ព័ត៌មានអន្ដរជាតិ
នាយករដ្ឋមន្ត្រីលីបង់ ជឿថា បទឈប់បាញ់អ៊ីស្រាអែល-ហេសបូឡា អាចសម្រេចបាន
នាយករដ្ឋមន្ត្រីលីបង់ លោក Najib Mikati បានបង្ហាញក្តីសង្ឃឹមថា បទឈប់បាញ់អាចត្រូវបានសម្រេចក្នុងពេលឆាប់ៗនេះ ដើម្បីបញ្ចប់ការប្រយុទ្ធគ្នារវាងអ៊ីស្រាអែល និងក្រុមហេសបូឡា ដែលបានបង្កភាពវឹកវរនៅក្នុងប្រទេសរបស់លោក។
ការលើកឡើងរបស់នាយករដ្ឋមន្ត្រីលីបង់ ធ្វើឡើងបន្ទាប់ពីសហរដ្ឋអាមេរិក បារាំង និងសម្ព័ន្ធមិត្តជាច្រើន បានអំពាវនាវឲ្យមានបទឈប់បាញ់រយៈពេល ២១ថ្ងៃជាបន្ទាន់ នៅទូទាំងព្រំដែនអ៊ីស្រាអែល-លីបង់ ក្រោយកិច្ចប្រជុំដ៏តានតឹងនៅឯមហាសន្និបាតអង្គការសហប្រជាជាតិកាលពីថ្ងៃពុធ។
លោក Mikati បានស្វាគមន៍ចំពោះការអំពាវនាវឲ្យមានបទឈប់បាញ់ ប៉ុន្តែបាននិយាយថា គន្លឹះនៃការអនុវត្តគឺថាតើអ៊ីស្រាអែល ដែលបាននិងកំពុងបញ្ជូនកងទ័ពទៅជិតព្រំដែនប្រទេសលីបង់ ប្តេជ្ញាអនុវត្តដំណោះស្រាយអន្តរជាតិនេះដែរឬក៏អត់។
មន្ត្រីរដ្ឋបាលជាន់ខ្ពស់របស់ប្រធានាធិបតីអាមេរិក បាននិយាយថា បទឈប់បាញ់នឹងបង្កើតឲ្យមាន «ខ្សែបន្ទាត់ខៀវ (Blue Line)» រវាងអ៊ីស្រាអែល-លីបង់ ដែលជាបន្ទាត់កំណត់ព្រំដែន ហើយនឹងអនុញ្ញាតឲ្យភាគីទាំងសងខាងចរចាឆ្ពោះទៅរកដំណោះស្រាយការទូត។
មេដឹកនាំពិភពលោក បានសម្តែងការព្រួយបារម្ភថា ជម្លោះនេះ កំពុងកើនឡើងយ៉ាងឆាប់រហ័ស ខណៈដែលអ្នកស្លាប់មានចំនួនកាន់តែច្រើនឡើងៗនៅក្នុងប្រទេសលីបង់ ហើយពលរដ្ឋរាប់ពាន់នាក់បានភៀសខ្លួនចាកចេញពីផ្ទះសម្បែង។
ការវាយប្រហារតាមអាកាសរបស់អ៊ីស្រាអែលក្នុងសប្តាហ៍នេះ បានកំណត់គោលដៅទៅលើមេដឹកនាំក្រុមហេសបូឡា និងបានវាយប្រហារទីតាំងរាប់រយកន្លែងចូលជ្រៅក្នុងលីបង់ ជាកន្លែងដែលមនុស្សរាប់សិបម៉ឺននាក់បានភៀសខ្លួនចេញពីតំបន់ព្រំដែន ខណៈដែលក្រុមហេសបូឡាវិញក៏បានបាញ់រ៉ុកកែតជាច្រើនគ្រាប់ចូលទឹកដីអ៊ីស្រាអែលផងដែរ។
ក្រុមហេសបូឡា បានរងការវាយប្រហារយ៉ាងខ្លាំងកាលពីពេលថ្មីៗនេះ ដោយមេបញ្ជាការជាន់ខ្ពស់មួយចំនួនរបស់ខ្លួនត្រូវបានសម្លាប់ ហើយឧបករណ៍ទាក់ទងរាប់ពាន់គ្រឿងដែលប្រើប្រាស់ដោយសមាជិករបស់ខ្លួន បានផ្ទុះបណ្តាលឲ្យមនុស្សស្លាប់ និងរបួសជាច្រើន។
មន្ទីរពេទ្យនៅលីបង់ គឺពោរពេញទៅដោយអ្នករបួសចាប់តាំងពីថ្ងៃចន្ទ បន្ទាប់ពីការទម្លាក់គ្រាប់បែករបស់អ៊ីស្រាអែល ដែលបានសម្លាប់មនុស្សជាង ៥៥០នាក់ ហើយក៏ជាថ្ងៃដ៏អាក្រក់បំផុតក្នុងប្រវត្តិសាស្ត្រលីបង់ ចាប់តាំងពីសង្គ្រាមស៊ីវិលបានបញ្ចប់នៅឆ្នាំ១៩៩០៕
ដោយ៖ ឈាង
ចុចអាន៖ បារាំង និងអាមេរិក ស្នើបទឈប់បាញ់២១ថ្ងៃនៅលីបង់ ទុកពេលសម្រាប់ការចរចា
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៥ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?