ព័ត៌មានអន្ដរជាតិ
ប៉ូលិសថៃ រកឃើញហើយ! មូលហេតុនាំឲ្យឆេះរថយន្តដឹកសិស្ស
ទីបំផុត ប៉ូលិសថៃ បានសន្មត់ថា ករណីឆេះរថយន្តដឹកសិស្សដែលឆក់យកជីវិតក្មេងៗចំនួន២០នាក់និងគ្រូបង្រៀន៣នាក់កាលពីថ្ងៃអង្គារទី១ខែតុលាឆ្នាំ២០២៤ គឺបណ្តាលមកពីធ្លាយហ្គាស់ មិនមែនផ្ទុះកង់ដូចការអះអាងរបស់តៃកុងនោះទេ។ នេះបើតាមការចុះផ្សាយរបស់ Bangkok Post នៅថ្ងៃសៅរ៍ទី៥ខែតុលាឆ្នាំ២០២៤។
![](https://www.kampucheathmey.com/wp-content/uploads/2024/10/image-96.png)
តាមការរកឃើញរបស់ប៉ូលិស, មានធុងហ្គាស់ចំនួន១១ធុង ត្រូវបានច្នៃដាក់ក្នុងរថយន្ត ប៉ុន្តែក្នុងនោះមានតែ៦ធុងប៉ុណ្ណោះដែលត្រូវបានចុះបញ្ជីត្រឹមត្រូវខណៈ៥ធុងទៀត ត្រូវគេលួចដាក់។
លោក Chirute Visalachitra អគ្គនាយកនៃនាយកដ្ឋានដឹកជញ្ជូនផ្លូវគោក បានប្រាប់អ្នកសារព័ត៌មានថា តាមការរកឃើញ, ហ្គាស់គឺធ្លាយចេញពីធុងមួយ ដែលមិនមានការចុះបញ្ជីនិងមិនត្រូវបានត្រួតពិនិត្យដោយវិស្វករ ខណៈបច្ចុប្បន្ន ប៉ូលិសកំពុងធ្វើការជាមួយនាយកដ្ឋាន ដើម្បីកំណត់ថាអ្នកណាជាអ្នកទទួលខុសត្រូវលើរឿងនេះ។
![](https://www.kampucheathmey.com/wp-content/uploads/2024/10/image-99-1024x768.png)
ស្របពេលជាមួយគ្នានោះ បើតាមការបញ្ជាក់ពីរដ្ឋមន្ត្រីក្រសួងដឹកជញ្ជូន លោក Suriya Jungrungreangkit, អាជ្ញាធរថៃ បានរឹបអូសយករថយន្តដឹកអ្នកដំណើរចំនួន៥គ្រឿងទៀតពីក្រុមហ៊ុនទេសចរណ៍ Shinbutr Tour ដែលជាម្ចាស់រថយន្តដែលឆេះ បន្ទាប់ពីរកឃើញថា រថយន្តនីមួយៗ សុទ្ធតែមានដំឡើងធុងហ្គាស់ដល់ទៅ១១ ខណៈច្បាប់កំណត់ត្រឹម៦ធុងប៉ុណ្ណោះ។
លោកបញ្ជាក់ថា ក្រុមហ៊ុនមិនបានបញ្ជូនរថយន្តទៅការិយាល័យដឹកជញ្ជូនផ្លូវគោកក្នុងខេត្ត Lop Buri ដើម្បីធ្វើការពិនិត្យទេ ដូច្នេះមន្ត្រីក៏ប្រើ GPS ដើម្បីតាមដាន ហើយរកឃើញរថយន្តនៅការ៉ាសមួយកន្លែងក្នុងខេត្ត Nakhon Ratchasima។ ពេលមន្ត្រីទៅដល់ គេបានឃើញជាងឡានកំពុងដកធុងហ្គាស់ចេញពីរថយន្តទាំង៥គ្រឿងនោះ ទើបឈានដល់ការរឹបអូសតែម្តង។
![](https://www.kampucheathmey.com/wp-content/uploads/2024/10/image-98.png)
លោកសង្កត់ធ្ងន់ថា នឹងមានការចោទប្រកាន់ទៅលើក្រុមហ៊ុននិងអ្នកពាក់ព័ន្ធការកែច្នៃខុសច្បាប់នេះ ហើយអាជ្ញាធរនឹងកំណត់ថា តើយានដ្ឋានត្រូវប្រឈមនឹងវិធានការផ្លូវច្បាប់ឬអត់។ លើសពីនេះ នាយកដ្ឋានដឹកជញ្ជូនផ្លូវគោកប្រកាសថា ខ្លួននឹងត្រួតពិនិត្យយានយន្តប្រើហ្គាស់ទាំង ១៣ ៤២៦គ្រឿងនៅទូទាំងប្រទេសក្នុងរយៈពេល៦០ថ្ងៃ។
សូមបញ្ជាក់ជាថ្មី រថយន្តក្រុងនេះមានដឹកសិស្សតូចៗចំនួន៣៨នាក់ និងគ្រូ៦នាក់ មកពីសាលា Wat Khao Praya Sangkharam ក្នុងស្រុក Lan Sak នៃខេត្ត Uthai Thani ធ្វើដំណើរក្នុងល្បឿន ៧០-៨០ គីឡូម៉ែត្រក្នុងមួយម៉ោង នៅពេលជួបហេតុការណ៍ដ៏រន្ធត់លើផ្លូវ Vibhavadi Rangsit ជិតផ្សារទំនើប Zeer Rangsit ក្នុងស្រុក Lam Luk Ka៕
អត្ថបទ៖ សុខ សុវណ្ណ
ចុចអាន៖ ប៉ូលិសថៃ រកឃើញតម្រុយបណ្តាលឲ្យឆេះរថយន្តដឹកសិស្ស, មិនមែនដោយសារផ្ទុះកង់ទេ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១២ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច