ព័ត៌មានអន្ដរជាតិ

ផ្អើល! ជម្លៀសមនុស្សរាប់រយនាក់ទាំងយប់នៅគួឡាលំពូដោយសារហេតុការឆេះក្នុងផ្សារទំនើប

បានផុស

៩ នាទី មុន

នៅ

ថ្ងៃចន្ទ ៣០ កញ្ញា ២០២៤

ដោយ

អាជ្ញាធរម៉ាឡេស៊ីបានជម្លៀសមនុស្សរាប់រយនាក់ពីផ្សារទំនើប Suria KLCC ដ៏ធំរបស់ប្រទេសម៉ាឡេស៊ីកាលពីថ្ងៃទី២៩ខែកញ្ញា បន្ទាប់ពីមានសំឡេងរោទិ៍ប្រកាសអាសន្នក្រោយឃើញភ្លើងឆាបឆេះនៅម៉ោងជាង៨យប់។ យោងការផ្សាយរបស់សារព័ត៌មាន The Straitis Times ដែលយោងបន្តពីការបង្ហោះនៅលើបណ្តាញសង្គម។

រូបភាពនៃការជម្លៀសប្រជាជនចេញពីផ្សារទំនើប។ ST screenshot from social.

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការបង្ហោះជាបន្តបន្ទាប់ អ្នកប្រើប្រាស់បណ្តាញសង្គម X @ryanwen_hui បានសរសេរថា មានភ្លើងឆេះនៅក្នុងតំបន់លក់ម្ហូបអាហារក្នុងផ្សារទំនើប ដែលជាប់នឹងអគារភ្លោះ Petronas ដែលជានិមិត្តរូបរបស់ទីក្រុងគួឡាលំពូប្រទេសម៉ាឡេស៊ី។

«ចំណតម៉ូត១កន្លែងមានផ្សែងហុយពេញ។ ឥឡូវនេះ គ្រប់គ្នាកំពុងត្រូវបានជម្លៀសចេញពី KLCC។ ចំណតរថយន្ត និងច្រកចូលផ្សារទំនើបត្រូវបានបិទ ដោយបានសរសេរបន្ថែមថា មានរថយន្តពន្លត់អគ្គីភ័យយ៉ាងហោចណាស់បីគ្រឿងនៅកន្លែងកើតហេតុ។

នៅក្នុងសេចក្តីថ្លែងការណ៍មួយ នាយកដ្ឋានពន្លត់អគ្គីភ័យ និងជួយសង្គ្រោះទីក្រុងគូឡាឡាំពួ បាននិយាយថា ពួកគេបានមកដល់កន្លែងកើតហេតុនៅម៉ោង ៨ និង១២នាទីយប់។

អ្នកនាំពាក្យម្នាក់បាននិយាយថា៖«ក្រុមឆ្លើយតបបានឃើញផ្សែងក្រាស់នៅជាន់ទី៣ហើយស្វែងរកប្រភព។ មូលហេតុត្រូវបានរកឃើញនៅក្នុងជណ្តើរសង្គ្រោះបន្ទាន់ ដែលប្រអប់កំពុងឆេះនៅក្នុងធុងសំរាម»។

ភ្លើងត្រូវបានពន្លត់នៅម៉ោង ៨ និង៤៥នាទីយប់។ គ្មាននរណាម្នាក់រងរបួសទេ៕

រ៉ាន់ រើយ