៦ខេត្តរបស់ថៃ នៅតែរងគ្រោះ ដោយទឹកជំនន់

ខេត្តចំនួន៦របស់ប្រទេសថៃដូចជា Chiang Rai, Lampang, Phitsanulok, Nong Khai, Nakhon Phanom និង Ayutthaya នៅតែរងគ្រោះដោយទឹកជំនន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Bangkok Post, នៅ Chiang Rai, គិតត្រឹមថ្ងៃចន្ទទី២៣ខែកញ្ញាឆ្នាំ២០២៤, ស្រុក Mae Sai និង Muang កំពុងត្រូវទឹកជន់លិចនៅឡើយ ដោយប៉ះពាល់ដល់ពលរដ្ឋសរុប ១ ២៦៨គ្រួសារ។

ចំណែក Lampang​, ទឹកជំនន់នៅតែ​ធ្ងន់ធ្ងរ​ក្នុង​ស្រុក​ចំនួន​៧គឺ Chae Hom, Ngao, Muang, Ko Kha, Hang Chat, Muang Pan និង Mae Phrik ដោយប៉ះពាល់​ដល់​ពលរដ្ឋ​ចំនួន៩២គ្រួសារ។

រីឯក្នុង​ខេត្ត​ Phitsanulok, ទឹក​ជំនន់​នៅតែបន្តវាយប្រហារស្រុក Phrom Phiram, Bang Rakam និង Muang ប៉ះពាល់ពលរដ្ឋ៥៧៦គ្រួសារ ខណៈនៅខេត្ត Nong Khai, ទឹកជំនន់វាយប្រហារស្រុកចំនួន៦ដូចជា Sangkhom, Sri Chiang Mai, Tha Bo, Muang, Ratana Wapi និង Phon Phisai ប៉ះពាល់ពលរដ្ឋ ៨ ១៩៩គ្រួសារ។

ងាកទៅមើល​ខេត្ត Nakhon Phanom ឯណោះ, ទឹកជំនន់​នៅតែ​បន្តវាយប្រហារ​ស្រុក Tha Uthen, Sri Songkhram និង Muang ដែល​ប៉ះពាល់​ដល់​ប្រជាជន ២៥០ គ្រួសារ។

ដោយឡែកនៅ​ Ayutthaya, ស្រុក​ចំនួន៦ក៏​ត្រូវទឹក​បាន​ជន់ដែរដូចជា Bang Ban, Phak Hai, Sena, Phra Nakhon Sri Ayutthaya, Bang Pa-in និង Bang Sai ប៉ះពាល់ពលរដ្ឋសរុបចំនួន ៧ ៧០២ គ្រួសារ។

សូមបញ្ជាក់ថា បើគិតចាប់តាំងពីរដូវទឹកជំនន់ចូលមកដល់ក្នុងប្រទេសថៃ, ខេត្តចំនួន៣៣ ត្រូវរងគ្រោះ ប៉ះពាល់ពលរដ្ឋ១៦០ ៧៣៦គ្រួសារនៅក្នុង៤ ០១៧ភូមិ នៃ១៧៥ស្រុក ហើយឆក់យកជីវិតមនុស្សចំនួន២៦នាក់ និង២៤នាក់រងរបួស៕

អត្ថបទ៖ សុខ សុវណ្ណ

ចុចអាន៖ ប្រជាជន​ថៃ​​នៅភាគខាងជើង​​ជិត​៥០០​នាក់ ស្លាប់​និង​របួស​​ក្នុងគ្រោះទឹកជំនន់រហ័ស​​រយៈពេល​១០ថ្ងៃ​