Connect with us

ព័ត៌មានអន្ដរជាតិ

ព្យុះទីហ្វុង ក្រាតធន វាយប្រហារតៃវ៉ាន់ពេញទំហឹង បង្កការបំផ្លិចបំផ្លាញធំធេង

បានផុស

នៅ

កាលពីថ្ងៃព្រហស្បតិ៍ទី៤ខែតុលាឆ្នាំ២០២៤, ព្យុះទីហ្វុង ក្រាតធន (Krathon) បានវាយប្រហារទីក្រុងកំពង់ផែ Kaohsiung របស់កោះតៃវ៉ាន់ យ៉ាងពេញទំហឹងដោយនាំមកជាមួយនូវភ្លៀងធ្លាក់ខ្លាំងនិងខ្យល់កន្រ្តាក់ ហើយបណ្តាលឲ្យមនុស្សចំនួន២នាក់និងរបួសជាង២០០នាក់ ថែមទាំងបង្កការបំផ្លិចបំផ្លាញយ៉ាងធំធេងទៀតផង។

(រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីប្រកាសរបស់​រដ្ឋបាល​អាកាសធាតុ​តៃវ៉ាន់, ព្យុះនេះនាំមកជាមួយកម្លាំងខ្យល់​ល្បឿន១២៦គីឡូម៉ែត្រ​ក្នុង​មួយ​ម៉ោង ហើយ​ខ្យល់កន្ត្រាក់ឈានដល់ ១៦២គីឡូម៉ែត្រ​ក្នុង​មួយ​ម៉ោង ដោយបោកផ្តួលរំលំដើមឈើ​ ហើយបង្កទឹកភ្លៀងជន់លិច​ផ្លូវ ​ជំរុញឲ្យ​បិទ​សាលារៀន និង​អាជីវកម្មមួយចំនួន ខណៈជើងហោះហើរខ្លះក៏ត្រូវផ្អាកសិនដែរ ចំណែកផ្ទះជាង ១០ម៉ឺនខ្នងគ្មានអគ្គិសនីប្រើប្រាស់។

ក្នុងអំឡុងពេលព្យុះនោះ ក៏មានសេចក្តីរាយការណ៍អំពីករណីអគ្គិភ័យឆាបឆេះមន្ទីរពេទ្យក្នុងតំបន់ Pingtung បណ្តាលឲ្យមនុស្សចំនួន៩នាក់ បាត់បង់ជីវិតផងដែរ ប៉ុន្តែគេមិនទាន់ផ្សារភ្ជាប់ហេតុការណ៍នេះទៅជាមួយព្យុះទីហ្វុងក្រាតធននៅឡើយទេ រង់ចាំការស៊ើបអង្កេតសិន។

(រូបថត៖ AP)

ស្របពេលជាមួយគ្នានោះ មនុស្សរាប់ពាន់នាក់ត្រូវជម្លៀសចេញពីតំបន់ងាយរងគ្រោះដោយសារបំណាក់ដីភក់ ខណៈទាហានជិត ៤០ ០០០នាក់ ត្រូវឈរជើងរង់ចាំការជួយសង្គ្រោះក្នុងករណីចាំបាច់ណាមួយ។

រីឯនៅតំបន់ភ្នំនាភាគខាងត្បូងកោះតៃវ៉ាន់ឯណោះវិញ ទឹកភ្លៀងកម្រិតរហូតដល់១៦៩សង់ទីម៉ែត្រ ត្រូវបានកត់ត្រាក្នុងរយៈពេលប្រាំថ្ងៃកន្លងមកនេះ។

(រូបថត៖ AP)

សូមបញ្ជាក់ថា ខ្យល់ព្យុះទីហ្វុង កម្រវាយប្រហារឆ្នេរភាគខាងលិចកោះតៃវ៉ាន់ណាស់ ពោលរាល់ដងធ្លាប់តែបោកបក់នៅតំបន់ជួរភ្នំភាគខាងកើតឯណោះទេ។

គ្រោះធម្មជាតិដែលវាយប្រហារទីក្រុងនេះខ្លាំងបំផុត គឺ​ព្យុះទីហ្វុង Thelma ដែល​​បំផ្លាញ​ទីក្រុង​ក្នុង​ឆ្នាំ១៩៧៧ និង​​បណ្តាល​ឲ្យមនុស្សចំនួន៣៧នាក់​ស្លាប់៕

អត្ថបទ៖ សុខ សុវណ្ណ

ចុចអាន៖ តៃវ៉ាន់ ត្រៀមខ្លួន ខណៈព្យុះទីហ្វុងក្រាតធន នឹងវាយប្រហារចំតំបន់មានប្រជាជនច្រើន

Helistar Cambodia - Helicopter Charter Services
Sokimex Investment Group
នយោបាយ៦ នាទីutes មុន

អ្នកវិភាគ និង​អ្នកឃ្លាំមើល៖ នាយករដ្ឋមន្ត្រី​កម្ពុជា​តែង​ផ្ដល់​អាទិភាព​ខ្ពស់​ ចំពោះ​សុខទុក្ខ​​ប្រជាពលរដ្ឋ

កីឡា១ ម៉ោង មុន

លោក Munoz និយាយពីកីឡាករចំណូលថ្មី ក្រោយរកបាន Hat-trick

សេចក្ដីជូនដំណឹង១ ម៉ោង មុន

កូនខ្មែរដំបូង! បង្កើតចង្វាក់ថ្មី KHMER VIBE កំពូលតារាចម្រៀងឧកញ៉ា ខេមរៈ សិរីមន្ត និងស្ដេចភ្លេង tempo tris បង្កើតស្នាដៃដ៏អស្ចារ្យនេះ

ព័ត៌មានជាតិ២ ម៉ោង មុន

លោក ស៊ូ សុជាតិ៖ ប្រព័ន្ធផ្សព្វផ្សាយឌីជីថល ដើរតួនាទីសំខាន់ជំរុញការអភិវឌ្ឍវិស័យមូលបត្រ

ព័ត៌មានជាតិ២ ម៉ោង មុន

រដ្ឋមន្ត្រី៖ ការផ្សាយព័ត៌មានក្លែងក្លាយ មិនមែនជាសេរីភាពសារព័ត៌មានឡើយ ហើយការផ្សាយបែបនេះ ត្រូវទទួលទោសតាមច្បាប់

ព័ត៌មានអន្ដរជាតិ៣ ម៉ោង មុន

​និស្សិត​ពេទ្យ​​​ដ៏ស្រស់ស្អាត​ជិត​ទទួល​សញ្ញាបត្រ​ ស្លាប់​​ជាមួ​យសមាជិកគ្រួសារ​​ក្នុងអគារ​​​រលំ​​ដោយ​រញ្ជួយដី​

សន្តិសុខសង្គម២១ ម៉ោង មុន

នគរបាល​ឡោមព័ទ្ធ​ខុន​ដូ​មួយ​កន្លែងទាំងយប់ ឃាត់​ជន​បរទេស​ប្រុសស្រីជាង ១០០នាក់

ព័ត៌មានជាតិ៣ ម៉ោង មុន

ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ

រថភ្លើង
ចរាចរណ៍១២ ម៉ោង មុន

រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល

ព័ត៌មានអន្ដរជាតិ៩ ម៉ោង មុន

ផ្ទុះ​បំពង់បង្ហូរ​ឧស្ម័ន​នៅ​ម៉ាឡេស៊ី បណ្ដាល​ឲ្យ​របួស​មនុស្ស​២៥​នាក់

Sokha Hotels

ព័ត៌មានពេញនិយម