១ភាគ៤ នៃប្រទេសថៃ កំពុងរងគ្រោះដោយទឹកជំនន់

តាមការបញ្ជាក់ពីនាយកដ្ឋានបង្ការនិងកាត់បន្ថយគ្រោះមហន្តរាយថៃ និងត្រូវចុះផ្សាយដោយ​កាសែត Bangkok Post នៅថ្ងៃអង្គារទី៨ខែតុលាឆ្នាំ២០២៤, គិតត្រឹមពេលនេះ ខេត្តចំនួន១៩នៅតែបន្តរងការវាយប្រហារដោយគ្រោះទឹកជំនន់ ពោលគឺស្មើនឹង១ភាគ៤នៃប្រទេស។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខេត្តទាំងនោះរួមមាន Chiang Rai, Chiang Mai, Lamphun, Lampang, Tak, Phitsanulok, Nakhon Sawan, Sukhothai, Udon Thani, Kalasin, Chaiyaphum, Maha Sarakham, Ubon Ratchathani, Sing Buri, Suphan Buri, Ang Thong, Ayutthaya, Nakhon Pathom និង Songkhla ហើយជាលទ្ធផល ទឹកជំនន់បានបង្កទុក្ខលំបាកដល់មនុស្សជាង ៦៦ ២០២គ្រូសារនិង ជន់លិចភូមិចំនួន ១ ៥៥៦ ក្នុង៦៥ស្រុក។

ស្របពេលជាមួយគ្នានោះ នាយកដ្ឋានឧតុនិយមថៃ បានចេញការព្រមានអំពីទឹកជំនន់រហ័សនិងគ្រោះបំណាក់ដីបន្ថែមទៀតនៅភាគខាងកើតនិងខាងត្បូង ចំណែកឯនៅទីក្រុងបាងកក ក៏នឹងមានព្យុះភ្លៀងលាយឡំផ្គររន្ទះផងដែរ។

លើសពីនេះអ្នកដើរសមុទ្រត្រូវណែនាំឲ្យផ្អាកចេញទូកសិន ព្រោះរលក​សមុទ្រ​ Andaman និង​ឈូង​សមុទ្រ​ថៃ អាចធំៗនិងមានកម្ពស់ខ្ពស់។

សូមបញ្ជាក់ថា បើគិតចាប់តាំងពីថ្ងៃ១៦ខែសីហាដល់ថ្ងៃទី៧ខែតុលា គ្រោះទឹកជំនន់ បានវាយប្រហារខេត្តថៃចំនួន៤៤ ប៉ះពាល់ដល់មនុស្ស ២៤១ ៤៨២គ្រួសារ ហើយក្នុងនោះក៏សម្លាប់មនុស្ស៥២នាក់ផងដែរ ខណៈ២៨នាក់ទៀតរងរបួស៕

អត្ថបទ៖ សុខ សុវណ្ណ

ចុចអាន៖ ថៃ ព្រមានពីជំនន់រហ័ស និងគ្រោះបំណាក់ដី ចំណែក បាងកក នឹងមានព្យុះភ្លៀងផ្គររន្ទះ