ព័ត៌មានអន្ដរជាតិ

អ៊ីស្រាអែល បដិសេធសំណើបទឈប់បាញ់រយៈពេល២១ថ្ងៃនៅលីបង់

បានផុស

៥ ខែ មុន

នៅ

ថ្ងៃសុក្រ ២៧ កញ្ញា ២០២៤

ដោយ

Chheang

អ៊ីស្រាអែល បានច្រានចោលសំណើដោយសម្ព័ន្ធមិត្តសម្រាប់បទឈប់បាញ់រយៈពេល២១ថ្ងៃនៅក្នុងប្រទេសលីបង់ ហើយប្តេជ្ញាបន្តប្រយុទ្ធប្រឆាំងនឹងក្រុមសកម្មប្រយុទ្ធហេសបូឡា «រហូតដល់ជោគជ័យ»។ នេះបើយោងតាមការចុះផ្សាយរបស់ទីភ្នាក់ងារព័ត៌មាន AFP នៅថ្ងៃទី២៧ខែកញ្ញា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការទម្លាក់គ្រាប់បែករបស់អ៊ីស្រាអែលទៅលើទីតាំងដ៏សំខាន់របស់ក្រុមហេសបូឡាដែលគាំទ្រដោយអ៊ីរ៉ង់ នៅជុំវិញប្រទេសលីបង់ បានសម្លាប់មនុស្សរាប់រយនាក់ក្នុងសប្តាហ៍នេះ ខណៈដែលក្រុមសកម្មប្រយុទ្ធបានសងសឹកវិញជាមួយនឹងការផ្លោងគ្រាប់រ៉ុកកែតជាច្រើនចូលទឹកដីអ៊ីស្រាអែល។

សហរដ្ឋអាមេរិក បារាំង និងសម្ព័ន្ធមិត្តផ្សេងទៀត បានបង្ហាញពីបទឈប់បាញ់រយៈពេល២១ថ្ងៃ កាលពីថ្ងៃពុធ បន្ទាប់ពីប្រធានាធិបតីអាមេរិក លោក Joe Biden និងប្រធានាធិបតីបារាំង លោក Emmanuel Macron បានជួបប្រជុំនៅខាងក្រៅមហាសន្និបាតអង្គការសហប្រជាជាតិនៅទីក្រុងញូវយ៉ក។

យ៉ាងណា មេដឹកនាំអ៊ីស្រាអែល លោក Netanyahu បានបដិសេធទាំងស្រុងនូវសំណើបទឈប់បាញ់កាលពីថ្ងៃព្រហស្បតិ៍ ដោយបានបញ្ជាឲ្យយោធាបន្ត «ការប្រយុទ្ធដោយប្រើកងកម្លាំងពេញទំហឹង»។

សេតវិមាន បានសម្តែងការខកចិត្តចំពោះការបដិសេធនេះ ដោយនិយាយថា សំណើបទឈប់បាញ់បានធ្វើឡើងដោយ «ការយកចិត្តទុកដាក់ និងកិច្ចខិតខំប្រឹងប្រែងជាច្រើន»។

លោក Macron បាននិយាយថា វាគឺជា «កំហុស» សម្រាប់លោក Netanyahu ក្នុងការបដិសេធបទឈប់បាញ់ ហើយថាលោកនឹងត្រូវ «ទទួលខុសត្រូវ» សម្រាប់ការកើនឡើងភាពតានតឹងក្នុងតំបន់៕

ដោយ៖ ឈាង

ចុចអាន៖ នាយករដ្ឋមន្ត្រីលីបង់ ជឿថា បទឈប់បាញ់អ៊ីស្រាអែល-ហេសបូឡា អាចសម្រេចបាន