ព័ត៌មានអន្ដរជាតិ

កូរ៉េខាងត្បូង៖ គ្រាន់តែប៉ះដៃគ្នាចៃដន្យសោះ ស្រ្តីវ័យ២០ឆ្នាំម្នាក់ វាយក្មេងអាយុ៣ឆ្នាំ និងយាយអាយុ៦០យ៉ាងព្រៃផ្សៃ

បានផុស

៥ ខែ មុន

នៅ

ថ្ងៃសៅរ៍ ៥ តុលា ២០២៤

ដោយ

មានសេចក្តីរាយការណ៍ថា កុមារម្នាក់និងស្ត្រីវ័យចំណាស់អាយុ៦០ឆ្នាំ ត្រូវបានគេវាយដំយ៉ាងឃោរឃៅដោយអ្នកដំណើរស្រីនៅលើឡានក្រុងក្នុងទីក្រុង Busan ដោយគ្រាន់តែដៃរបស់ពួកគេប៉ះដោយចៃដន្យ។ នេះបើយោងតាមការចេញផ្សាយរបស់ Allkpop នៅថ្ងៃទី៤ខែកញ្ញានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី២ខែតុលា មានការបង្ហោះមួយដែលមានចំណងជើងថា៖«Busan Busan Child and Elderly Assault Incident» ត្រូវបានបង្ហោះទៅកាន់សហគមន៍អនឡាញ។ នៅក្នុងការបង្ហោះនោះ បានរៀបរាប់ថា ស្ត្រីម្នាក់ដែលត្រូវបានគេស្គាល់ថា ជា «A» ជាម្តាយមានកូនពីរនាក់ បានពន្យល់ពីស្ថានភាពថា៖«តាំងពីប្ដីខ្ញុំនិងខ្ញុំទាំងពីរធ្វើការ ម្ដាយក្មេកខ្ញុំដែលតែងតែជួយមើលថែកូនទីពីរបស់ខ្ញុំ។ លុះថ្ងៃទី២តុលា ហេតុការណ៍នេះបានកើតឡើង ខណៈនាងត្រឡប់មកផ្ទះវិញដើម្បីបញ្ជូនកូនទៅសាលាមត្តេយ្យ»។

យោងតាម «A» ម្តាយក្មេករបស់នាងបានឡើងឡានក្រុងលេខ ៧៧ របស់ទីក្រុងប៊ូសាននៅម៉ោងប្រហែល៨:២០ព្រឹកជាមួយចៅអាយុ៣ឆ្នាំដែលជារបស់ A។ ពួកគេអង្គុយនៅកៅអីសម្រាប់មនុស្សពីរនាក់ ដោយម្តាយក្មេករបស់ខ្ញុំកាន់កូនខ្ញុំនៅលើភ្លៅ ខណៈស្ត្រីម្នាក់អាយុ២០ឆ្នាំអង្គុយក្បែរពួកគាត់។

A ពន្យល់ថា៖ «ខណៈពេលដែលម្តាយក្មេករបស់ខ្ញុំកំពុងទាញជើងកូនខ្ញុំឲ្យត្រង់ ដៃរបស់គាត់បានប៉ះស្ត្រីដែលនៅក្បែរគាត់ដោយចៃដន្យ ស្ត្រីនោះបានដាល់កូនខ្ញុំចំមុខ ដោយមិនឈប់ឈរ និងទះកំផ្លៀងកូនខ្ញុំម្តងហើយម្តងទៀត»។

A បានបន្តទៀតថា «ច្រមុះរបស់កូនខ្ញុំចាប់ផ្តើមចេញឈាមតាមរន្ធច្រមុះទាំងសងខាង។ ម្តាយក្មេករបស់ខ្ញុំបានការពារមុខកូនខ្ញុំដោយដៃទាំងពីរ ប៉ុន្តែស្ត្រីនោះបានវាយដៃរបស់គាត់មួយដៃ ហើយខាំគាត់រហូតឡានក្រុងឈប់ ហើយអ្នកដំណើរផ្សេងទៀត បានចូលទៅរារាំងការវាយប្រហារនេះ និងបានរាយការណ៍ទៅអាជ្ញាធរ»។

ស្ត្រីជនដៃដល់បានគេស្គាល់ថាជា B ត្រូវបានបញ្ជូនទៅកាន់ប៉ុស្តិ៍ប៉ូលិសមូលដ្ឋាន។ A សម្តែងការខឹងសម្បារ និងមិនជឿដោយនិយាយថា« តើនរណានឹកស្មានមិនដល់ថា ស្ត្រីវ័យក្មេងមិនត្រឹមតែវាយកូនក្មេងទេ ថែមទាំងវាយស្ត្រីចំណាស់ទៀតផង ខ្ញុំកំពុងញ័រដោយកំហឹង ហើយខ្ញុំមានអារម្មណ៍សោកស្តាយចំពោះភាពភ័យខ្លាចដែលពួកគាត់បានជួបប្រទះ»។

A បានបន្ថែមថា៖«ម្តាយក្មេកខ្ញុំស្រក់ទឹកភ្នែកដោយនិយាយថា ប្រសិនបើអ្នករួមដំណើរស្រីម្នាក់មិនបានអន្តរាគមន៍យ៉ាងសកម្មទេ ស្ថានភាពអាចនឹងកាន់តែអាក្រក់ទៅៗ ខ្ញុំសូមថ្លែងអំណរគុណយ៉ាងជ្រាលជ្រៅចំពោះអ្នកដែលបានរាយការណ៍ និងអ្នករាល់គ្នាដែលបានជួយ អ្នកគឺជាអ្នកសង្គ្រោះជីវិតដល់គ្រួសាររបស់ខ្ញុំ»។

ទោះបីជាឧបទ្ទវហេតុត្រូវបានដោះស្រាយដោយមានការជួយពីអ្នកឈរមើលក៏ដោយ A កត់សម្គាល់ថាជនល្មើសមិនបានបង្ហាញសញ្ញាដឹងខុសទេ។

A បាននិយាយថា៖«B បានអះអាងថាកូនខ្ញុំកំពុងរំខាននាង ហើយនិយាយថា នាងមានបញ្ហាគ្រប់គ្រងកំហឹង ហើយនាងមិនបានសុំទោសម្តងទេ»។ A បានបញ្ចប់ថា៖«ខ្ញុំខឹងខ្លាំងពេក គ្មានពាក្យអ្វីត្រូវបញ្ចេញទេ ម្តាយក្មេករបស់ខ្ញុំ ដែលមិនអាចសូម្បីតែការពារខ្លួនពេលការពារកូនខ្ញុំ ខ្ញុំមិនទុករឿងនេះចោលទេ ហើយខ្ញុំធានាថា B នឹងប្រឈមនឹងផលវិបាក»។

ពាក់ព័ន្ធបញ្ហានេះអ្នកនិយមលេងអ៊ីនធឺណិតជាច្រើនបានឆ្លើយទាំងកំហឹងដោយនិយាយដូចជា «បញ្ហាគ្រប់គ្រងកំហឹង? តើនាងនឹងប្រព្រឹត្តដូចគ្នាដែរឬទេ បើបុរសធំមកអង្គុយក្បែរនាង? និង ប្រសិនបើអ្នកមិនចូលចិត្តក្មេងដែលរំខាន គ្រាន់តែផ្លាស់ទីកៅអី ហេតុអ្វីបានជាវាយគេ?»

អ្នកនិយមលេងអ៊ីនធឺណិតផ្សេងទៀត បានបញ្ចេញមតិថា៖«អឺ ខ្ញុំគ្រាន់តែចង់ដាល់ស្ត្រីនោះចំមុខ» ខ្លះទៀតថា «សូមលាតត្រដាងអត្តសញ្ញាណរបស់នាង ព្រោះវាជាមធ្យោបាយតែមួយគត់ដែលខ្ញុំអាចការពារកូនរបស់ខ្ញុំពីមនុស្សស្រីឆ្កួតៗដូចនាង!»។ ចំណែកអ្នកខ្លះទៀតថា «នាងគួរតែត្រូវបានដាក់គុកដើម្បីដោះស្រាយបញ្ហាកំហឹង»៕