ព័ត៌មានអន្ដរជាតិ
លោកស្រី ហារីស ចង់ជជែកដេញដោលជាមួយលោក ត្រាំ ម្ដងទៀត
បេក្ខភាពមកពីគណបក្សប្រជាធិបតេយ្យរបស់សហរដ្ឋអាមេរិក លោកស្រី កាម៉ាឡា ហារីស (Kamala Harris) កំពុងព្យាយាមទទួលបានឱកាសទី២ ដើម្បីជជែកដេញដោលជាមួយគូប្រជែងមកពីគណបក្សសាធារណរដ្ឋគឺលោក ដូណាល់ ត្រាំ (Donald Trump) ក្នុងការប្រជែងតំណែងប្រធានាធិបតីនៅឆ្នាំ២០២៤។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters នៅថ្ងៃទី២១ខែកញ្ញា។
ថ្លែងចំពោះមុខមនុស្សប្រហែល៦០០នាក់នៅឯមជ្ឈមណ្ឌលសិល្បៈ Cobb Energy Performing Arts ក្នុងទីក្រុង Atlanta លោកស្រី ហារីស បាននិយាយថា៖ «ខ្ញុំកំពុងព្យាយាមធ្វើការជជែកពិភាក្សាមួយទៀត។ យើងនឹងរង់ចាំចម្លើយ»។
លោកស្រី ហារីស និងលោក ត្រាំ បានជជែកដេញដោលគ្នាជាលើកដំបូងនៅថ្ងៃទី១០ខែកញ្ញា ហើយការស្ទង់មតិមួយចំនួនបានបង្ហាញថា បេក្ខភាពគណបក្សប្រជាធិបតេយ្យគឺមានប្រៀបជាងគូប្រជែង។
លោក ត្រាំ កាលពីសប្តាហ៍មុនបាននិយាយថា លោកនឹងមិនចូលរួមក្នុងការជជែកដេញដោលមួយផ្សេងទៀតតទល់នឹងលោកស្រី ហារីស នៅមុនការបោះឆ្នោតថ្ងៃទី៥ខែវិច្ឆិកានោះទេ។
បេក្ខភាពបក្សសាធារណរដ្ឋ បានសរសេរនៅលើបណ្ដាញសង្គម Truth Social ថា៖ «នឹងមិនមានការជជែកដេញដោលលើកទីបីទេ»។ លោក ត្រាំ បានជជែកដេញដោលចំនួន២លើករួចហើយ ដោយលើកដំបូងគឺតទល់នឹងលោក ចូ បៃដិន (Joe Biden) កាលពីខែមិថុនា មុនពេលការប្រកួតថ្វីមាត់ជាមួយលោកស្រី ហារីស កាលពីពេលថ្មីៗកន្លងទៅ។
នៅឯការជជែកដេញដោលចុងក្រោយ លោកស្រី ហារីស បានធ្វើការវាយប្រហារខ្លាំងៗទៅលើលោក ត្រាំ ពាក់ព័ន្ធការគាំទ្ររបស់លោកចំពោះការរឹតបន្តឹងការរំលូតកូន និងបញ្ហាផ្លូវច្បាប់ជាច្រើនផ្សេងទៀត៕
ដោយ៖ ឈាង
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ១៥ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?