ព័ត៌មានអន្ដរជាតិ

អេក្វាទ័របន្ថយការផ្គត់ផ្គង់ថាមពលអគ្គិសនីពាក់កណ្តាលប្រទេស ខណៈប្រឈមគ្រោះរាំងស្ងួតជាប្រវត្តិសាស្ត្រ

បានផុស

៣៣ វិនាទី មុន

នៅ

ថ្ងៃអង្គារ ២៤ កញ្ញា ២០២៤

ដោយ

រដ្ឋាភិបាលនៃប្រទេសអេក្វាទ័រនៅអាមេរិកខាងត្បូង បានប្រកាសផ្អាកការផ្គត់ផ្គង់អគ្គិសនីរយៈពេលប្រាំបួនម៉ោងកាលពីថ្ងៃអាទិត្យនៅក្នុងខេត្តចំនួន១២នៃខេត្តចំនួន២៤របស់ប្រទេសនេះ និងបានដាក់តំបន់ចំនួន១៩ឱ្យមានការប្រុងប្រយ័ត្នខ្ពស់ក្នុងចំណាត់ថ្នាក់ដល់ពណ៌ក្រហមដោយសារតែគ្រោះរាំងស្ងួតដែលបានកាត់បន្ថយកម្រិតទឹកនៃរោងចក្រវារីអគ្គិសនី។ នេះបើយោងតាមការចេញផ្សាយរបស់សារព័ត៌មាន CGTN នៅថ្ងៃទី២៣ខែកញ្ញានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីអេក្វាទ័របានប្រកាសពីការផ្ដាច់ចរន្តអគ្គិសនីនេះកំណត់ពីម៉ោង៨ព្រឹកម៉ោងក្នុងស្រុករហូតដល់ម៉ោង៥ ល្ងាចរយៈពេលប្រាំបីម៉ោងនៅទូទាំងប្រទេសចាប់ពីថ្ងៃចន្ទដល់ថ្ងៃព្រហស្បតិ៍សប្ដាហ៍នេះ។ អាជ្ញាធរអេក្វាទ័របាននិយាយថា ការផ្អាកការផ្គត់ផ្គង់អគ្គិសនីបន្ថែមសម្រាប់ថ្ងៃអាទិត្យគឺដើម្បីការពារធនធានទឹក។ វិធានការនេះត្រូវបានធ្វើឡើងបន្ទាប់ពីសម័យប្រជុំនៃគណៈកម្មាធិការប្រតិបត្តិការសង្គ្រោះបន្ទាន់កាលពីយប់ថ្ងៃសៅរ៍។

ជាមួយគ្នានេះខេត្តចំនួន១៩ដែលមានកង្វះខាតទឹក ភ្លើង និងសន្តិសុខស្បៀង និងអនុវត្តតាមដំណោះស្រាយដែលប្រកាសការជូនដំណឹងពណ៌ក្រហមឲ្យមានការត្រៀមបម្រុងក្នុងកម្រិតខ្ពស់និងបន្ទាន់។ បន្ទាប់ពីរដ្ឋាភិបាលបានប្រកាសពីការកាត់ផ្តាច់ថាមពលដែលបានគ្រោងទុកកាលពីថ្ងៃអង្គារ យោធាបានចូលទៅក្នុងរោងចក្រវារីអគ្គិសនី Mazar ដែលមានកម្លាំងប្រហែល១៧០មេហ្គាវ៉ាត់ ដែលចាត់ទុកថាមានសមត្ថភាពផ្ទុកថាមពលដ៏ធំរបស់ខ្លួន ដើម្បីគាំទ្រដល់ប្រតិបត្តិការរបស់ខ្លួន និងការពាររោងចក្រនោះ។

ប្រទេសអេក្វាទ័បានរងទុក្ខដោយគ្រោះរាំងស្ងួតដ៏អាក្រក់បំផុតក្នុងរយៈពេល៦១ឆ្នាំ ហើយវិបត្តិថាមពលបានធ្វើឱ្យកាន់តែអាក្រក់ទៅៗដែលនាំឲ្យមានការបន្ទោសរដ្ឋាភិបាលថាខ្វះការថែទាំទំនប់ និងហេដ្ឋារចនាសម្ព័ន្ធដែលមានស្រាប់ ដើម្បីធានាឱ្យមានការបង្កើតថាមពលថ្មី៕