រន្ធត់! ថតជាប់វីដេអូរលកយក្សក​ម្ពស់​​ជាង​៨​ម៉ែត្រ ​បោក​សំដៅ​ទៅរដ្ឋ Florida

ស្របពេលព្យុះសង្ឃរា Milton ដ៏សាហាវ បានរំកិលខ្លួនដល់រដ្ឋ Florida ហើយនោះ រដ្ឋបាលមហាសមុទ្រ និងបរិយាកាសជាតិសហរដ្ឋអាមេរិក បានបញ្ចេញវីដេអូរន្ធត់មួយ បង្ហាញពីរលកយក្សយ៉ាងធំកម្ពស់ជាង ៨ម៉ែត្រ កំពុងធ្វើដំណើរសំដៅទៅឆ្នេរសមុទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Daily Mail នៅថ្ងៃព្រហស្បតិ៍ទី១០ខែតុលាឆ្នាំ២០២៤ រលកយក្សនេះត្រូវគេបញ្ជាក់ថា មានកម្ពស់រហូតដល់ទៅ ៨.៥ម៉ែត្រ បោះពួយសំដៅចេញពីឈូងសមុទ្រម៉ិកស៊ិក ទៅវាយប្រហាររដ្ឋ Florida។

ក្រៅពីនេះ ជាមួយនឹងការមកដល់របស់កំពូលព្យុះសង្ឃរា Milton, អគ្គិសនីក៏ត្រូវបានកាត់ផ្តាច់ចំពោះផ្ទះជាង២លានខ្នងនិងអាជីវកម្មជាច្រើន នៅសហគមន៍តាមបណ្តោយឆ្នេរសមុទ្រអាត្លង់ទិកផងដែរ។

ត្បិតដំបូងឡើយ Milton គឺជាព្យុះប្រភេទទី៥ក៏ពិតមែន ប៉ុន្តែពេលទៅដល់ដីគោករដ្ឋ Florida វាបានបន្ថយកម្លាំងធ្លាក់មកជាព្យុះប្រភេទទី៣វិញ ប៉ុន្តែឥទ្ធិពលរបស់វានៅតែខ្លាំង ពោលគឺនៅតែមានកម្លាំងខ្យល់ ១៩៣គីឡូម៉ែត្រក្នុងមួយម៉ោង។

សូមបញ្ជាក់ជាថ្មី ព្យុះនេះកើតឡើតត្រឹម២សប្តាហ៍ប៉ុណ្ណោះ បន្ទាប់ពីព្យុះសង្ឃរា Helene វាយប្រហារភាគខាងត្បូងអាមេរិក សម្លាប់មនុស្សយ៉ាងតិច២២៥នាក់ ទូទាំងរដ្ឋ Florida, Georgia, South Carolina, Tennessee, Virginia និង North Carolina៕

សូមទស្សនាវីដេអូ៖

អត្ថបទ៖ សុខ សុវណ្ណ

ចុចអាន៖ អភិបាលរដ្ឋ Florida ប្រកាសថា ហួសពេលហើយ ចំពោះអ្នកមិនជម្លៀសគេចពីព្យុះសង្ឃរា Milton