ព័ត៌មានអន្ដរជាតិ

គណៈកម្មាធិការសភាអាមេរិកផ្តល់អនុសាសន៍ឱ្យសភាពេញអង្គ ចោទលោក ប្ល៊ីនកែន ពីបទ«មើលស្រាល»

បានផុស

១ ម៉ោង មុន

នៅ

ថ្ងៃពុធ ២៥ កញ្ញា ២០២៤

ដោយ

រដ្ឋមន្ត្រីការបរទេស អាន់តូនី ប្ល៊ីនកែន (Antony Blinken) កំពុងជាប់ភារកិច្ចក្នុងកិច្ចប្រជុំមហាសន្និបាតអង្គការសហប្រជាជាតិនៅបុរីញូវយ៉ក បានខាកខានទៅផ្តល់សក្ខីកម្មនៅមុខគណៈកម្មាធិកាសភាតាមដីកាកោះ(subpoena) ដែលចាត់ទុកជាការមើលងាយរដ្ឋសភា និងត្រូវប្រឈមទោសឧក្រិដ្ឋទៀតផង។

រដ្ឋមន្ត្រីការបរទេស អាន់តូនី ប្ល៊ីនកែន (Antony Blinken) ថ្លែងនៅសន្និបាតអង្គការសហប្រជាជាតិ។ FB/Blinken

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារព័ត៌មានរ៉យទ័របានរាយការណ៍ថា គណៈកម្មាធិការកិច្ចការបរទេសរបស់រដ្ឋសភាតំណាងរាស្រ្តអាមេរិកដឹកនាំដោយគណបក្សសាធារណរដ្ឋ បានផ្តល់អនុសាសន៍កាលពីថ្ងៃទី២៤ខែកញ្ញាថា រដ្ឋមន្ត្រីការបរទេស អាន់តូនី ប្ល៊ីនកែន (Antony Blinken) ត្រូវដាក់ទោសដោយការមើលស្រាល ឬមើលងាយ (contempt) សភាចំពោះការខកខាកអនុវត្តតាមដីកាកោះ (subpoena) ដើម្បីឱ្យស្វែងរកព័ត៌មានអំពីភាពវឹកវរឆ្នាំ២០២១ ពេលដែលសហរដ្ឋអាមេរិកដកទ័ពអាមេរិកចេញពីអាហ្វហ្គានីស្ថាន។

សេចក្តីរាយការណ៍នោះ បានបន្តថា គណៈកម្មាធិកាសភាបានបោះឆ្នោតដោយសំឡេង ២៦-២៥ ក្នុងការគាំទ្ររបាយការណ៍របស់គណៈកម្មាធិការដែលផ្តល់អនុសាសន៍ថា សភាទាំងមូលរកឃើញលោក ប៊្លីនកែន ក្នុងការមើលស្រាលចំពោះការបដិសេធមិនអនុវត្តតាមដីការបស់ខ្លួនបន្ទាប់ពីលោកមិនបានបង្ហាញខ្លួននៅក្នុងសវនាការនៅព្រឹកថ្ងៃទី២៤ខែកញ្ញាស្តីពីការដកទ័ព។

ក្នុងរយៈពេលភ្លាមៗ ក្រសួងការបរទេសមិនបានឆ្លើយតបតាមការសាកសួររបស់រ៉យទ័រនោះទេ ចំពោះសំណើសុំការអត្ថាធិប្បាយលើការបោះឆ្នោតនោះទេ។

ប៉ុន្តែយោងតាមខ្លឹមសារដែលចុះផ្សាយលើគេហទំព័រក្រសួងការបរទេសសហរដ្ឋអាមេរិកកាលថ្ងៃទី៩ខែកញ្ញាជុំវិញដំណើរការផ្តល់សក្ខីកម្មនេះ ក្រសួងការបរទេសបាននិយាយថា ចាប់តាំងពីឆ្នាំ២០២១ ខ្លួនបានចំណាយពេលរាប់ពាន់ម៉ោង បំពេញតាមសំណើរបស់សភាសម្រាប់ការចងក្រងឯកសារ ការសង្ខេប និងធ្វើបទសម្ភាសន៍។ ឯកសារប្រហែល២០០០០ទំព័រត្រូវដាក់ជូនរដ្ឋសភា។

លោក ប្ល៊ីនកែន ដែលកំពុងនៅទីក្រុងញូវយ៉កក្នុងសប្តាហ៍នេះសម្រាប់មហាសន្និបាតអង្គការសហប្រជាជាតិ បាននិយាយនៅក្នុងលិខិតមួយទៅកាន់ប្រធានគណៈកម្មាធិការសភាគឺលោក Michael McCaul តំណាងមកពីគណបក្សសាធារណរដ្ឋកាលពីថ្ងៃទី២២ខែកញ្ញាថា គាត់ប្រឹងប្រែងព្យាយាមទៅដល់កន្លែងគណៈកម្មាធិការ នៅពេលណាដែលគាត់នឹងមាន ដើម្បីផ្តល់សក្ខីកម្ម និងផ្តល់សាក្សីជំនួស។

ការមើលងាយលក្ខន្តិកៈរបស់សភាអាមេរិក បញ្ជាក់ពីដំណើរការមួយសម្រាប់សភា ឬព្រឹទ្ធសភា សំដៅទៅលើសាក្សីដែលមិនគោរពតាមសម្រាប់ការកាត់ទោសព្រហ្មទណ្ឌ។ នៅទីបំផុត ក្រសួងយុត្តិធម៌អាមេរិកជាអ្នកសម្រេចថាតើត្រូវចោទប្រកាន់ពីបទឧក្រិដ្ឋដែរឬទេ។

ភ្លាមៗនោះ គេមិនទាន់ដឹងច្បាស់ថាតើនៅពេលណាដែលសភាទាំងមូលនឹងបោះឆ្នោតលើអនុសាសន៍របស់គណៈកម្មាធិការនេះ៕

ដោយ រ៉ាន់ រើយ