ព័ត៌មានអន្ដរជាតិ

[Update] អគ្គរដ្ឋអាជ្ញាសិង្ហបុរីបានស្នើដាក់ពន្ធនាគារលោក S. Iswaran ពី៦ទៅ៧ ខែ

បានផុស

៤ ខែ មុន

នៅ

ថ្ងៃអង្គារ ២៤ កញ្ញា ២០២៤

ដោយ

អគ្គរដ្ឋអាជ្ញាធរនៃប្រទេសសិង្ហបុរីក្នុងសវនាការថ្ងៃដំបូងលើសំណុំរឿងក្តីជាច្រើនរបស់អតីតរដ្ឋមន្ត្រីក្រសួងដឹកជញ្ជូន បានស្នើដាក់ពន្ធនាគារពី៦ទៅ៧ខែ ក្នុងចំណោម៥បទល្មើសដែលអតីតរដ្ឋមន្ត្រីទទួលសារភាព។

អតីតរដ្ឋមន្ត្រីដឹកជញ្ជូនលោក S. Iswaran នៅថ្ងៃទី២៤ខែកញ្ញា បានសារភាពកំហុសលើការទទួលយករបស់របរមានតម្លៃខ្ពស់ពីក្រុមហ៊ុនឯកជនក្នុងថ្ងៃដំបូងនៃសវនាការលើរឿងក្តីដែលត្រូវបានចោទប្រកាន់ជាច្រើនករណីក្នុងពេលលោកដឹកនាំក្រសួងដឹកជញ្ជូន។

អតីតរដ្ឋមន្ត្រីដឹកជញ្ជូនលោក S. Iswaran ពេលទៅដល់តុលាការនៅថ្ងៃអង្គារ៍នេះ។ EPA

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Iswaran អាយុ ៦២ឆ្នាំ ឥឡូវនេះត្រូវបានកាត់ទោសពីបទចោទប្រកាន់ចំនួន៥ហើយមហាអយ្យការអមតុលាការកំពូលកំពុងស្វែងរកការកាត់ទោសឱ្យជាប់ពន្ធនាគារពី ៦ ទៅ៧ខែ ជុំវិញការចោទប្រកាន់ចំនួន៤ គឺការទទួលយករបស់មានតម្លៃក្នុងនាមជាមន្ត្រីសាធារណៈពីអ្នកផ្សព្វផ្សាយការប្រណាំងរថយន្ត Formula One (F1) ប្រធានក្រុមហ៊ុន Singapore GP លោក Ong Beng Seng និងលោក David Lum នាយកគ្រប់គ្រងក្រុមហ៊ុនសំណង់ Lum Chang Holdings ដែលចុះបញ្ជីផលិតក្តារបន្ទះ។

លោក Iswaran ទទួលស្គាល់កំហុសចំពោះការចោទប្រកាន់ខាងលើ ហើយ អតីតរដ្ឋមន្ត្រីរូបនេះក៏បានទទួលស្គាល់ផងដែរចំពោះការចោទប្រកាន់មួយពីបទរារាំងដំណើរនៃយុត្តិធម៌ដោយសារចេញការចំណាយក្លែងក្លាយ។

ការរារាំងដំណើរនៃយុត្តិធម៌គឺទាក់ទងនឹងប្រាក់ជាង៥០០០ដុល្លារដែលគាត់បានសងទៅក្រុមហ៊ុន Singapore GP សម្រាប់ថ្លៃជិះយន្តហោះកម្រិតធុរកិច្ច (Business-Class) របស់គាត់ពីទីក្រុងដូហាប្រទេសកាតាទៅសិង្ហបុរី ដែលគាត់បានធ្វើកាលពីថ្ងៃទី១១ខែធ្នូ ឆ្នាំ ២០២២ជាការចំណាយរបស់លោក Ong តាមរយៈក្រុមហ៊ុន។

លោក Iswaran បានសងវិញចំនួន ៣៨០០០០ដុល្លារទៅរដ្ឋ ហើយនឹងរឹបអូសវត្ថុដែលគាត់បានទទួល៕

Related Topics:សិង្ហបុរី