លើសពីនេះឯកសារតុលាការចំនួន១៤ទំព័ររបស់ក្រុមហ៊ុន Samsung ដែលមិនបង្ហាញជាសាធារណៈបាននិយាយថា សកម្មភាពរបស់សហជីព អាចរំខានដល់ប្រតិបត្តិការរបស់រោងចក្រ និងរារាំងបុគ្គលិកដែលមានឆន្ទៈក្នុងការបំពេញកាតព្វកិច្ចរបស់ពួកគេថែមទៀត៕