ព័ត៌មានអន្ដរជាតិ
ថៃព្រមានទឹកជំនន់រហ័សថែមទៀតនៅភាគខាងជើង ខណៈក្រសួងបរទេសថៃស្នើវិធានការគ្រប់គ្រងទឹកឆ្លងដែន
ប្រទេសថៃនៅមិនទាន់ឆ្លងផុតពីគ្រោះទឹកជំនន់រហ័ស (Flash Floods) នៅឡើយ ខណៈនាយកដ្ឋានឧតុនិយម បានព្រមាននៅថ្ងៃសៅរ៍នេះថា ស្រុក៨នៃខេត្ត Lampang ស្ថិតនៅភាគខាងជើងប្រទេសនេះនឹងរងផលប៉ះពាល់ដល់សារទឹកជំនន់រហ័ស។
ឆ្លងកាត់បទពិសោធន៍នៃទឹកជំនន់រហ័សតនៅដើមខែកញ្ញានេះ ដែលបណ្តាលឲ្យប្រជាជនថៃជិត៥០០នាក់ស្លាប់និងរងរបួសក្នុងហេតុការណ៍ទឹកជំនន់រហ័សបណ្តាលមកពីឥទ្ធិពលខ្យល់ព្យុះទីហ្វុងយ៉ាក់ជី ក្រសួងការបរទេសថៃ ដឹកនាំដោយរដ្ឋមន្ត្រី បានកោះប្រជុំប្រមុខទូតនៃបណ្តាប្រទេសក្នុងតំបន់ ACMECS សម្រាប់កិច្ចសហប្រតិបត្តិការឲ្យប្រសើរជាងនេះ។
ACMECS ដែលមានន័យពេញលេញជាភាសាខ្មែរថា «កិច្ចពិភាក្សាយុទ្ធសាស្ត្រសហប្រតិបត្តិការ សេដ្ឋកិច្ច អាយ៉េយ៉ាវ៉ាឌី – ចៅប្រាយ៉ា – មេគង្គ» គឺសំដៅលើកិច្ចសហប្រតិបត្តិការក្នុងចំណោមប្រទេសអាស៊ានគោកចំនួន៥ គឺ កម្ពុជា ឡាវ មីយ៉ាន់ម៉ា ថៃ និង វៀតណាម។
តាមការចុះផ្សាយរបស់សារព័ត៌មានថៃ Khaosod រដ្ឋមន្ត្រីការបរទេសថៃ លោក Maris Sangiampongsa បានស្នើឱ្យមានការដំឡើងស្ថានីយវាស់កម្រិតទឹកស្វ័យប្រវត្តិ (Telemeter Stations) នៅតាមទន្លេក្នុងប្រទេសមីយ៉ាន់ម៉ា និងប្រទេសឡាវ ដើម្បីធ្វើឲ្យប្រសើរឡើងនូវប្រព័ន្ធផ្តល់ដំណឹង។
ប្រទេសថៃក៏នឹងដោះស្រាយការស្តារទន្លេមេសៃ (Mae Sai) និងការដោះស្រាយបញ្ហាការទន្ទ្រានទន្លេ។ ប្រទេសថៃក៏គ្រោងស្នើលើកម្ពស់កិច្ចសហប្រតិបត្តិការគ្រប់គ្រងទឹកតាមរយៈ ក្របខណ្ឌ ACMECS គណៈកម្មការមេគង្គ (MRC) និង កិច្ចសហប្រតិបត្តិការមេគង្គ-ឡានឆាង(MLC) ដែលមានប្រទេសមេងគង្គដីគោកប្រាំនិងប្រទេសចិនផង។
ចាប់ពីថ្ងៃទី៨ដល់ថ្ងៃទី១៨ខែកញ្ញា ឆ្នាំ២០២៤ ក្រសួងសុខាភិបាលថៃបានរកឃើញតួលេខអ្នករងរបួសចំនួន៤៦២នាក់ និងស្លាប់សរុបចំនួន១៩នាក់ ដោយសារការរអិលបាក់ដីនិងលង់ទឹក ដែលបណ្តាលមកពីឥទ្ធិពលនៃព្យុះកំណាចយ៉ាក់ជី។
យោងតាមទីភ្នាក់ងារកុមាររបស់អង្គការសហប្រជាជាតិ (UNICEF) គ្រោះទឹកជំនន់ដ៏ធំ និងការបាក់ដីដែលបង្កឡើងដោយព្យុះទីហ្វុងយ៉ាកជីដែលថមថយឥទ្ធិពលនៅដើមសប្តាហ៍នេះ បានធ្វើឱ្យកុមារជិត៦លាននាក់នៅទូទាំងអាស៊ីអាគ្នេយ៍នៃប្រទេសខាងលើជួបការលំបាកក្នុងទទួលបានទឹកស្អាត អាហារ និងទីជម្រក៕
ដោយ រ៉ាន់ រើយ
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
សមាគមសិល្បករខ្មែរ ទទួលបានការបណ្តុះបណ្តាលពីឥទ្ធិពលដ៏អាក្រក់ នៃការប្រើប្រាស់គ្រឿងញៀន
ធឿន ធារ៉ា អាចនឹងប៉ះ ឈឿង ល្វៃ ក្នុងព្រឹត្តិការណ៍យុទ្ធគុនចម្រុះបុរាណខ្មែរ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា