Connect with us

ព័ត៌មានអន្ដរជាតិ

ប្អូនស្រី គីម ជុងអ៊ុន គំរាមថា អាមេរិក កំពុងលេងល្បែងគ្រោះថ្នាក់ អាចបង្កគ្រោះមហន្តរាយនុយក្លេអ៊ែរ

បានផុស

នៅ

អ្នកស្រី គីម យូជុង ដែលជាប្អូនស្រីមេដឹកនាំកូរ៉េខាងជើង គីម ជុងអ៊ុន បានផ្ញើសារព្រមានខ្លាំងៗទៅកាន់សហរដ្ឋអាមេរិកថា ពួកគេកំពុងលេងល្បែងគ្រោះថ្នាក់ដោយការបញ្ជូនសព្វាវុធកាន់តែច្រើនទៅឲ្យអ៊ុយក្រែន ទាំងមិនអើពើនឹងការព្រមានរបស់រុស្ស៊ី ហើយនោះអាចបង្កឲ្យមានគ្រោះមហន្តរាយនុយក្លេអ៊ែរថែមទៀត។

លោកស្រី Kim Yo-jong (រូបថត៖ Sputnik)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ជុំវិញការ​សម្រេច​ចិត្ត​របស់​ប្រធានាធិបតី​អាមេរិក ចូ បៃដិន ដែលយល់ព្រមផ្តល់​ជំនួយ​យោធា​​តម្លៃ​ជិត៨ពាន់​លាន​ដុល្លារបន្ថែមឲ្យទីក្រុងកៀវ, អ្នកស្រី គីម និយាយកាលពីថ្ងៃអាទិត្យទី២៩ខែកញ្ញាឆ្នាំ២០២៤ថា «ការគាំទ្រកាន់តែខ្លាំងឡើងរបស់អាមេរិក ចំពោះយោធាអ៊ុយក្រែន នឹងនាំមកនូវគ្រោះមហន្តរាយនុយក្លេអ៊ែរដល់ពិភពលោក។ ការវិវត្តចុងក្រោយនេះ នឹងគ្រាន់តែធ្វើឲ្យជម្លោះអ៊ុយក្រែនអូសបន្លាយពេល ហើយលើកទឹកចិត្តដល់សកម្មភាពយោធាផ្សងព្រេងរបស់ទីក្រុងកៀវប៉ុណ្ណោះ»។

លើសពីនេះ អ្នកស្រី គីម បានផ្តាំផ្ញើទៅរដ្ឋបាលអាមេរិកថា ពួកគេគួរតែដកមេដឹកនាំអ៊ុយក្រែន វ្ល៉ាឌីមៀរ ហ្សេលេនស្គី ចេញពីអំណាចទៅ ព្រោះគាត់ជាមនុស្សល្ងង់។ គ្រោះមហន្តរាយនឹងចៀសមិនផុតឡើយ លុះត្រាតែភាពឆ្កួតរបស់លោក ហ្សេលេនស្គី ត្រូវបញ្ឈប់។

មិនត្រឹមប៉ុណ្ណឹង អ្នកស្រីថែមទាំងសង្កត់ធ្ងន់ទៀតថា «សហរដ្ឋអាមេរិកនិងលោកខាងលិចមិនគួរព្រងើយកន្តើយឬមើលស្រាលការព្រមានរបស់រុស្ស៊ីឡើយ»។ ត្រង់ចំណុចនេះត្រូវគេដឹងថា អ្នកស្រី ចង់សំដៅទៅគោលការណ៍បាញ់នុយក្លេអ៊ែរថ្មី ដែលលោក ពូទីន ទើបនឹងប្រកាស។

មីស៊ីល (រូបថត៖ Getty)

ប្រធានាធិបតីរុស្ស៊ី បានប្រាប់កិច្ចប្រជុំក្រុមប្រឹក្សាសន្តិសុខជាតិកាលពីថ្ងៃពុធទី២៥ខែកញ្ញាឆ្នាំ២០២៤ថា ទោះប្រទេសគ្មាននុយក្លេអ៊ែរក៏ដោយ ប៉ុន្តែបើពួកគេមានការគាំទ្រពីប្រទេសមាននុយក្លេអ៊ែរឲ្យឈ្លានពានរុស្ស៊ី នោះត្រូវចាត់ទុកថាជាការវាយប្រហាររួមគ្នាហើយ ដូច្នេះទីក្រុងមូស្គូ ក៏អាចបាញ់នុយក្លេអ៊ែរសងសឹកទៅវិញបានដែរ។

បើយោងតាមលោកពូទីន, ទីក្រុងមូស្គូ នឹងក៏ពិចារណាបាញ់នុយក្លេអ៊ែរផងដែរ ប្រសិនបើខ្លួនទទួលបាន ព័ត៌មានដែលអាចទុកចិត្តបានថា រដ្ឋមួយគ្រោងបាញ់មីស៊ីលខ្នាតធំឬការវាយប្រហារអាកាសលើរុស្ស៊ីឬសម្ព័ន្ធមិត្តជិតស្និទ្ធបំផុតរបស់ខ្លួនគឺបេឡារុស។ រុស្ស៊ីនឹងឆ្លើយតប មិនថាសត្រូវប្រើមីស៊ីលផ្លោង យន្តហោះយុទ្ធសាស្ត្រ និងយន្តហោះគ្មានមនុស្សបើកនោះទេ។

ទាំងនេះហើយជាលក្ខខណ្ឌថ្មីដែលត្រូវដាក់បញ្ចូលទៅក្នុងគោលការណ៍នុយក្លេអ៊ែររបស់រុស្ស៊ី។ ទោះបីជាយ៉ាងណាក៏ដោយ លោក ពូទីន មិន​បាន​បញ្ជាក់​លម្អិតទេថាតើ ​ពេល​ណាទើបគោលការណ៍ថ្មីទាំងនេះនឹងត្រូវអនុវត្ត៕

អត្ថបទ៖ សុខ​ សុវណ្ណ

ចុចអាន៖ ប្អូនស្រីលោក គីម៖ ​នាវាមុជ​ទឹក​នុយក្លេអ៊ែរ អាមេរិកដែល​ចត​នៅ​កូរ៉េ​ខាង​ត្បូង ជា​ការ​គំរាមកំហែង

Helistar Cambodia - Helicopter Charter Services
Sokimex Investment Group
ព័ត៌មានជាតិ៥ ម៉ោង មុន

ផ្លូវថ្មើរជើង ៖ រដ្ឋបាល​រាជធានីមិន​អនុញ្ញាត​ឱ្យ​ក្រាល​កន្ទេល លក់ដូរ​លើ​សួន​ច្បារ​ និង​ លើស្មៅទេ

សន្តិសុខសង្គម៦ ម៉ោង មុន

ចត​រថយន្តក្បែរផ្លូវរថភ្លើង​ទៅហូបបាយមួយភ្លែត​ ត្រូវរថភ្លើងបុករុញចូលផ្ទះ

សន្តិសុខសង្គម៨ ម៉ោង មុន

ភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន

កីឡា៨ ម៉ោង មុន

ព្រះ​ខ័ន​រាជ​ស្វាយរៀង បន្ត​ឈរ​កំពូល​តារាងរឹង​មាំ​ ដោយនាំ​មុខពិន្ទុ ភ្នំពេញក្រោន កាន់​តែ​ច្រើន

ព័ត៌មានអន្ដរជាតិ១០ ម៉ោង មុន

​ចំនួន​អ្នក​​​​ស្លាប់​ក្នុងគ្រោះរញ្ជួយដីនៅមីយ៉ាន់ម៉ា​កើនលើស​៣៣០០​នាក់

Sokha Hotels

ព័ត៌មានពេញនិយម