ព័ត៌មានអន្ដរជាតិ

ផ្ទុះឆេះអណ្តូងរ៉ែធ្យូងថ្មស្លាប់យ៉ាងហោច២៨នាក់ ខណៈរបួសនិងបាត់ខ្លួនច្រើននាក់

បានផុស

៦ ខែ មុន

នៅ

ថ្ងៃអាទិត្យ ២២ កញ្ញា ២០២៤

ដោយ

នៅយប់ថ្ងៃសៅរ៍ពេលដែលរដ្ឋាភិបាលអ៊ីរ៉ង់ធ្វើព្យុហយាត្រាយោធាដ៏ធំស្របពេលដែលការវាយប្រហារលើសកម្មប្រយុទ្ធហេសបូឡាដែលគាំទ្រដោយអ៊ីរ៉ង់ ទូរទស្សន៍រដ្ឋអ៊ីរ៉ង់បានផ្សាយថា មានការផ្ទុះឧស្ម័នក្នុងអណ្តូតរ៉ែធ្យូងថ្មបណ្តាលឲ្យស្លាប់ របួស និង បាត់ខ្លួនកម្មករអណ្តូងរ៉ែរាប់សិបនាក់។

ប្រតិបត្តិការសង្គ្រោះក្នុងឧបទ្ទវហេតុផ្ទុះឧស្ម័នក្នុងអណ្តូងរ៉ែភាគខាងត្បូងអ៊ីរ៉ង់។ snipping

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួលេខនៃការស្លាប់បានកើនឡើងជាបន្តបន្ទាប់។ សារព័ត៌មានប្រចាំតំបន់អារ៉ាប់ ALARABIYA បានផ្សាយនៅប្រហែលមួយម៉ោងមុនបានឱ្យដឹងថា កម្មករអណ្តូងរ៉ែ១៩នាក់ស្លាប់ រីឯ៣០នាក់ទៀតជាប់ក្នុងនោះ ប៉ុន្តែទីភ្នាក់ងារព៧ត៌មានរ៉យទ័របានផ្សាយក្រោយនោះប្រហែល១២០នាទី បានអះអាងថា យ៉ាងហោចណាស់មនុស្ស២៨នាក់បានស្លាប់ និង ១៧របួស ខណៈការបាត់ខ្លួនមាន២៤នាក់។

តាមការដកស្រង់របស់រ៉យទ័រ ពីទូរទស្សន៍រដ្ឋអ៊ីរ៉ង់ផ្សាយឱ្យដឹងនៅថ្ងៃអាទិត្យថា ការផ្ទុះហ្គាសនៅក្នុងអណ្តូងរ៉ែធ្យូងថ្មមួយនៅក្នុងខេត្ត Khorasan ភាគខាងត្បូងរបស់ប្រទេសអ៊ីរ៉ង់បានសម្លាប់មនុស្សយ៉ាងហោចណាស់២៨នាក់ និង១៧នាក់បានរងរបួស ដោយមនុស្សចំនួន២៤នាក់នៅតែបាត់ខ្លួននៅឡើយពីក្នុងហេតុការនេះ។

ទូរទស្សន៍រដ្ឋបាននិយាយថា គ្រោះថ្នាក់នេះបណ្តាលមកពីការផ្ទុះឧស្ម័នមេតាននៅក្នុងប្លុកពីរនៃអណ្តូងរ៉ែដែលដំណើរការដោយក្រុមហ៊ុន Madanjoo ។ ផ្អែកតាមការផ្សាយនោះ មានកម្មករចំនួន៦៩នាក់នៅក្នុងប្លុកអំឡុងពេលនៃការផ្ទុះ។

ទូរទស្សន៍រដ្ឋបាននិយាយដោយដកស្រង់សំដីប្រធានអឌ្ឍចន្ទក្រហមអ៊ីរ៉ង់ថា៖«អ្នករងរបួសចំនួន១៧នាក់ត្រូវបានបញ្ជូនទៅមន្ទីរពេទ្យហើយមនុស្ស២៤នាក់នៅតែបាត់ខ្លួន»។ ការផ្ទុះនេះបានកើតឡើងនៅវេលាម៉ោង៩យប់។

លោកប្រធានាធិបតី Masoud Pezeshkian បានសម្តែងការរំលែកទុក្ខដល់ក្រុមគ្រួសារជនរងគ្រោះ។ លោក Pezeshkian បាននិយាយក្នុងការអត្ថាធិប្បាយតាមទូរទស្សន៍ថា៖ «ខ្ញុំបាននិយាយជាមួយរដ្ឋមន្ត្រី ហើយយើងនឹងប្រឹងប្រែងឲ្យអស់ពីសមត្ថភាពដើម្បីតាមដាន»។

ការផ្ទុះនេះហាក់ចៃដន្យខ្លាំងណាស់ចំថ្ងៃដែលអ៊ីរ៉ង់បានធ្វើព្យុហយាត្រាយោធាដ៏ធំដើម្បីសម្ញែងសត្រ អ៊ីស្រាអែលដែលកំពុងតែវាយប្រហារក្រុមសកម្មប្រយុទ្ធហេសបូឡាដែលខ្លួនគាំទ្រក្នុងប្រទេសលីបង់យ៉ាងចាស់ដៃដោយបំផ្លាញមូលដ្ឋានកងកម្លាំងរបស់ហេសបូឡា៕

ដោយ រ៉ាន់ រើយ