ព័ត៌មានអន្ដរជាតិ
ថៃប្រាប់ឲ្យអ្នកនៅបាងកក និងខេត្តចំនួន១០ ត្រៀមប្រឈមនឹងគ្រោះទឹកជំនន់
រដ្ឋធានីបាងកក និងខេត្តចំនួន១០ ត្រូវបានព្រមានឲ្យត្រៀមលក្ខណៈសម្រាប់គ្រោះទឹកជំនន់ ដែលអាចកើតមាន ខណៈដែលទំនប់ Chao Phraya ក្នុងខេត្ត Chai Nat នឹងបង្កើនអត្រានៃការបង្ហូរទឹកចេញ។
តំបន់ដែលត្រូវរងផលប៉ះពាល់ គឺជាសហគមន៍ដែលស្ថិតនៅតាមបណ្ដោយច្រាំងទន្លេ Chao Phraya ដែលមានដូចជា ខេត្ត Uthai Thani, Chai Nat, Sing Buri, Ang Thong, Ayutthaya, Suphanburi, Lopburi, Pathum Thani, Nonthaburi, Samut Prakan និងទីក្រុងបាងកក។
នាយកដ្ឋានធារាសាស្ត្រថៃ បានឲ្យដឹងកាលពីថ្ងៃទី២៦ខែកញ្ញាថា ខ្លួននឹងបង្កើនអត្រាបង្ហូរទឹកទំនប់ Chao Phraya ជាបណ្តើរៗពីបច្ចុប្បន្នក្នុងល្បឿន ១៤៩៨ម៉ែត្រគូបក្នុង១វិនាទី ដោយសារភ្លៀងបន្តធ្លាក់ខ្លាំង និងទឹកហូរពីភាគខាងជើង។
នាយកដ្ឋានបានប្រាប់ទៀតថា ការកែសម្រួលនឹងធ្វើឡើងជាជំហានៗ ប៉ុន្តែនឹងត្រូវកំណត់ខ្ពស់បំផុតត្រឹម ២០០០ម៉ែត្រគូបក្នុង១វិនាទីប៉ុណ្ណោះ។ ការបង្ហូរទឹកនេះនឹងបង្កើនកម្ពស់ទឹកនៅប្រឡាយ Phong Pheng ក្នុងខេត្ត Ang Thong និងប្រឡាយ Bang Ban ព្រមទាំងទន្លេ Noi ក្នុងខេត្តអយុធ្យា ចន្លោះពី ១ម៉ែត្រ ទៅ ១,៥ម៉ែត្រ។
ការកើនឡើងកម្ពស់ទឹកនេះក៏អាចបណ្តាលឲ្យប្រឡាយ និងទន្លេហូរហៀរទឹកចេញពីច្រាំងទៅកាន់ទីតាំងផ្សេងៗផងដែរ។
នាយកដ្ឋានបានរាយការណ៍ថា គិតត្រឹមម៉ោង៧ព្រឹកថ្ងៃទី២៦ខែកញ្ញា កម្ពស់ទឹកនៅស្ថានីយ៍ C2 ក្នុងស្រុក Muang ខេត្ត Nakhon Sawan បានកើនឡើង ២១សង់ទីម៉ែត្រ ចាប់តាំងពីថ្ងៃទី២៥ខែកញ្ញា ប៉ុន្តែនៅតែទាបជាងច្រាំងដែលមានកម្ពស់ ៣,២៩ ម៉ែត្រ។ អត្រាបង្ហូរទឹកនៅស្ថានីយ៍នេះគឺ ១៨៤៦ម៉ែត្រគូបក្នុង១វិនាទី។
នៅស្ថានីយ៍ C3 ឬទំនប់ Chao Phraya ក្នុងខេត្ត Chai Nat កម្រិតទឹកបានឡើងបន្តិចចាប់ពីថ្ងៃទី២៥ខែកញ្ញា ប៉ុន្តែនៅតែទាបជាងច្រាំងទន្លេដែលមានកម្ពស់ ៣,៥២ម៉ែត្រ។ អត្រាបង្ហូរទឹកនៅស្ថានីយ៍នេះគឺ ១៤៩៨ម៉ែត្រគូបក្នុង១វិនាទី។
ប៉ុស្ដិ៍ទូរទស្សន៍ Nation បានផ្សាយកាលពីថ្ងៃទី២៦ខែកញ្ញាថា ទឹកជំនន់ដែលបង្កឡើងដោយការហូរហៀរនៃទន្លេ Ping ក្នុងស្រុកមឿង ខេត្តឈៀងម៉ៃ កាន់តែអាក្រក់ជាងកាលពីឆ្នាំ២០១១ទៅទៀត។
ការកើនកម្ពស់ទឹកនៅទន្លេ Ping បានបណ្ដាលឲ្យជន់លិចលំនៅដ្ឋាន និងតំបន់ពាណិជ្ជកម្មនានានៅក្នុងស្រុកកាលពីយប់ថ្ងៃទី២៥ខែកញ្ញា រួមទាំងផ្សារ San Pa Khoi និងសង្កាត់ Charoen Prathet ព្រមទាំងផ្សាររាត្រី Night Bazaar ។
យ៉ាងហោចណាស់ ប្រជាពលរដ្ឋចំនួន ២០០០គ្រួសារ ត្រូវបានគេរំពឹងថា នឹងរងផលប៉ះពាល់ដោយសារទឹកជំនន់ ជាពិសេសអ្នកនៅក្នុងនិងជុំវិញផ្សាររាត្រី Night Bazaar ដែលកម្ពស់ទឹកលើសពី១ម៉ែត្រ៕
ដោយ៖ ឈាង
ថៃប្រាប់ឲ្យអ្នកនៅបាងកក និងខេត្តចំនួន១០ ត្រៀមប្រឈមនឹងគ្រោះទឹកជំនន់
ម្ចាស់ចម្ការម្រេចម្នាក់ បង្ហាញពីបទពិសោធន៍ដាំម្រេចទទួលបានទិន្នផលខ្ពស់
សុខភាព Justin កាន់តែព្រួយបារម្ភ ក្រោយតារារ៉េប Diddy ចាប់ខ្លួនបទល្មើសផ្លូវភេទ
គួច ខេវិន ៖ Ishow Speed មកកម្ពុជាជួយផ្សព្វផ្សាយវប្បធម៌ អរិយធម៌ តែផ្ទុយពីការគិត ត្រូវខាតបង់ទៅវិញ
ថៃឃុំខ្លួនស្ត្រីប៉ូឡូញដែលបង្កភាពស្លន់ស្លោដោយការគំរាមមានគ្រាប់បែកលើយន្តហោះ
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
រដ្ឋ Florida ជួបព្យុះសង្ឃរាកំណាច ប្រឈមហានិភ័យ បង្កគ្រោះមហន្តរាយធំធេង
ជប៉ុន គាំទ្រការសម្រេចចិត្តរបស់កម្ពុជាក្នុងការដកខ្លួនចេញពី CLV-DTA និងសន្យាបន្តជួយ
នាវាមុជទឹកនុយក្លេអ៊ែរថ្មីបំផុតរបស់ចិន បានលិច បង្កជាភាពអាម៉ាស់មិនស្ទើរដល់ក្រុងប៉េកាំង
អាមេរិក ជូនរង្វាន់ ២០លានដុល្លារ បើអ្នកណាផ្តល់ព័ត៌មាន ឈានដល់ការចាប់ខ្លួន ជនជាតិអ៊ីរ៉ង់ម្នាក់
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ១ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៧ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៤ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ២ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព