ព័ត៌មានអន្ដរជាតិ

ព្យុះ Helene ទំនងរុញប្រជាប្រិយភាពលោកស្រី ហារីសខ្ពស់ជាងលោកដូ ណាល់ត្រាំ

បានផុស

៥ ខែ មុន

នៅ

ថ្ងៃសុក្រ ៤ តុលា ២០២៤

ដោយ

ការបោះឆ្នោតសហរដ្ឋអាមេរិកនៅសល់ត្រឹមតែ១ខែទៀតប៉ុណ្ណោះ ប៉ុន្តែឥទ្ធិពលព្យុះសង្ឃរា Helene ដែលសម្លាប់មនុស្ស ជាង២០០នាក់ អាចនឹងក្លាយទៅជាកត្តាសំខាន់ក្នុងការគំណត់ជោគវាសនារបស់បេក្ខភាពប្រធានាធិបតីសហរដ្ឋអាមេរិកគឺអនុប្រធានាធិបតី កាម៉ាឡា ហារីស មកពីគណបក្សប្រជាធិបតេយ្យ ឈានមុខធៀបអតីតប្រធានាធិបតី ដូណាល់ ត្រាំ តំណាងគណបក្សសាធារណៈរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបោះឆ្នោតប្រធានាធិបតីនៅសហរដ្ឋអាមេរិកនឹងប្រព្រឹត្តទៅនៅថ្ងៃទី៥ខែវិច្ឆិកាខាងមុខនេះ ខណៈពេលដែលលទ្ធផលស្ទង់មតិបោះឆ្នោតសម្រាបការគាំទ្របេក្ខជនទាំងពីរនៅតែប្រកៀកប្រកិតគ្នា។ ក៏ប៉ុន្តែក៏មានសេចក្តីរាយការណ៍ខ្លះថា ព្យុះសង្ឃរា Helene ដែលប៉ះពាល់រដ្ឋរហូតដល់ទៅ៦ និងបានក្លាយជាខ្យល់ព្យុះដ៏សាហាវបំផុតមួយនៅក្នុងសហរដ្ឋអាមេរិក យ៉ាងហោចណាស់ចាប់តាំងពីការបង្កើតឡើងនៃការព្យាករណ៍អាកាសធាតុសម័យទំនើប។

មានអ្នកស្លាប់យ៉ាងហោចណាស់ ២១៣នាក់ នៅក្នុងរដ្ឋចំនួន៦ដែលជាលទ្ធផលនៃព្យុះនេះ ដែលទឹកជំនន់ ខ្យល់ និងព្យុះបានធ្វើឱ្យសហគមន៍ជន់លិចពីភាគអាគ្នេយ៍ទៅភាគខាងត្បូងនៃតំបន់ជួរភ្នំ Appalachians។ នេះបើយោងតាមចុះផ្សាយរបស់ The Washinton Post នៅថ្ងៃទី៤ខែតុលា។

មនុស្សជាច្រើននៅតែមិនទាន់ត្រូវបានកំណត់ចំនួននៅឡើយ ស្របពេលដែលក្រុមមន្ត្រីបាននិយាយថា ពួកគេរំពឹងថា ចំនួនអ្នកស្លាប់នឹងកើនឡើង ដោយសារតែកិច្ចខិតខំប្រឹងប្រែងស្វែងរក និងប្រតិបត្តិការជួយសង្គ្រោះនៅតែបន្ត។

ប្រតិបត្តិការជួយសង្គ្រោះក្នុងព្យុះដ៏សាហាវនេះបានអូសបន្លាយជាច្រើនថ្ងៃ ស្របនឹងឥទ្ធិពលព្យុះនៅតែបន្ត បានហាក់បានជួយលើកកម្ពស់ប្រជាប្រិយភាពរបស់លោកស្រី កាម៉ាឡា ហារីស តាមរយៈការងាររដ្ឋាភិបាលលោក ចូ បៃដិន និង លោកស្រី ហារីស កំពុងតែដឹកនាំ។

ចំនួនអ្នកស្លាប់ដែលបានធ្វើបច្ចុប្បន្នភាពកើនឡើងទ្វេដងនូវអ្វីដែលមន្ត្រីបានរាយការណ៍ពីមុនមក នៅពេលដែលប្រធានាធិបតី ចូ បៃដិន បានទៅទស្សនាតំបន់ដែលរងការខូចខាតដោយព្យុះក្នុងរដ្ឋផ្លរីដា ហើយអនុប្រធានាធិបតី កាម៉ាឡា ហារីស បានធ្វើដំណើរដាច់ដោយឡែកមួយទៅកាន់ Georgia កាលពីថ្ងៃព្រហស្បតិ៍។

លោកស្រី ហារីស ជួបពិភាក្សាជាមួយអាជ្ញាធរមូលដ្ឋាននៅរដ្ឋ Georgia។ FB/Harris

យោង ALJAZEERA ដំណើរទស្សនកិច្ចដាច់ដោយឡែករបស់ប្រធានាធិបតីសហរដ្ឋអាមេរិក លោក ចូ បៃដិន និងអនុប្រធានាធិបតី បានកើតឡើងបន្ទាប់ពីអតីតប្រធានាធិបតីលោក ដូណាល់ ត្រាំ ដែលជាបេក្ខជនមកពីគណបក្សសាធារណរដ្ឋនៅក្នុងការបោះឆ្នោតប្រធានាធិបតីអាមេរិកនាពេលខាងមុខ បានធ្វើការអះអាងខុសអំពីការឆ្លើយតបរបស់រដ្ឋបាលដោយចោទប្រកាន់ថា បានដកជំនួយពីតំបន់សាធារណៈរដ្ឋ។

លោកស្រី ហារីស កំពុងស្ថិតក្រោមការតាមដានយកចិត្តទុកដាក់យ៉ាងដិតដល់ នៅពេលដែលកិច្ចខិតខំប្រឹងប្រែងរបស់នាងសម្រាប់កៅអីសេតវិមានបានឈានចូលដល់ទីទាល់ ហើយដោយសារព្យុះ Helene បានធ្វើឱ្យលោកស្រីមានឱកាស ឈានជើងចូលដល់រដ្ឋ Georgia និង North Carolina ជាទីដែលយគណបក្សសាធារណ៖តែងតែឈ្នះ៕

ដោយ រ៉ាន់ រើយ