ព័ត៌មានអន្ដរជាតិ
រុស្ស៊ី សម្ងំផលិតដ្រូននៅចិន ទុកយកធ្វើសង្គ្រាមនៅអ៊ុយក្រែន
រដ្ឋាភិបាលក្រុងមូស្គូ បានបង្កើតកម្មវិធីអាវុធយ៉ាងសម្ងាត់់មួយនៅក្នុងប្រទេសចិន ដើម្បីអភិវឌ្ឍ និងផលិតដ្រូនវាយប្រហាររយៈចម្ងាយឆ្ងាយសម្រាប់ប្រើប្រាស់ក្នុងសង្គ្រាមប្រឆាំងនឹងអ៊ុយក្រែន។ នេះបើយោងតាមប្រភពចំនួន២ពីទីភ្នាក់ងារស៊ើបការណ៍សម្ងាត់អឺរ៉ុប និងឯកសារដែលទីភ្នាក់ងារព័ត៌មាន Reuters ទទួលបានកាលពីថ្ងៃទី២៥ខែកញ្ញា។
នៅក្នុងឯកសាររបាយការណ៍មួយដែលផ្ញើទៅកាន់ក្រសួងការពារជាតិរុស្ស៊ី IEMZ Kupol ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនសព្វាវុធរដ្ឋរុស្ស៊ី Almaz-Antey បានបង្កើត និងបង្ហោះសាកល្បងគំរូដ្រូនថ្មីដែលមានឈ្មោះថា Garpiya-3 (G3) នៅក្នុងប្រទេសចិន ដោយមានជំនួយពីអ្នកឯកទេសក្នុងស្រុក ហើយនឹងត្រូវបានដាក់ពង្រាយនៅក្នុង «ប្រតិបត្តិការយោធាពិសេស» នៅអ៊ុយក្រែន។ ដ្រូន G3 អាចធ្វើដំណើរចម្ងាយប្រហែល ២ពាន់គីឡូម៉ែត្រ អាចផ្ទុកទម្ងន់បានដល់ ៥០គីឡូក្រាម។
ទាំងក្រុមហ៊ុន Kupol ក្រុមហ៊ុន Almaz-Antey និងក្រសួងការពារជាតិរុស្ស៊ី មិនបានឆ្លើយតបទៅនឹងសំណើសុំការអត្ថាធិប្បាយចំពោះរបាយការណ៍នេះទេ។
ចំណែកឯក្រសួងការបរទេសចិន បានប្រាប់ទីភ្នាក់ងារព័ត៌មាន Reuters ថា ខ្លួនមិនបានដឹងពីគម្រោងបែបនេះទេ ដោយបន្ថែមថា ទីក្រុងប៉េកាំងមានវិធានការត្រួតពិនិត្យយ៉ាងតឹងរ៉ឹងលើការនាំចេញដ្រូន ឬប្រភេទយានគ្មានមនុស្សបើក (UAVs)។
លោក Fabian Hinz អ្នកស្រាវជ្រាវនៅវិទ្យាស្ថាន International Institute for Strategic Studies លើវិស័យការពារជាតិដែលមានមូលដ្ឋាននៅទីក្រុងឡុងដ៍ បាននិយាយថា ការបញ្ជូនប្រភេទយានគ្មានមនុស្សបើកពីប្រទេសចិនទៅប្រទេសរុស្ស៊ី ប្រសិនជាការពិត នឹងក្លាយជាការអភិវឌ្ឍដ៏ធំមួយ។ លោកបានប្រាប់ Reuters ថា កន្លងមក ចិនបានផ្ដល់ឲ្យតែប្រភេទគ្រឿងបន្លាស់ប៉ុណ្ណោះសម្រាប់ផលិតសព្វាវុធ តែលើកនេះគឺជាការបញ្ជូនសព្វាវុធពេញលេញតែម្ដងទៅកាន់រុស្ស៊ី៕
ដោយ៖ ឈាង
-
ព័ត៌មានជាតិ១ សប្តាហ៍ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៧ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៣ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ២៣ ម៉ោង ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ១ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ២ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ