ព័ត៌មានអន្ដរជាតិ
ស្រីលង្កាដាក់បម្រាមគោចរ ទោះបីការបោះឆ្នោតបិទដោយសន្តិវិធី ខណៈអ្នកប្រឆាំងមានលទ្ធផលនាំមុខ
បន្ទាប់ពីការបោះឆ្នោតប្រធានាធិបតីបានបញ្ចប់ នៅយប់ថ្ងៃដដែល រដ្ឋាភិបាលប្រទេសស្រីលង្កាដែលធ្លាប់រងវិបត្តិសេដ្ឋកិច្ចដោយសារវិបត្តិបំណុលនិងវិបត្តិខ្វះសាច់ប្រាក់បរទេសកាលឆ្នាំ២០២២ បានដាក់ចេញបម្រាមគោចរពេញមួយយប់នៅទូទាំងប្រទេសកាលពីថ្ងៃទី២១ខែកញ្ញា ខណៈលទ្ធផលបោះឆ្នោតបង្ហាញថា គណៈបក្សប្រឆាំងដឹកនាំដោយ លោក Anura Kumara Dissanayaka កំពុងនាំមុខបណ្តោះអាសន្នក្នុងការរាប់សន្លឹកឆ្នោតបឋមៗ។
ប៉ូលីសបានប្រកាសបម្រាមគោចររយៈពេលប្រាំបីម៉ោងភ្លាមៗ បន្ទាប់ពីគណៈកម្មាធិការរៀបចំការបោះឆ្នោតឯករាជ្យបាននិយាយថា ការបោះឆ្នោតប្រធានាធិបតីនៅថ្ងៃទី២១ខែកញ្ញាគឺជាការបោះឆ្នោតដែលប្រកបដោយសន្តិភាពបំផុតនៅក្នុងប្រវត្តិសាស្ត្របោះឆ្នោតរបស់ប្រទេសដែនកោះដែលប្រើប្រាស់មូលនិធិកម្ចីពី IMF ដើម្បីធ្វើឲ្យមានស្ថិរភាពសង្គមឡើងវិញ។
តាមសេចក្តីរាយការណ័របស់ទីភ្នាក់ងារព័ត័មានបារាំង AFP ប៉ូលិសបាននិយាយនៅក្នុងសេចក្តីថ្លែងការណ៍មួយ បាននិយាយថា ប្រធានាធិបតី Ranil Wickremesinghe ដែលទទួលបានអំណាចក្រោយវិបត្តិសង្គមកាលពីខែកក្កដាឆ្នាំ២០២២ កំពុងប្រឈមមុខនឹងការប្រកួតប្រជែងដ៏ខ្លាំងមួយដើម្បីរក្សាអំណាចនោះ បានដាក់ការរឹតបន្តឹងការធ្វើដំណើរដែលមិននឹកស្មានដល់ «ជាវិធានការបន្ថែមដើម្បីការពារប្រជាជន»។
ប្រទេសសស្រីលង្កា បានឆ្លងកាត់វិបត្តិសង្គមដ៏ខ្លាំងកាលឆ្នាំ២០២២ ពេលដែលប្រទេសនេះជួបវិបត្តិខ្វះសាច់ប្រាក់បរទេសជាពិសេសប្រាក់ដុល្លារដើម្បីបញ្ជាទិញការនាំចូល នូវប្រភេទគ្រឿងប្រើប្រាស់ចាំបាច់មានស្ករស គ្រឿងអាហារ និង ប្រេងឥន្ធនៈ បានជំរុញឲ្យអតិផរណាហក់ឡើងយ៉ាងខ្លាំងប៉ះពាល់ដល់ប្រជាជន។
ប្រជាជននៅពេលនោះ ចាប់ផ្តើមតវ៉ាប្រឆាំងរដ្ឋាភិបាលដែលដែលកាន់អំណាចប្តូរវេនគ្នារវាងសមាជិកក្រុមគ្រួសារនៃអតីតប្រធានាធិបតី Gotabaya Rajapaksa រហូតអាចបណ្តេញប្រធានាធិបតីរូបនេះចេញពីអំណាច ដោយការភៀសខ្លួនទៅក្រៅប្រទេស ប៉ុន្តែរដ្ឋសភាបានបោះឆ្នោតគាំទ្រ លោក Ranil Wickremesinghe ដែលធ្លាប់កាន់តួនាទីជាច្រើន ដូចជា ប្រធានាធិបតីផង នាយករដ្ឋមន្ត្រីផង ដោយឆ្លាស់ចុះឆ្លាស់ឡើងជាមួយ លោក Gotabaya Rajapaksa។
រដ្ឋាភិបាលស្រីលង្កាបានប្រកាសថ្ងៃទី ២៣ ខែកញ្ញា ជាថ្ងៃឈប់សម្រាកសាធារណៈពិសេស ខណៈពេលដែលលទ្ធផលនៃការបោះឆ្នោតនៅថ្ងៃទី២១ ខែកញ្ញា ត្រូវបានគេរំពឹងទុកនៅថ្ងៃទី ២២ខែកញ្ញានេះ។
យោងសេចក្តីរាយការណ៍ មន្ត្រីបោះឆ្នោតម្នាក់បាននិយាយប្រាប់ AFP ដោយលើកឡើងពីតួលេខបណ្ដោះអាសន្នថា ចំនួនអ្នកទៅបោះឆ្នោតមានចំនួនប្រមាណ៧៥ភាគរយ នៅពេលដែលការិយាល័យបោះឆ្នោតបានបិទបន្ទាប់ពីការបោះឆ្នោតរយៈពេលប្រាំបួនម៉ោង។
កំណត់ត្រាសម្រាប់ចំនួនអ្នកទៅបោះឆ្នោតនៅក្នុងការបោះឆ្នោតប្រធានាធិបតីស្រីលង្កាត្រូវបានកំណត់មានចំនួន ៨៣,៧២ភាគរយក្នុងឆ្នាំ២០១៩។
លោក Wickremesinghe កំពុងស្វែងរកការបន្តការដឹកនាំប្រទេសដែនកោះនេះ ដើម្បីបន្តវិធានការរឹតបន្តឹងខ្សែក្រវាត់និងផ្លូវរបស់ប្រទេសចិនដែលជាប្រភពហិរញ្ញវត្ថុធ្វើឱ្យសេដ្ឋកិច្ចមានស្ថិរភាព និងបានបញ្ចប់ការខ្វះខាតអាហារ ប្រេងឥន្ធនៈ និងថ្នាំពេទ្យជាច្រើនខែ បន្ទាប់ពីការធ្លាក់ចុះសេដ្ឋកិច្ចដ៏អាក្រក់បំផុតរបស់ប្រទេសស្រីលង្កាក្នុងឆ្នាំ២០២២៕
ដោយ រ៉ាន់ រើយ
ស្រីលង្កាដាក់បម្រាមគោចរ ទោះបីការបោះឆ្នោតបិទដោយសន្តិវិធី ខណៈអ្នកប្រឆាំងមានលទ្ធផលនាំមុខ
ពិធីជប់លៀងធំបំផុតនិងដ៏ចំណាស់ Oktoberfest បើកនៅទីក្រុងMunich ក្រោមការរឹតបន្តឹងសន្តិសុខខ្លាំងបំផុត
មន្រ្តីបរិស្ថានខេត្តមណ្ឌលគិរី ទទួលបានដ្រូនជួយល្បាតកំណត់ទីតាំងរងការកាប់បំផ្លាញព្រៃឈើ
គម្រោងរេដបូកកែវសីមា ជួយអភិវឌ្ឍផ្លាស់ប្តូរជីវភាពសហគមន៍ចំនួន ២០ ក្នុងខេត្តមណ្ឌលគិរី
ក្រុមហ៊ុនផ្សព្វផ្សាយចិនចែក iPhone 16 Pro ដល់បុគ្គលិកនិងអ្នកហាត់ការ
ការជម្លៀសប្រជាជនដែលរងផលប៉ះពាល់នៅខេត្តក្រចេះ មានតិចតួច ខណៈកម្ពស់ទឹកឡើងជិតដល់កម្រិតប្រកាសឱ្យប្រុងប្រយ័ត្ន
ចង់ឲ្យចិត្តស្ងប់ និងសំណាងរកលុយបានច្រើនៗ ត្រូវដាក់វត្ថុ ៥ យ៉ាងក្រោមខ្នើយគេង
ផ្លូវកៅស៊ូសិរីកា ប្រវែងប្រមាណ ២ គីឡូម៉ែត្រ កំពុងរងការខូចខាត រំខានដល់ការធ្វើដំណើររបស់ពលរដ្ឋនៅក្រុងខេមរភូមិន្ទ
ទន្លេអាម៉ាហ្សូនកំពុងជួបប្រទះគ្រោះរាំងស្ងួតខ្លាំងបំផុតក្នុងកំណត់ត្រា
វិស័យមួយចំនួនក្នុងខេត្តក្រចេះ រងផលប៉ះពាល់បង្កឡើងដោយជំនន់ទឹកភ្លៀង
-
ព័ត៌មានជាតិ៦ ថ្ងៃ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៣ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៣ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៦ ថ្ងៃ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ៦ ថ្ងៃ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
បច្ចេកវិទ្យា១ សប្តាហ៍ agoហុងដា ឌ្រីមស៊េរីថ្មី បង្ហាញវត្តមានស្របពេលបុណ្យភ្ជុំបិណ្ឌធ្វើមហាជនមានការភ្ជាក់ផ្អើល និងផ្ទុះការចាប់អារម្មណ៍ជាខ្លាំង
-
ព័ត៌មានជាតិ១ សប្តាហ៍ agoអ្នករស់នៅតាមដងទន្លេមេគង្គ ត្រូវបង្កើនការប្រុងប្រយ័ត្ន ព្រោះទឹកនឹងហក់ឡើងខ្ពស់
-
ព័ត៌មានជាតិ១ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA