ព័ត៌មានអន្ដរជាតិ

ខេត្ត៥និងក្រុងបាងកកនឹងត្រូវជន់លិចក្នុងរយៈពេល១សប្តាហ៍ទៀត

បានផុស

១០ ម៉ោង មុន

នៅ

ថ្ងៃសៅរ៍ ៥ តុលា ២០២៤

ដោយ

យោងតាមការផ្សាយរបស់សារព័ត៌មានថៃ Khaosod English ខេត្ត៥របស់ប្រទេសថៃនៅតាមបណ្តោយដងទន្លេចៅប្រាយ៉ា (Chao Phraya) រួមទាំងទីក្រុងបាងកកផង នឹងត្រូវជន់រយៈពេល១សប្តាហ៍ទៀត ខណៈពេលនេះខេត្តមួយចំនួននៅភាគខាងជើងប្រទេសថៃ ដូចជាខេត្តឈៀងម៉ៃ ខេត្តឈៀរ៉ៃជាដើមបានរងគ្រោះដោយសារទឹកជំនន់ដ៏ខ្លាំង។

ការលិចតាមដងទន្លេចៅប្រាយ៉ាកាលឆ្នាំ២០១១។ រូបថត Daniel Julie

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខេត្តចំនួនប្រាំដែលត្រូវបានគេជឿថានឹងរងឥទ្ធិពលទឹកជំនន់ទន្លេចៅប្រាយ៉ា រួមមាន ខេត្តSuphan Buri ខេត្ត Ayutthaya ខេត្ត Chai Nat ខេត្ត Nakhon Pathom និង ខេត្តSamut Prakarn និងទីក្រុងបាងកកក៏រងសម្ពាធខ្លាំងក្នុងការលិចលងផងដែរ ខណៈរដ្ឋមន្ត្រីសន្តិសុខសង្គមលោក Varawut Silpa-archa កាលពីថ្ងៃសៅរ៍ បានបញ្ជាឱ្យសាងសង់ជំរកបណ្តោះអាសន្ន១៧កន្លែងសម្រាប់ត្រៀមជម្លៀសអ្នកលិចលង់។

នៅប៉ុន្មានម៉ោងទៀតពីពេលនេះ ទំនប់ចៅប្រាយ៉ានឹងត្រូវចាប់ផ្តើមបញ្ចេញទឹកបន្ថែមទៀតក្នុងចន្លោះពី ២០០០ ទៅ ២៤០០ ម៉ែត្រគុបក្នុងមួយវិនាទី។

ខេត្តជាច្រើននៅភាគខាងជើងប្រទេសថៃបានទទួលរងការលិចលង់រយៈពេល១ខែ ដោយចាប់ផ្តើមពីដើមខែកញ្ញាដោយសារឥទ្ធិពលព្យុះយ៉ាក់ជីកាលពេលនោះបណ្តាលឱ្យមានទឹកជំនន់រហ័សបណ្តាលឱ្យមានស្លាប់និងរបួសរាប់រយនាក់ ព្រមទាំងខូចខាតហេដ្ឋារចនាសម្ព័ន្ធរាប់ពាន់លានដុល្លារ៕

ដោយ រ៉ាន់ រើយ