ព័ត៌មានអន្ដរជាតិ
លីបង់៖ មនុស្សស្លាប់ហោចណាស់៤៩២នាក់ ព្រោះការវាយប្រហារតាមអាកាសរបស់អ៊ីស្រាអែល
យោធាអ៊ីស្រាអែលបានបើកការវាយប្រហារតាមផ្លូវអាកាសលើទីតាំងចំនួន១ ៦០០កន្លែងរបស់ក្រុមហេសបូឡាក្នុងប្រទេសលីបង់កាលពីថ្ងៃចន្ទ ដែលអាជ្ញាធរលីបង់បានប្រាប់ថា ហេតុការណ៍នេះបានសម្លាប់មនុស្សចំនួន ៤៩២នាក់ ក្នុងនោះមានកុមារ ៣៥នាក់ និងរបួស ១ ៦៤៥នាក់ ព្រមទាំងបានធ្វើឲ្យមនុស្សរាប់ម៉ឺននាក់រត់ភៀសខ្លួនទៅរកកន្លែងសុវត្ថិភាព ហើយនោះគឺជាថ្ងៃដែលមានមនុស្សស្លាប់ច្រើនបំផុត នៅក្នុងរយៈពេលប៉ុន្មានទសវត្សរ៍ចុងក្រោយ គិតចាប់តាំងពីសង្គ្រាមស៊ីវិលឆ្នាំ១៩៧៥-១៩៩០។
នាយករដ្ឋមន្ត្រីអ៊ីស្រាអែល លោក Benjamin Netanyahu បានធ្វើសេចក្តីថ្លែងការណ៍ជាវីដេអូខ្លីមួយទៅកាន់ប្រជាជនលីបង់ ដោយរៀបរាប់ថា៖ «សង្រ្គាមរបស់អ៊ីស្រាអែលមិនមែនធ្វើជាមួយអ្នកទេ វាធ្វើជាមួយក្រុមហេសបូឡា។ អស់រយៈពេលជាយូរមកហើយ ក្រុមហេសបូឡាបានប្រើអ្នកជាខែលការពារខ្លួន»។
ប្រជាជនលីបង់ដែលស្ថិតនៅភាគខាងត្បូង បាននាំគ្នាប្រមែប្រមូលយកអីវ៉ាន់ដាក់រថយន្ត និងឡានដឹកទំនិញចាកចេញពីផ្ទះសម្បែង ខណៈមានគ្រាប់បែកជាច្រើនកំពុងត្រូវបានទម្លាក់់ពីភាគីអ៊ីស្រាអែល។ ចំណែកឯផ្លូវហាយវ៉េភាគខាងជើងត្រូវបានបិទ។
លោក Abed Afou ដែលបានរត់គេចខ្លួនជាមួយក្រុមគ្រួសារ រួមទាំងកូនប្រុស៣នាក់ដែលមានអាយុពី៦ទៅ១៣ឆ្នាំ បាននិយាយថា៖ «ខ្ញុំបានចាប់យកឯកសារសំខាន់ៗទាំងអស់ ហើយយើងបានចេញមក។ ការវាយប្រហារនៅជុំវិញយើង។ វាពិតជាគួរឲ្យភ័យខ្លាចណាស់»។ លោក Afou បានបន្តថា លោកមិនដឹងថានឹងត្រូវស្នាក់នៅទីណានោះទេ ប៉ុន្តែគ្រាន់តែចង់ទៅឲ្យដល់ទីក្រុងបេរូតប៉ុណ្ណោះ។
ដោយឡែក ប្រជាជនខ្លះទៀតបានរត់គេចខ្លួនដោយថ្មើរជើង។ ពួកគេបានកាន់កញ្ចប់របស់របរតូចៗ ហើយដើរទៅទិសខាងជើងលើឆ្នេរសមុទ្រក្បែរទីក្រុង Tyre ប្រទេសលីបង់។
លោក Nasser Yassin រដ្ឋមន្ត្រីលីបង់ដែលមានតួនាទីសម្របសម្រួលការឆ្លើយតបនឹងវិបត្តិ បានប្រាប់ថា ទីជម្រកបណ្តោះអាសន្នចំនួន ៨៩កន្លែង នៅក្នុងសាលារៀន និងកន្លែងផ្សេងទៀតត្រូវបានដំណើរការ ដែលអាចទ្រទ្រង់មនុស្សជាង ២៦ ០០០នាក់។
បន្ទាប់ពីសង្គ្រាមជិត១ឆ្នាំប្រឆាំងនឹងក្រុមហាម៉ាសនៅតំបន់ហ្គាហ្សានាព្រំដែនភាគខាងត្បូងរបស់ខ្លួន អ៊ីស្រាអែលក៏កំពុងប្រយុទ្ធគ្នានៅព្រំដែនភាគខាងជើងផងដែរ ដែលជាកន្លែងក្រុមហេសបូឡាបាននិងកំពុងបាញ់គ្រាប់រ៉ុកកែតចូលទៅក្នុងទឹកដីរបស់ខ្លួន ដើម្បីគាំទ្រក្រុមហាម៉ាស។ ទាំងក្រុមហាម៉ាស និងក្រុមហេសបូឡា សុទ្ធជាក្រុមសកម្មប្រយុទ្ធដែលមានការគាំទ្រដោយអ៊ីរ៉ង់ដូចគ្នា៕
ដោយ៖ ឈាង
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៥ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?