ព័ត៌មានអន្ដរជាតិ

តៃវ៉ាន់រងគ្រោះដោយសារទាំងព្យុះនិងភ្លើងដែលសម្លាប់មនុស្សយ៉ាងតិច៩នាក់

បានផុស

៤ ខែ មុន

នៅ

ថ្ងៃសុក្រ ៤ តុលា ២០២៤

ដោយ

សារព័ត៌មាន AP បានផ្សាយនៅថ្ងៃទី៤ខែកញ្ញានេះថា អគ្គីភ័យឆាបឆេះមន្ទីរពេទ្យមួយនៅភាគខាងត្បូងកោះតៃវ៉ាន់បានសម្លាប់មនុស្សយ៉ាងតិចប្រាំបួននាក់កាលពីថ្ងៃព្រហស្បតិ៍ ខណៈដែលកោះនេះកំពុងរងការវាយប្រហារដោយព្យុះទីហ្វុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គីភ័យឆេះមន្ទីរពេទ្យនេះ បានកើតឡើងនៅក្នុងស្រុក Pingtung ខណៈដែលកោះនេះកំពុងរងការវាយប្រហារយ៉ាងខ្លាំងដោយព្យុះទីហ្វុង Krathon ដោយមានភ្លៀងធ្លាក់ខ្លាំង និងខ្យល់បក់បោកយ៉ាងខ្លាំង ហើយបានធ្វើឱ្យផ្នែកខ្លះនៃសេវាកម្មនៅលើកោះត្រូវផ្អាក។

ទាហានមកពីមូលដ្ឋានទ័ពក្បែរនោះត្រូវបានកេណ្ឌទៅជួយបុគ្គលិកពេទ្យនិងអ្នកពន្លត់អគ្គិភ័យក្នុងការជម្លៀសអ្នកជំងឺនិងពន្លត់ភ្លើង។ ក្នុងនោះអ្នកជំងឺ១៧៦នាក់ត្រូវបានបញ្ជូនទៅរថយន្តសង្គ្រោះបន្ទាន់ ខណៈពេលនោះក៏កំពុងមានភ្លៀងធ្លាក់ខ្លាំង។

តៃវ៉ាន់បានធ្វើឱ្យមានការវិវឌ្ឍគួរឱ្យកត់សម្គាល់ក្នុងការការពារភ្លើងឆេះកន្លែងសាធារណៈក្នុងរយៈពេលប៉ុន្មានឆ្នាំចុងក្រោយនេះ ដោយការហាមឃាត់ការជក់បារី និងជំរុញការអនុវត្តច្បាប់គ្រប់គ្រងអគារ។ ហេតុការណ៍បែបនេះក៏កម្រកើតមានដែរ ខណៈអ្នកដែលបានស្លាប់នៅក្នុងហេតុការណ៍នេះគឺភាគច្រើនដោយសាររតែស្រូបផ្សែងហុយចេញពីភ្លើង។ ជាមួយគ្នានេះមូលហេតុនៃការឆាបឆេះកំពុងស្ថិតនៅក្រោមការស៉ើបអង្គេតនៅឡើយ។

គួរបញ្ជាក់ថា ព្យុះទីហ្វុង Krathon បានធ្វើឲ្យមានបំណាក់ដីនៅក្នុងទីក្រុងកំពង់ផែសំខាន់ Kaohsiung ដោយមានខ្យល់បក់ក្នុងល្បឿន១២៦ គីឡូម៉ែត្រក្នុងមួយម៉ោង ជាមួយនឹងខ្យល់កាន់តែខ្លាំង។ នេះបើយោងតាមអាជ្ញាធរអាកាសធាតុរបស់តៃវ៉ាន់។ ព្យុះទីហ្វុងនេះ បានបោកបក់ផ្នែកភាគខាងកើត និងភាគខាងត្បូងនៃកោះនេះក្នុងរយៈពេលប្រាំថ្ងៃចុងក្រោយនេះ ដោយបង្ខំឱ្យមនុស្សរាប់ពាន់នាក់ត្រូវជម្លៀសចេញពីតំបន់ភ្នំ ឬតំបន់ទំនាប។

រដ្ឋបាលអាកាសធាតុបានកំណត់ឱ្យអ្នកស្រុក Kaohsiung និង Pingtung មិនត្រូវចេញទៅខាងក្រៅ នៅពេលដែលមានខ្យល់ព្យុះឆ្លងកាត់ពីលើតំបន់របស់ពួកគេ ខណៈទឹកជំនន់ និងខ្យល់បក់ខ្លាំងបានបង្កការខូចខាតយ៉ាងច្រើនដល់ឧស្សាហកម្មនានានិងការនេសាទរ។ ព្យុះនេះបានកាត់ផ្តាច់ផ្លូវដឹកជញ្ជូន និងបណ្តាញអគ្គិសនី៕