ព័ត៌មានអន្ដរជាតិ

Zelenskyy៖ យោធាអ៊ុយក្រែនបានកាត់បន្ថយសក្ដានុពលរុស្ស៊ីក្នុងការវាយលុកភាគខាងកើត

បានផុស

៥ ខែ មុន

នៅ

ថ្ងៃសុក្រ ២០ កញ្ញា ២០២៤

ដោយ

Chheang

លោកប្រធានាធិបតី Volodymyr Zelenskyy បាននិយាយកាលពីថ្ងៃព្រហស្បតិ៍ទី១៩ខែកញ្ញាថា កងកម្លាំងអ៊ុយក្រែនបានកាត់បន្ថយសក្តានុពលនៃកងទ័ពរុស្ស៊ី ក្នុងការវាយប្រហារនៅជួរមុខភាគខាងកើតតំបន់ Donetsk នៃសង្រ្គាមដែលមានរយៈពេលជាង២ឆ្នាំកន្លះកន្លងមកនេះ។

លោក Volodymyr Zelenskyy ប្រធានាធិបតីអ៊ុយក្រែន (រូបភាព៖ AP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដឹកនាំអ៊ុយក្រែន បាននិយាយក្នុងវីដេអូមួយទាំងយប់ថា យោធាកំពុងប្រឹងប្រែងអស់ពីសមត្ថភាព «សម្រាប់ការងើបឡើងវិញនៃកងពលតូចប្រយុទ្ធរបស់យើង។ នៅពេលនេះ កងកម្លាំងការពារអ៊ុយក្រែនអាចកាត់បន្ថយសក្តានុពលនៃការវាយលុករបស់អ្នកឈ្លានពាននៅក្នុងតំបន់ Donetsk»។

លោក Zelenskyy បានបន្ថែមថា ស្ថានភាពនៅតែមាន «ការលំបាកយ៉ាងធ្ងន់ធ្ងរជាមួយនឹងការប្រយុទ្ធដ៏ស្វិតស្វាញជារៀងរាល់ថ្ងៃ» នៅក្នុងផ្នែកទាំងពីរនៃរណសិរ្សភាគខាងកើតដែលទទួលរងការវាយប្រហារភាគច្រើនបំផុតពីរុស្ស៊ី ដោយនោះគឺនៅជិតទីក្រុង Pokrovsk និងទីក្រុង Kurakhove ។

លោក បានបន្តទៀតថា ប្រតិបត្តិការរបស់អ៊ុយក្រែន នៅក្នុងតំបន់ Kursk ភាគខាងត្បូងនៃប្រទេសរុស្ស៊ី ដែលបានចាប់ផ្តើមកាលពីខែមុន បានទទួលជោគជ័យក្នុងការធ្វើឲ្យយោធារុស្ស៊ី បង្វែរធនធានចេញពីរណសិរ្សភាគខាងកើត។ ការចាប់ខ្លួនកងទ័ពរុស្ស៊ីបានជំរុញ «ធនធានផ្លាស់ប្តូរ» នៃអ្នកទោសសង្គ្រាមរបស់អ៊ុយក្រែន ដើម្បីប្រើប្រាស់ជាថ្នូរនឹងការចរចាក្នុងការសម្របសម្រួលផ្លាស់ប្តូរចំណាប់ខ្មាំងជាមួយទីក្រុងមូស្គូ។

រុស្ស៊ីបានឈ្លានពានអ៊ុយក្រែនក្នុងឆ្នាំ២០២២ ដែលបង្កឲ្យមានការប្រឈមមុខដាក់គ្នាដ៏ធំបំផុតរវាងរុស្ស៊ី និងសម្ព័ន្ធមិត្តរបស់អ៊ុយក្រែនគឺលោកខាងលិច គិតចាប់តាំងពីសម័យសង្គ្រាមត្រជាក់។

លោកខាងលិច និងអ៊ុយក្រែនពណ៌នាការឈ្លានពានរបស់រុស្ស៊ីថាជាការដណ្តើមយកទឹកដីតាមបែបចក្រពត្តិ ហើយបានប្តេជ្ញាថានឹងកម្ចាត់រុស្ស៊ីឲ្យបាននៅលើសមរភូមិ។ បច្ចុប្បន្នរុស្ស៊ីគ្រប់គ្រងបាន១៨%នៃទឹកដីអ៊ុយក្រែន៕

ដោយ៖ ឈាង

ចុចអាន៖ UN ប្រាប់ថា ការវាយប្រហាររបស់រុស្ស៊ីលើរោងចក្រថាមពលអ៊ុយក្រែន អាចបំពានច្បាប់មនុស្សធម៌