ព័ត៌មានអន្ដរជាតិ
កម្រណាស់! ចិនបាញ់សាកល្បងមីស៊ីលអន្តរទ្វីបចូលមហាសមុទ្រប៉ាស៊ីហ្វិក
ប្រទេសចិន បាននិយាយថា ខ្លួនបានបាញ់បង្ហោះដោយជោគជ័យនូវមីស៊ីលអន្តរទ្វីប (ICBM) ដែលបំពាក់ក្បាលគ្រាប់សិប្បនិមិត្ត ចូលទៅក្នុងមហាសមុទ្រប៉ាស៊ីហ្វិក។ នេះបើយោងតាមការចុះផ្សាយរបស់សារព័ត៌មាន BBC នៅថ្ងៃទី២៥ខែកញ្ញា។
ក្រសួងការពារជាតិរបស់ទីក្រុងប៉េកាំង បានប្រកាសថា មីស៊ីល ICMB ត្រូវបានបាញ់បង្ហោះនៅម៉ោង ៨និង៤៤នាទីព្រឹកម៉ោងក្នុងស្រុកនៅថ្ងៃពុធ ហើយ «បានធ្លាក់ចូលទៅក្នុងតំបន់សមុទ្រដែលគេបានកំណត់» ដោយបន្ថែមថា ការបាញ់សាកល្បងនេះគឺជា «ទម្លាប់» និងជាផ្នែកមួយនៃ «ការបណ្តុះបណ្តាលប្រចាំឆ្នាំ» របស់ខ្លួនប៉ុណ្ណោះ។
ប្រភេទមីស៊ីល និងផ្លូវហោះហើររបស់វានៅមិនទាន់ដឹងច្បាស់នៅឡើយ ប៉ុន្តែប្រព័ន្ធផ្សព្វផ្សាយរដ្ឋចិន បានឲ្យដឹងថា ទីក្រុងប៉េកាំងបាន «ជូនដំណឹងដល់ប្រទេសដែលពាក់ព័ន្ធជាមុនរួចហើយ»។
ក្រុមអ្នកវិភាគ បានបញ្ជាក់ថា ការពិពណ៌នារបស់ចិនអំពីការធ្វើតេស្តនេះថាជា «ទម្លាប់» គឺជារឿងគួរឲ្យភ្ញាក់ផ្អើល ពីព្រោះការធ្វើតេស្តចុងក្រោយរបស់ខ្លួនបានកើតឡើងតាំងពីឆ្នាំ១៩៨០មកម៉្លេះ។
ក្រសួងការពារជាតិជប៉ុន បានប្រកាសថា មិនមានការខូចខាតដល់នាវារបស់ខ្លួនទេ គិតត្រឹមរសៀលថ្ងៃពុធនេះ ដោយបន្ថែមថា៖ «យើងនឹងបន្តប្រមូល និងវិភាគព័ត៌មានអំពីចលនារបស់យោធាចិន ហើយនឹងចាត់វិធានការប្រុងប្រយ័ត្នទាំងអស់ នៅក្នុងការត្រៀមខ្លួន និងការត្រួតពិនិត្យរបស់យើង»។
ចិនបានធ្វើការធ្វើតេស្តបែបនេះចុងក្រោយនៅខែឧសភាឆ្នាំ១៩៨០ ហើយមីស៊ីលហោះបានចម្ងាយ ៩ ០៧០គីឡូម៉ែត្រ និងធ្លាក់ចូលមហាសមុទ្រប៉ាស៊ីហ្វិក។ ការសាកល្បងនោះ មានការចូលរួមពីនាវាកងទ័ពជើងទឹករបស់ចិនចំនួន១៨គ្រឿង ហើយនៅតែត្រូវបានចាត់ទុកថាជាបេសកកម្មកងទ័ពជើងទឹកដ៏ធំបំផុតរបស់រដ្ឋាភិបាលក្រុងប៉េកាំង។
លោក John Ridge អ្នកវិភាគផ្នែកការពារជាតិដែលមានមូលដ្ឋាននៅសហរដ្ឋអាមេរិក បាននិយាយថា ប្រទេសចិនអាចធ្វើការសាកល្បងនេះជាទម្រង់នៃ «ការបង្អួត ឬផ្តល់សញ្ញាដល់សហរដ្ឋអាមេរិក»។
នៅក្នុងរបាយការណ៍ដែលបានចេញផ្សាយកាលពីឆ្នាំមុន មន្ទីរបញ្ចកោណបានប៉ាន់ប្រមាណថា ប្រទេសចិនមានក្បាលគ្រាប់នុយក្លេអ៊ែរច្រើនជាង៥០០គ្រាប់នៅក្នុងឃ្លាំងអាវុធរបស់ខ្លួន ដែលក្នុងនោះមានប្រហែល ៣៥០គ្រាប់ជាប្រភេទគ្រាប់អន្តរទ្វីប។
របាយការណ៍ក៏បានព្យាករណ៍ថា ចិននឹងមានក្បាលគ្រាប់នុយក្លេអ៊ែរជាង ១ពាន់គ្រាប់នៅឆ្នាំ២០៣០ខាងមុខ។ យ៉ាងណាក៏ដោយ នោះគឺជាចំនួនតិចតួចប៉ុណ្ណោះ បើធៀបនឹងសហរដ្ឋអាមេរិក និងរុស្ស៊ី ដែលភាគីនីមួយៗប្រាប់ថា ពួកគេបច្ចុប្បន្នមានក្បាលគ្រាប់នុយក្លេអ៊ែរដល់ទៅ៥ពាន់គ្រាប់ឯណោះ៕
ដោយ៖ ឈាង
ឧក្រិដ្ឋជនវៀតណាម ១២នាក់ ត្រូវបានចាប់ខ្លួនពាក់ព័ន្ធករណីចាប់ជំរិតជនជាតិចិន នៅក្រុងបាវិត
សម្តេចតេជោ៖ ជំនឿទុកចិត្តក្នុងការអនុវត្តនយោបាយឈ្នះឈ្នះនៅកម្ពុជា មានតម្លៃជាងកិច្ចព្រមព្រៀងសន្តិភាពនៅប្រទេសខ្លះ
ខេត្តមណ្ឌលគិរី៖ សាលាបឋមសិក្សាមួយកន្លែង ដំបូលក៏ធ្លុះធ្លាយ ជញ្ជាំងក៏ពុកផុយ គ្រូ និងសិស្ស ស្នើសុំឱ្យជួយជួសជុល
Zhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
អតីតមន្ត្រីបក្សប្រឆាំងទូទាំងប្រទេស អបអរសាទរ«ទិវាសន្តិភាពនៅកម្ពុជា» ខណៈពួកគេស្អប់ខ្ពើមសង្រ្គាម
Zhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
ប៉ូលិសខេត្តចាន់ថាបុរី ចាប់ខ្លួនជនសង្ស័យដែលភ្នាល់ Influencer ថៃ ឲ្យផឹកស្រាដល់ស្លាប់
មនុស្សលើយន្តហោះសរុប១៨១នាក់ ទំនងជានៅរស់តែ២នាក់ប៉ុណ្ណោះ
លោក ពូទីន ចេញមុខសុំទោសមេដឹកនាំ អាស៊ែរបៃហ្សង់ រឿងធ្លាក់យន្តហោះស្លាប់មនុស្ស ៣៨ នាក់
យុវជន៨នាក់ ស្ម័គ្រចិត្តចូលប្រឡងបម្រើការងារជាគ្រូមត្តេយ្យសហគមន៍នៅក្នុងខេត្តមណ្ឌលគិរី
-
សន្តិសុខសង្គម៥ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៦ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
សន្តិសុខសង្គម៤ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ជីវិតកម្សាន្ដ៤ ម៉ោង agoZhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
-
ចរាចរណ៍៥ ថ្ងៃ agoអ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
-
ព័ត៌មានជាតិ៦ ថ្ងៃ agoក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
-
ព័ត៌មានអន្ដរជាតិ៧ ថ្ងៃ agoបាក់ស្ពាននៅប្រេស៊ីល ធ្លាក់រថយន្តផ្ទុកអាស៊ីដស៊ុលផួរិច លេចធ្លាយសារធាតុគីមីពេញទន្លេ
-
សន្តិសុខសង្គម៦ ថ្ងៃ agoករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន