ព័ត៌មានអន្ដរជាតិ
បៃដិននិងនេតាន់យ៉ាហ៊ូសន្ទនាគ្នា ប៉ុន្មានថ្ងៃក្រោយសង្ស័យអ៊ីរ៉ង់ធ្វើតេស្តនុយក្លេអ៊ែរក្រោមដី
ប្រធានាធិបតីសហរដ្ឋអាមេរិក លោក ចូ បៃដិន និងនាយករដ្ឋមន្ត្រីអ៊ីស្រាអែល លោក បេនចាមីន នេតាន់យ៉ាហ៊ូ កំណត់ពេលពិភាក្សាគ្នានៅថ្ងៃនេះ បន្ទាប់ពីការខកខាននិយាយអស់រយៈពេលច្រើនសប្តាហ៍ និងនៅក្រោយតែប៉ុន្មានថ្ងៃនៃហេតុដែលត្រូវបានដាក់ការសង្ស័យថា«ជាការសាកល្បងអាវុធនុយក្លេអ៊ែរក្រោមដីរបស់អ៊ីរ៉ង់»។
សារព័ត៌មាន Times of Israel បានផ្សាយផ្ទាល់នូវចំណងជើងធំៗថា៖«នេតាន់យ៉ាហ៊ូ និង បៃដិន កំណត់ជជែកពិភាក្សាគ្នាស្តីពីអ៊ីរ៉ង់នៅថ្ងៃនេះ បន្ទាប់ពីមិនបាននិយាយគ្នាអស់រយៈពេលជាច្រើនសប្តាហ៍»។
ទោះបីជាបែបណាក្តី សារព័ត៌មានរបស់ប្រទេសអ៊ីស្រាអែលដដែលនេះមិនបានបង្ហាញព័ត៌មានលម្អិតណាមួយក្រៅពីនេះទេ។
កាលថ្ងៃទី៥តុលាកន្លងទៅ មានហេតុការណ៍រញ្ជួយដីមួយដែលមានកម្លាំង៤,៦រ៉ិចទ័រ ដែលបានរង្គើដលខេត្ត Semnan របស់ប្រទេសអ៊ីរ៉ង់ ដែលបង្កឲ្យមានការសង្ស័យអំពីថាតើ ការញ័ររញ្ជួយនោះជារឿងធម្មជាតិឬក៏ជាលទ្ធផលនៃការធ្វើតេស្តសាកល្បងនុយក្លេអ៊ែរយ៉ាងសម្ងាត់។
ភាពតានតឹងរវាងអ៊ីរ៉ង់និងអ៊ីស្រាអែលនៅកម្រិតខ្ពស់បំផុតនាពេលនេះ បានធ្វើឱ្យតំបន់មជ្ឈិមបូព៌ាទាំងមូលស្ថិតនៅមាត់ជ្រោះនៃសង្គ្រាមរាលដាលកាន់តែខ្លាំង ស្របពេលដែលអ៊ីស្រាអែលបន្តវាយប្រហារក្រុមសកម្មប្រយុទ្ធនានាដែលគាំទ្រដោយប្រទេសអ៊ីរ៉ង់នៅក្នុងប្រទេស លីបង់ យេម៉ែន ស៊ីរី អ៊ីរ៉ាក់ និង នៅតំបន់ហ្គាហ្សា។
យោងតាមមជ្ឈមណ្ឌលរញ្ជួយដីអឺរ៉ុប-មេឌីទែរ៉ាណេ (EMSC) ការញ័ររញ្ជួយដីដែលមានជម្រៅ១០គីឡូម៉ែត្រក្នុងដី ដែលមានចំណាយ៤៤គីឡូម៉ែត្រ។ ទោះបីយ៉ាងណា ការរញ្ជួយដីដ៏កម្រនេះនៅប្រទេសអ៊ីរ៉ង់ចំពេលមានការតានតឹងបែបនេះ បានធ្វើឲ្យអន្តរជាតិមានក្តីព្រួយបារម្ភជាខ្លាំង។
ជាមួយគ្នានេះ ប្រមុខដឹកនាំនៃប្រទេសរុស្ស៊ី គឺលោក វ៉្លាឌីមៀ ពូទីន ក៏គ្រោងជួបពិភាក្សាដោយផ្ទាល់ជាមួយប្រធានាធិបតីអ៊ីរ៉ង់ លោក Masoud Pezeshkian ជាលើកដំបូងនៅឯវេទិកាមួយនៅប្រទេសTurkmenistan.ក្នុងតំបន់អាស៊ីកណ្តាលនៅថ្ងៃសុក្រខាងមុខនេះ។
រុស្ស៊ីបានចាប់ដៃអ៊ីរ៉ង់ជាប់សម្រាប់កិច្ចសហប្រតិបត្តិការយោធាយ៉ាងស៊ីជម្រៅ ចាប់តាំងពីខ្លួនបានឈ្លានពានអ៊ុយក្រែនកាលពីដើមឆ្នាំ២០២២ ដោយអ៊ីរ៉ង់បានផ្គត់ផ្គង់សព្វាវុធ និងយន្តហោះគ្មានមនុស្សបើកទៅដល់ភាគីរុស្ស៊ីសម្រាប់ប្រយុទ្ធនៅសមរភូមិនៅអ៊ុយក្រែនដែលមានអាមេរិកនិងអឺរ៉ុបនៅគាំទ្រនោះ៕
ស្ពានឬស្សីកោះប៉ែន ត្រៀមស្វាគមន៍ភ្ញៀវទេសចរឆ្លងឆ្នាំសកល
បំណែកវត្ថុបុរាណជាច្រើន ត្រូវបានអ្នកជំនាញអភិរក្សជួសជុលឱ្យរឹងមាំឡើងវិញ
លោក ស៊ាន បូរ៉ាត និងលោក ស ថាវី ត្រូវបានតុលាការកោះហៅចូលបំភ្លឺលើសំណុំរឿងក្រុមហ៊ុនអតីតឧកញ៉ា ឡេង ចាន់ណា
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
ស្ពានឬស្សីកោះប៉ែន ត្រៀមស្វាគមន៍ភ្ញៀវទេសចរឆ្លងឆ្នាំសកល
-
សន្តិសុខសង្គម៤ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ២ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ២ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៧ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៦ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៥ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ២ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»
-
សេដ្ឋកិច្ច៧ ថ្ងៃ agoតម្លៃពោតក្រហម និងដំឡូងមីធ្លាក់ចុះ នៅចំពេលរដូវប្រមូលផល