ព័ត៌មានអន្ដរជាតិ
ហ្វីលីពីន កំពុងស្វះស្វែងធ្វើយ៉ាងណាឲ្យបង្កើតរោងចក្រថាមពលនុយក្លេអ៊ែរត្រឹមឆ្នាំ២០៣២
រដ្ឋាភិបាលក្រុងម៉ានីល មានបំណងចង់បង្កើតរោងចក្រថាមពលនុយក្លេអ៊ែរដំបូងរបស់ខ្លួននៅត្រឹមឆ្នាំ២០៣២ខាងមុខ ដែលជាការចូលរួមជាមួយប្រជាជាតិអាស៊ីផ្សេងៗទៀត ក្នុងការងាកទៅរកប្រភពថាមពលគ្មានការបំភាយឧស្ម័នសម្រាប់តម្រូវការអគ្គិសនីដែលកំពុងកើនឡើង។
នាយកដ្ឋានថាមពលហ្វីលីពីន បានប្រកាសកាលពីថ្ងៃទី២៥ខែកញ្ញាថា រដ្ឋាភិបាលនឹងផ្តល់អាទិភាពដល់ច្បាប់ដែលផ្តោតលើសុវត្ថិភាពនុយក្លេអ៊ែរ ហើយធានាថា ក្របខ័ណ្ឌច្បាប់ និងបទប្បញ្ញត្តិទាំងឡាយ ធ្វើឡើងដើម្បីការពារសុខភាពសាធារណៈ បរិស្ថាន និងសន្តិសុខជាតិ។
ហ្វីលីពីន ក៏នឹងបង្កើតអាជ្ញាធរបទប្បញ្ញត្តិនុយក្លេអ៊ែរឯករាជ្យមួយ ដើម្បីត្រួតពិនិត្យការអភិវឌ្ឍកម្មវិធីថាមពលនុយក្លេអ៊ែរនេះផងដែរ។
លោកស្រី Sharon Garin អនុរដ្ឋលេខាធិការនៃនាយកដ្ឋានថាមពល បាននិយាយថា ប្រទេសហ្វីលីពីននឹងព្យាយាមបង្កើតថាមពលនុយក្លេអ៊ែរសម្រាប់ដំណើរការពាណិជ្ជកម្មក្នុងទំហំយ៉ាងហោចណាស់ ១២០០មេហ្គាវ៉ាត់នៅឆ្នាំ២០៣២ ដែលនឹងកើនឡើងដល់ ៤៨០០មេហ្គាវ៉ាត់នៅឆ្នាំ២០៥០។ យោងតាមទិន្នន័យរបស់អង្គការស្រាវជ្រាវ BloombergNEF សមត្ថភាពថាមពលអគ្គិសនីសរុបរបស់ប្រទេសហ្វីលីពីនមានទំហំប្រហែល ២៨ ៤០០មេហ្គាវ៉ាត់កាលពីចុងឆ្នាំ២០២២។
ថាមពលនុយក្លេអ៊ែរ កំពុងមានការអភិវឌ្ឍយ៉ាងខ្លាំងនៅលើសកលលោក ដើម្បីបំពេញតម្រូវការថាមពលដែលកំពុងកើនឡើងយ៉ាងឆាប់រហ័ស និងកាត់បន្ថយការពឹងផ្អែកលើឥន្ធនៈហ្វូស៊ីល។ វៀតណាម និងឥណ្ឌូណេស៊ីក៏កំពុងពិចារណាលើដំណើរការថាមពលនុយក្លេអ៊ែរនេះផងដែរ៕
ដោយ៖ ឈាង
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៥ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?