ព័ត៌មានអន្ដរជាតិ
បារាំង និងអាមេរិក ស្នើបទឈប់បាញ់២១ថ្ងៃនៅលីបង់ ទុកពេលសម្រាប់ការចរចា
ប្រទេសបារាំង និងសហរដ្ឋអាមេរិកកំពុងធ្វើការស្នើឲ្យមានបទឈប់បាញ់បណ្តោះអាសន្នរយៈពេល២១ថ្ងៃ រវាងក្រុមសកម្មប្រយុទ្ធហេសបូឡានៅលីបង់ និងប្រទេសអ៊ីស្រាអែល ដើម្បីទុកពេលវេលាសម្រាប់ការចរចាឲ្យបានកាន់តែទូលំទូលាយ។ នេះបើយោងតាមរដ្ឋមន្ត្រីការបរទេសបារាំងលោក Jean-Noel Barrot កាលពីថ្ងៃទី២៥ខែកញ្ញា។
លោក Barrot បានប្រាប់ក្រុមប្រឹក្សាសន្តិសុខអង្គការសហប្រជាជាតិថា៖ «ដំណោះស្រាយការទូតគឺពិតជាអាចទៅរួច។ ក្នុងរយៈពេលប៉ុន្មានថ្ងៃថ្មីៗនេះ យើងបានធ្វើការជាមួយដៃគូអាមេរិករបស់យើងនៅលើទម្រង់បទឈប់បាញ់បណ្តោះអាសន្នរយៈពេល២១ថ្ងៃ ដើម្បីអនុញ្ញាតឲ្យមានការចរចា»។
លោកបន្តថា ផែនការនេះនឹងត្រូវបានផ្សព្វផ្សាយជាសាធារណៈក្នុងពេលឆាប់ៗ ដោយបន្ថែមថា៖ «យើងកំពុងពឹងផ្អែកលើភាគីទាំងពីរឲ្យទទួលយកដោយមិនបង្អង់យូរ ដើម្បីការពារប្រជាជនស៊ីវិល និងអនុញ្ញាតឲ្យការចរចាការទូតចាប់ផ្តើម»។
លោក Barrot ដែលនឹងធ្វើដំណើរទៅកាន់ប្រទេសលីបង់នៅចុងសប្តាហ៍នេះ បានបញ្ជាក់ទៀតថា ទីក្រុងប៉ារីសបានធ្វើការជាមួយភាគីនានាក្នុងការកំណត់ពេលវេលាសម្រាប់វិធានការការទូតដោះស្រាយវិបត្តិបច្ចុប្បន្ន ក្រោមសេចក្ដីសម្រេចក្រុមប្រឹក្សាសន្តិសុខអង្គការសហប្រជាជាតិលេខ១៧០១។
សេចក្ដីសម្រេចលេខ១៧០១ ត្រូវបានអនុម័តបន្ទាប់ពីសង្គ្រាមរយៈពេលមួយខែរវាងអ៊ីស្រាអែល និងក្រុមហេសបូឡា ក្នុងឆ្នាំ២០០៦ ដែលបានអនុញ្ញាតឲ្យមានការបង្កើនកងកម្លាំងរក្សាសន្តិភាពរបស់អង្គការសហប្រជាជាតិ សម្រាប់ជួយដល់កងទ័ពលីបង់ក្នុងការឈរជើងនៅផ្នែកខ្លះនៃភាគខាងត្បូងប្រទេស ហើយទាមទារឲ្យមានការដកទ័ពអ៊ីស្រាអែលចេញពីលីបង់ និងការបញ្ឈប់សកម្មភាពប្រដាប់អាវុធនានារបស់ក្រុមហេសបូឡា។
ឯកអគ្គរដ្ឋទូតរងសហរដ្ឋអាមេរិកប្រចាំអង្គការសហប្រជាជាតិ លោក Robert Wood បានប្រាប់ក្រុមប្រឹក្សាសន្តិសុខថា ការអនុវត្តទាំងស្រុងនូវសេចក្ដីសម្រេចលេខ១៧០១ គឺជាដំណោះស្រាយរយៈពេលវែងតែមួយគត់។ លោក Wood បាននិយាយថា៖ «សហរដ្ឋអាមេរិកបានចូលរួមយ៉ាងខ្លាំងក្លាជាមួយគ្រប់ភាគីនៅក្នុងតំបន់។ គោលបំណងរបស់យើងគឺច្បាស់ណាស់ ដើម្បីបញ្ចៀសសង្រ្គាមទ្រង់ទ្រាយធំដែលយើងជឿថាមិនមែនជាការចង់បានរបស់ភាគីណាមួយ ឬក៏ប្រជាជនអ៊ីស្រាអែល និងប្រជាជនលីបង់។ យើងកំពុងធ្វើការជាមួយប្រទេសផ្សេងទៀតលើសំណើមួយដែលយើងសង្ឃឹមថានឹងនាំឲ្យមានភាពស្ងប់ស្ងាត់ និងអាចឲ្យការពិភាក្សាទៅរកដំណោះស្រាយការទូត»។
អគ្គលេខាធិការអង្គការសហប្រជាជាតិ លោក Antonio Guterres បានប្រាប់ថា លីបង់មិនអាចក្លាយជាតំបន់ហ្គាហ្សាមួយទៀតបាននោះទេ៕
ដោយ៖ ឈាង
អាល្លឺម៉ង់ ជំរុញឲ្យចិនឈប់គាំទ្ររុស្ស៊ី ហើយងាកទៅជួយរកសន្តិភាពឲ្យអ៊ុយក្រែន
សម្បត្តិវប្បធម៌ខ្មែរចំនួន៥ ត្រូវបានចុះបញ្ជីបេតិកភណ្ឌអរូបីនៃមនុស្សជាតិក្នុងខែវិច្ឆិកា
សេវា ប.ស.ស ឬ ការព្យាបាល និងថែទាំវេជ្ជសាស្ត្រ ១៤ ប្រភេទ មិនរាប់បញ្ចូលក្នុងរបបសន្តិសុខសង្គមផ្នែកថែទាំសុខភាពទេ
គម្រោងពង្រីកកំណាត់ផ្លូវជាតិលេខ ៧ ចំណាយថវិកាជាង ១០០ លានដុល្លារ សម្រេចបានការសាងសង់ជិត ៣០ ភាគរយ
សកម្មភាពក្រុមក្មេងទំនើងមានភាពស្ងប់ស្ងាត់បន្ទាប់ពីអាជ្ញាធរប្រតិបត្តិការបង្ក្រាបជាប្រចាំ
រឿងអស្ចារ្យមួយទៀត! ក្រុមនារីកម្ពុជា ទទួលបានកៅអី ASEAN Women’s Championship 2025
នាយ តាក់ស៊ី មានសង្ឃឹមខ្លះហើយ ខណ:ថ្នាក់ដឹកនាំនិងសប្បុរសជន ឧបត្ថម្ភថវិកាសង្គ្រោះជីវិត
ត្រាំ ព្រមានក្រុមហាម៉ាស ថា នឹងជួបអាសន្នធំ បើមិនដោះលែងចំណាប់ខ្មាំង មុនគាត់ចូលកាន់តំណែង
Royal Group Funds នឹងកៀរគរទុន២០០លានដុល្លារតាមរយៈគម្រោងវិនិយោគរួម
ថៃព្រមានពីភ្លៀងធ្លាក់ខ្លាំងថែមទៀត ខណៈអ្នកស្លាប់ព្រោះទឹកជំនន់កើនដល់ ២២នាក់
-
ព័ត៌មានជាតិ៣ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
សន្តិសុខសង្គម៥ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
សេដ្ឋកិច្ច៥ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
ជីវិតកម្សាន្ដ៣ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ១ សប្តាហ៍ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
សេដ្ឋកិច្ច២ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ព័ត៌មានជាតិ១ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
បច្ចេកវិទ្យា១ សប្តាហ៍ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា