ព័ត៌មានអន្ដរជាតិ
ទីបំផុត ថៃ ក្លាយជាប្រទេសអាស៊ីទី២ អនុញ្ញាតច្បាប់ រៀបការភេទដូចគ្នា
តាមការចុះផ្សាយរបស់ Bangkok Post កាលពីថ្ងៃអង្គារទី២៤ខែកញ្ញាឆ្នាំ២០២៤, ព្រះមហាក្សត្រ មហាវិជ្ជរ៉ា ឡុងកន បានឡាយព្រះហស្ដលើច្បាប់រៀបការភេទដូចគ្នា ធ្វើឲ្យថៃ ក្លាយជាប្រទេសអាស៊ីទី២ ដែលទទួលស្គាល់អាពាហ៍ពិពាហ៍បែបនេះ បន្ទាប់ពីនេប៉ាល់។
ច្បាប់នេះទទួលបានភ្លើងខៀវពីសភាថៃក្នុងខែមិថុនា ហើយក្រោយពេលព្រះមហាក្សត្រឡាយព្រះហស្ត ច្បាប់នឹងចូលជាធរមាននៅរយៈ១២០ថ្ងៃបន្ទាប់ ពោលគឺនៅដើមឆ្នាំ២០២៥។
ច្បាប់អាពាហ៍ពិពាហ៍ថ្មីនេះ នឹងប្រើពាក្យថា «អព្យាក្រឹតយេនឌ័រ» ជំនួសឲ្យពាក្យថា «បុរស ស្ត្រី ប្តី ប្រពន្ធ» ហើយថែមទាំងផ្តល់សិទ្ធិស្មុំកូននិងផ្តល់កេរមរតកដល់គូស្នេហ៍ភេទដូចគ្នាទៀតផង។
តាមពិតទៅ ច្បាប់អាពាហ៍ពិពាហ៍នេះ គឺជាការតស៊ូរបស់អតីតនាយករដ្ឋមន្ត្រី សេដ្ឋា ថាវីស៊ីន ដែលបានដាក់ជូនសភាថៃឲ្យពិនិត្យ។ លោកតែងបង្ហាញការគាំទ្រចំពោះសហគមន៍ស្រឡាញ់ភេទដូចគ្នា ដោយលើកហេតុផលថា ការទទួលយកអាពាហ៍ពិពាហ៍បែបនេះ នឹងជួយពង្រឹងរចនាសម្ព័ន្ធគ្រួសារឲ្យកាន់តែរឹងមាំ។
ថៃត្រូវគេស្គាល់យូរមកហើយ ថាជាប្រទេសបើកចិត្តចំពោះទំនាក់ទំនងភេទដូចគ្នា ហើយការស្ទង់មតិរបស់ប្រព័ន្ធផ្សព្វផ្សាយក្នុងស្រុកបង្ហាញថា ប្រជាជនថៃជាច្រើន គាំទ្រយ៉ាងពេញទំហឹង ទាំងលើអាពាហ៍ពិពាហ៍បែបប្រពៃណីនិងភេទដូចគ្នា ត្បិតមានអ្នកខ្លះជំទាស់ក៏ពិតមែន។
លើលោកនេះ មានប្រទេសនិងដែនដីជាង៣០ បានអនុញ្ញាតឲ្យអាពាហ៍ពិពាហ៍ភេទដូចគ្នាទៅជារឿងស្របច្បាប់ ជាក់ស្តែងហូឡង់ ជាប្រទេសដំបូងគេដែលទទួលស្គាល់ក្នុងឆ្នាំ២០០១៕
អត្ថបទ៖ សុខ សុវណ្ណ
ចុចអាន៖ ថៃ គ្រោងអនុញ្ញាតឱ្យរៀបអាពាហ៍ពិពាហ៍ភេទដូចគ្នាដោយស្របច្បាប់
-
ចរាចរណ៍៤ ថ្ងៃ ago
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៧ ថ្ងៃ ago
ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៤ ថ្ងៃ ago
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា១ សប្តាហ៍ ago
ភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានអន្ដរជាតិ១១ ម៉ោង ago
អ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៧ ថ្ងៃ ago
លោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១៣ ម៉ោង ago
នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានអន្ដរជាតិ១ សប្តាហ៍ ago
ឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់