ព័ត៌មានអន្ដរជាតិ
ចិនជាប្រទេសដំបូងគេចេញលិខិតឆ្លងដែនកូវីដ
ចិនបានចាប់ផ្តើមកម្មវិធីចេញវិញ្ញាបនបត្រសុខភាពសម្រាប់ប្រជាជនរបស់ខ្លួនដែលធ្វើដំណើរអន្តរជាតិ ហើយជាប្រទេសដំបូងគេនៅលើពិភពលោកចេញលិខិតឆ្លងដែនកូវីដ ។
វិញ្ញាបនប័ត្រជំងឺកូវីដ ១៩ ឌីជីថលបង្ហាញពីព័ត៌មានលម្អិតអំពីការចាក់វ៉ាក់សាំង និងលទ្ធផលតេស្តរកជំងឺកូវីដ ១៩ របស់អ្នកប្រើប្រាស់សម្រាប់ពលរដ្ឋចិនតាមរយៈកម្មវិធីនៅលើប្រព័ន្ធផ្សព្វផ្សាយសង្គមចិន WeChat ដែលត្រូវបានបង្កើតឡើងកាលពីថ្ងៃចន្ទ ។

អ្នកនាំពាក្យក្រសួងការបរទេសចិនបាននិយាយថា វិញ្ញាបនប័ត្រនេះកំពុងត្រូវបានដាក់ចេញដើម្បីជួយលើកកម្ពស់សេដ្ឋកិច្ចពិភពលោក និងជួយសម្រួលដល់ការធ្វើដំណើរឆ្លងកាត់ព្រំដែន ។
វិញ្ញាបនប័ត្រដែលក៏មានជាទម្រង់ក្រដាសផងដែរនោះបច្ចុប្បន្នសម្រាប់តែប្រើប្រាស់ដោយពលរដ្ឋចិនប៉ុណ្ណោះ ហើយមិនទាន់មានការទទួលស្គាល់នៅឡើយទេ ។

ទន្ទឹមនោះមិនទាន់មានព័ត៌មានច្បាស់លាស់ថាតើចិនកំពុងធ្វើការជាមួយប្រទេសណាខ្លះនោះទេដើម្បីទទួលស្គាល់វិញ្ញាបនប័ត្រនេះ នៅពេលដែលអ្នកដំណើរចិនចេញទៅក្រៅប្រទេស ។
ទីភ្នាក់ងារសារព័ត៌មានចិនស៊ីនហួបានរាយការណ៍កាលពីថ្ងៃចន្ទថា កម្មវិធីវិញ្ញាបនបត្រសុខភាពរបស់ប្រទេសចិនរួមមាន QR code ដែលត្រូវបានអ៊ីនគ្រីបដែលអនុញ្ញាតឲ្យអាជ្ញាធរទទួលបានព័ត៌មានលម្អិតសុខភាពរបស់អ្នកធ្វើដំណើរ ។

ចំណែក “QR code សុខភាព” នៅលើ WeChat និងកម្មវិធីស្មាតហ្វូនចិនដទៃទៀតត្រូវបានដាក់រួចហើយដើម្បីទទួលបានការដឹកជញ្ជូនក្នុងស្រុក និងកន្លែងសាធារណៈជាច្រើនផ្សេងទៀតនៅក្នុងប្រទេសចិន ។
ប៉ុន្តែប្រព័ន្ធនេះបានធ្វើឲ្យមានការព្រួយបារម្ភអំពីភាពឯកជន និងការភ័យខ្លាចថាវាបង្ហាញពីការពង្រីកការឃ្លាំមើលរបស់រដ្ឋាភិបាល ៕

ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ មិនធម្មតា! ចិន និងរុស្ស៊ីត្រៀមសាងសង់ស្ថានីយ៍អវកាសនៅភពព្រះចន្ទ
ចុចអាន ៖ ដំណឹងល្អ! ទិន្នន័យអង់គ្លេសបង្ហាញថា ការចាក់វ៉ាក់សាំងលើកទីមួយ កាត់បន្ថយការឆ្លងកូវីដបាន២ភាគ៣

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ