ព័ត៌មានអន្ដរជាតិ
ប្រេះភ្នំនៅវៀតណាម បង្ខំឲ្យជម្លៀសមនុស្សជាបន្ទាន់
នៅឃុំ Dac Pre នៃស្រុក Nam Giang ក្នុងខេត្ត Quảng Nam ប្រទេសវៀតណាម, មនុស្ស១១គ្រួសារ ត្រូវជម្លៀសចេញពីផ្ទះសម្បែងជាបន្ទាន់ទាំងយប់ ដោយសារតែភ្នំជិតនោះ ប្រេះហើយបង្កហានិភ័យខ្ពស់នៃបាក់ដីនិងថ្ម។
តាមការចុះផ្សាយរបស់ VN Express នៅថ្ងៃសុក្រទី២០ខែកញ្ញឆ្នាំ២០២៤, ការប្រេះភ្នំនេះគឺបណ្តាលមកពីឥទ្ធិពលព្យុះជាបន្តបន្ទាប់ ដែលបង្កភ្លៀងធ្លាក់ឥតឈប់និងទឹកហូរខ្លាំងច្រោះដី នារយៈពេលប៉ុន្មានថ្ងៃមកនេះ។
លោក Bhat Chau លេខាបក្សឃុំ Dac Pre បានប្រាប់អ្នកសារព័ត៌មានថា ដោយសារព្យុះ ភ្នំនោះប្រេះប្រវែង១២០ម៉ែត្រ និងទទឹងជិតមួយម៉ែត្រ ជាមួយជម្រៅ១ទៅ៥ម៉ែត្រ។ ដូច្នេះ វាអាចបណ្តាលឲ្យមានគ្រោះមហន្តរាយបាក់ដីគ្រប់ពេលវេលា។
ចំណែកនៅឯស្រុក Nam Tra My ដែលមានចម្ងាយពីឃុំ Dac Pre ប្រមាណ២០០គីឡូម៉ែត្រឯណោះវិញ, បំណាក់ដី បានកប់ផ្ទះប្រជាពលរដ្ឋជាច្រើនខ្នង ប៉ុន្តែជាសំណាងល្អដែរ ដែលមនុស្ស១៦៤នាក់ ត្រូវបានជម្លៀសទៅកាន់ទីទួលសុវត្ថិភាពជាមុន។
សូមបញ្ជាក់ថា បច្ចុប្បន្ននេះ ប្រទេសវៀតណាម មិនទាន់ធូរស្រាលពីការវាយប្រហារដោយព្យុះទេ ថ្វីត្បិតតែព្យុះយ៉ាកជី បានកន្លងផុតទៅបាត់ក៏ពិតមែន ប៉ុន្តែព្យុះថ្មីឈ្មោះ ស៊ូលីក ក៏បានចូលមកដល់ទៀត។
ចំពោះជនរងគ្រោះដោយព្យុះយ៉ាកជី, យោងតាមតួលេខផ្លូវការគិតត្រឹមរសៀលថ្ងៃពុធទី១៨ខែកញ្ញា, មនុស្សស្លាប់បានកើនដល់២៩៨នាក់ ខណៈជិត ២ ០០០នាក់រងរបួសនិង ៣៥នាក់បាត់ខ្លួន៕
អត្ថបទ៖ សុខ សុវណ្ណ
ចុចអាន៖ វៀតណាម ត្រៀមខ្លួននិងផ្អាកជើងហោះហើរ ខណៈព្យុះថ្មី នឹងវាយប្រហារ
-
ព័ត៌មានជាតិ៤ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ១ សប្តាហ៍ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ១ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
សេដ្ឋកិច្ច១ សប្តាហ៍ ago
កម្ពុជានឹងក្លាយជាប្រទេសនាំចេញស្វាយចន្ទីលេខ១ លើពិភពលោកនៅឆ្នាំ ២០៣០
-
ព័ត៌មានអន្ដរជាតិ១ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៤ ថ្ងៃ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ៤ ថ្ងៃ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៦ ថ្ងៃ ago
អ្នករស់នៅតាមដងទន្លេមេគង្គ ត្រូវបង្កើនការប្រុងប្រយ័ត្ន ព្រោះទឹកនឹងហក់ឡើងខ្ពស់