ព័ត៌មានអន្ដរជាតិ

មេដឹកនាំឥណ្ឌាអះអាងចំពោះក្រុមមេដឹកនាំអ៊ុយក្រែនអំពីការរកដំណោះស្រាយឲ្យបានឆាប់

បានផុស

៦ ខែ មុន

នៅ

ថ្ងៃព្រហស្បតិ៍ ២៦ កញ្ញា ២០២៤

ដោយ

នាយករដ្ឋមន្ត្រីឥណ្ឌា លោក ណារ៉េនដ្រា ម៉ូឌី និង ប្រធានាធិបតី វ៉ុលឌីមៀ ហ្សេលេនស្គី បានស្កាត់ជួបគ្នានៅទីក្រុងញូវយ៉កសហរដ្ឋអាមេរិក ក្នុងអំឡុងពេលមេដឹកនាំទាំងពីរបានធ្វើដំណើរទៅចូលរួមមហាសន្និបាតអង្គការសហប្រជាជាតិ។

នាយករដ្ឋមន្ត្រីឥណ្ឌា ណារ៉េនដ្រា ម៉ូឌី បានឱ្យលោក ហ្សេលេនស្គី ក្នុងជំនួបនៅញ៉ូវយក។ FB/Zelensky

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើបណ្តាញសង្គមហ្វេសប៊ុក Narendra Modi ដែលជានាយករដ្ឋមន្ត្រីឥណ្ឌា បានបង្ហាញនូវរូបភាពនៃជំនួបទ្វេភាគី អមជាមួយខ្លឹមសារថា៖«ជួបប្រធានាធីបតី Zelenskyy នៅញូវយ៉ក។ យើងប្តេជ្ញាចិត្តអនុវត្តមានសមិទ្ធផលនៃដំណើរទស្សនកិច្ចរបស់ខ្ញុំទៅកាន់ប្រទេសអ៊ុយក្រែនកាលពីខែមុនដើម្បីពង្រឹងទំនាក់ទំនងទ្វេភាគី។ ការគាំទ្ររបស់ឥណ្ឌាដែលបានលើកឡើងសម្រាប់ដំណោះស្រាយកាន់តែឆាប់នៃជម្លោះនៅអ៊ុយក្រែន និង ការស្តារឡើងវិញនៃសន្តិភាពនិងស្ថិរភាព»។

ក្នុងដំណើរទស្សនកិច្ចរបស់នាយករដ្ឋមន្ត្រីឥណ្ឌាក្នុងខែសីហា២០២៤ទៅកានប្រទេសអ៊ុយក្រែន មានការរំពឹងទុកយ៉ាងទូលំទូលាយថា ឥណ្ឌាទំនងជាអាចនាំដំណើរការចរចាសន្តិភាពរវាងរុស្ស៊ីនិងអ៊ុយក្រែននៅនៅពេលដ៏ខ្លីខាងមុខ ខណៈដែលឥណ្ឌាបានរក្សាជំហរមិនលម្អៀងទៅរកភាគីជម្លោះណាមួយក្នុងរយៈពេលនៃការផ្ទុះសង្គ្រាមជិត៣ឆ្នាំកន្លងមកនេះ។

វត្តមានរបស់នាយករដ្ឋមន្ត្រីឥណ្ឌានៅក្នុងប្រទេសអ៊ុយក្រែនកាលពីខែមុនគឺដំណើរទស្សនកិច្ចលើកដំបូងក្នុងរយៈពេលទំនាក់ទំនងការទូតជាង៣ទសវត្សរ៍។

ក្នុងអំឡុងពេលបំពេញទស្សនកិច្ចនៅអ៊ុយក្រែនកាលខែសីហា សារដែលសង្កត់ធ្ងន់លើការចរចាសន្តិភាព លោកម៉ូឌី សរសេរថា៖«យើងក៏មានការពិភាក្សាអំពីជម្លោះដែលកំពុងកើតឡើង។ វាមានសារៈសំខាន់បំផុតដែលសន្តិភាពត្រូវបានរក្សា។ ដំណោះស្រាយដោយសន្តិវិធីចំពោះជម្លោះគឺល្អបំផុតសម្រាប់មនុស្សជាតិ»។

ប្រមុខដឹកនាំអ៊ុយក្រែនកំពុងស្វះស្វែងរកការគាំទ្រលើផែនការជ័យជម្នះរបស់ខ្លួនសម្រាប់ការប្រយុទ្ធតទាល់នឹងសត្រូវមហាអំណាចរុស្ស៊ី ដោយការពឹងផ្អែកស្ទើរតែទាំងស្រុងលើការធានាពីសហរដ្ឋអាមេរិក និងសម្ព័ន្ធអឺរ៉ុបនិងណាតូ ដើម្បីធានាបាននូវយុទ្ធោបករណ៍ ហិរញ្ញវត្ថុ និងការគាំទ្រលើកិច្ចការទូត៕

ដោយ រ៉ាន់ រើយ