ព័ត៌មានអន្ដរជាតិ
ពលរដ្ឋតៃវ៉ាន់ភាគច្រើន ជឿថា ចិនមិនហ៊ានឈ្លានពានខ្លួនទេ ក្នុងរយៈពេល៥ឆ្នាំទៅមុខ
បើតាមរបាយការណ៍របស់វិទ្យាស្ថានស្រាវជ្រាវសន្តិសុខ និងការការពារជាតិតៃវ៉ាន់ (INDSR) នៅថ្ងៃទី៩ខែតុលា ប្រជាជននៃដែនកោះមួយនេះភាគច្រើនជឿថា ចិនទំនងជាមិនហ៊ានឈ្លានពាននោះទេនៅក្នុងរយៈពេល៥ឆ្នាំទៅមុខទៀត ប៉ុន្តែពួកគេនៅចាត់ទុកចិនជាការគំរាមកំហែងដ៏ធំដដែលសម្រាប់តៃវ៉ាន់នាពេលបច្ចុប្បន្ន។
ការស្ទង់មតិរបស់ INDSR បានធ្វើឡើងលើពលរដ្ឋតៃវ៉ាន់ប្រមាណជា ១ ២០០នាក់ កាលពីខែកញ្ញា ហើយបានបង្ហាញថា ៦១%នៃពួកគេយល់ឃើញថា តៃវ៉ាន់នឹងមានសុវត្ថិភាពបន្តទៀតក្នុងរយៈពេលកន្លះទសវត្សរ៍ទៅមុខ ដោយគ្មានការវាយប្រហារពីចិន។ យ៉ាងណាមិញ ពួកគេនៅតែបារម្ភខ្លាំងអំពីការគំរាមកំហែងនានាពីរដ្ឋាភិបាលក្រុងប៉េកាំង ដូចជា ការធ្វើសមយុទ្ធយោធា និងការឃោសនាប្រឆាំង ជាដើម។
ការស្ទង់មតិនេះ បង្ហាញពីភាពផ្ទុយគ្នាទៅនឹងការព្រមានរបស់ប្រមុខទីភ្នាក់ងារស៊ើបការណ៍សម្ងាត់កណ្តាលរបស់សហរដ្ឋអាមេរិក ដែលបាននិយាយកាលពីឆ្នាំមុនថា ប្រធានាធិបតីចិន លោក ស៊ី ជីនពីង បានបញ្ជាឲ្យយោធាត្រៀមខ្លួនធ្វើការវាយប្រហារឈ្លានពានតៃវ៉ាន់នៅឆ្នាំ២០២៧។
INDSR បានរៀបរាប់ថា ប្រជាជនតៃវ៉ាន់ដឹងពីការគំរាមកំហែង ប៉ុន្តែរក្សាភាពស្ងប់ស្ងាត់ និងសមស្របជាមួយនឹងការរំពឹងទុកនៃសង្រ្គាមដែលជិតមកដល់។
ជាង ៦៧% នៃអ្នកឆ្លើយតបទៅនឹងការស្ទង់មតិ បានប្រាប់ថា ពួកគេនឹងវាយបកវិញ បើចិនវាយប្រហារ។ ប៉ុន្តែពេលសួរនាំអំពីទំនុកចិត្តដែលថាកងកម្លាំងតៃវ៉ាន់អាចទប់ទល់ និងការពារដែនកោះរបស់ខ្លួនបានដែរឬអត់ ពលរដ្ឋត្រឹមតែ៥០%ប៉ុណ្ណោះដែលជឿថា កងកម្លាំងតៃវ៉ាន់អាចមានសមត្ថភាពការពារខ្លួន។
លោក Lee Kuan-chen អ្នកស្រាវជ្រាវនៅ INDSR បានប្រាប់ថា យោធារបស់តៃវ៉ាន់គួរតែបន្តបង្កើនសមត្ថភាពការពាររបស់ខ្លួន ដើម្បីកសាងទំនុកចិត្តសាធារណៈ។
ការស្ទង់មតិក៏បានចោទសួរថាតើសហរដ្ឋអាមេរិកនឹងជួយការពារតៃវ៉ាន់ដែរឬក៏អត់ ហើយចម្លើយបានឲ្យដឹងថា ៧៤% ជឿថា រដ្ឋាភិបាលអាមេរិកទំនងជាជួយ «ដោយប្រយោល» តាមរយៈការផ្តល់នូវអាហារ ការផ្គត់ផ្គង់វេជ្ជសាស្រ្ត និងសព្វាវុធ។ ចំណែក ៥២% គិតថា យោធាអាមេរិកនឹងបញ្ជូនកងកម្លាំងប្រដាប់អាវុធរបស់ខ្លួនទៅធ្វើអន្តរាគមន៍។
ផ្អែកលើទិន្នន័យនេះ លោក Lee បាននិយាយថា រដ្ឋាភិបាលរបស់តៃវ៉ាន់គួរតែមានតម្លាភាពបន្ថែមទៀតអំពីកិច្ចសហប្រតិបត្តិការសន្តិសុខរវាងតៃវ៉ាន់ និងសហរដ្ឋអាមេរិក ដោយបន្ថែមថា៖ «តាមវិធីនោះ មនុស្សនឹងមិនមានការរំពឹងទុកខ្ពស់ពេក ឬទាបពេកលើជំនួយរបស់សហរដ្ឋអាមេរិកទេ»។
សូមរំឭកជាថ្មីម្ដងទៀត រដ្ឋាភិបាលក្រុងប៉េកាំង បានប្រកាសថា តៃវ៉ាន់ជាទឹកដីរបស់ចិនតាំងពីបុរាណកាលមក និងតែងចាត់ទុកតៃវ៉ាន់ជាអធិបតេយ្យភាពរបស់ខ្លួន ហើយក៏មិនបដិសេធក្នុងការប្រើប្រាស់កម្លាំងយោធាដើម្បីយកកោះនេះឲ្យស្ថិតក្រោមការគ្រប់គ្រងរបស់ខ្លួនឡើយ។ រដ្ឋាភិបាលតៃវ៉ាន់បានច្រានចោលការអះអាងទាំងនោះ ដោយនិយាយថាមានតែប្រជាជនតៃវ៉ាន់ទេដែលអាចសម្រេចអនាគតរបស់ពួកគេ។
រាជវង្ស Qing នៃប្រទេសចិន បានចុះហត្ថលេខាប្រគល់កោះតៃវ៉ាន់ទៅប្រទេសជប៉ុននៅក្នុងឆ្នាំ១៨៩៥ ក្រោមសន្ធិសញ្ញាមួយ ហើយនៅឆ្នាំ១៩៤៥ នៅចុងបញ្ចប់នៃសង្គ្រាមលោកលើកទី២ កោះនេះត្រូវបានប្រគល់ទៅឲ្យរដ្ឋាភិបាលសាធារណរដ្ឋចិន។ នៅ៤ឆ្នាំបន្ទាប់ក្រោយចាញ់សង្គ្រាមស៊ីវិលជាមួយបក្សកុម្មុយនិស្តរបស់លោក ម៉ៅ សេទុង រដ្ឋាភិបាលសាធារណរដ្ឋចិនបានរត់ភៀសខ្លួនទៅគ្រប់គ្រងនៅកោះតៃវ៉ាន់មកទល់នឹងសព្វថ្ងៃនេះ៕
ដោយ៖ ឈាង
លោក ស៊ាន បូរ៉ាត និងលោក ស ថាវី ត្រូវបានតុលាការកោះហៅចូលបំភ្លឺលើសំណុំរឿងក្រុមហ៊ុនអតីតឧកញ៉ា ឡេង ចាន់ណា
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
លោក ត្រាំ ព្រមានក្រុមប្រទេស BRICS ជុំវិញរឿងប្រឆាំងនឹងការប្រើប្រាស់លុយដុល្លារអាមេរិក
សម្ដេច ប៊ុន រ៉ានី អំពាវនាវឱ្យគ្រប់ភាគីរួមគ្នាជាមួយរដ្ឋាភិបាលដើម្បីលុបបំបាត់ជំងឺអេដស៍
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
ស្លាប់១២នាក់ និងជម្លៀសខ្លួនរាប់ម៉ឺននាក់ ព្រោះទឹកជំនន់នៅថៃ និងម៉ាឡេស៊ី
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»
-
សេដ្ឋកិច្ច៦ ថ្ងៃ agoតម្លៃពោតក្រហម និងដំឡូងមីធ្លាក់ចុះ នៅចំពេលរដូវប្រមូលផល