កុមារ​មីយ៉ាន់​ម៉ា​អាយុ​១២ឆ្នាំ​ជួយ​សង្គ្រោះ​មនុស្ស​ជាង​១០០​នាក់​ក្នុងទឹកជំនន់​

ប្រទេសមីយ៉ាន់​ម៉ា​ដែល​គ្រប់គ្រង​ដោយ​​របប​យោធា​បាន​រងគ្រោះ​ដោយសារ​ទឹកជំនន់ធ្ងន់ធ្ងរកាល​ដើមខែកញ្ញា។ តាមរយៈ​​ហេតុការណ៍​​គ្រោះ​ធម្មជាតិ​នោះ​ ក្មេងប្រុសអាយុ១២ឆ្នាំម្នាក់ឈ្មោះ Paw Myar ក្លាយ​ជា​​ក្មេង​ប្រុស​ដ៏​ក្លាហាន​អស្ចារ្យ​ម្នាក់​ ដោយ​បានជួយសង្គ្រោះមនុស្ស​​រហូត​​ជាង១០០នាក់​ពីគ្រោះ​ទឹកជំនន់​នោះ​។

សេចក្តី​រាយការណ៍​​របស់​វិទ្យុ និងទូរទស្សន៍រដ្ឋមីយ៉ាន់ម៉ា ដែល​ត្រូវ​ផ្សាយ​បន្ត​​ដោយ​​ទីភ្នាក់ងារព័ត៌មាន​ស៊ិនហួ (Xinhua)​ របស់​ចិន បាន​ឱ្យ​ដឹង​ថា កុមារា​​ Paw Myar ដែល​រស់នៅក្នុងភូមិ Aung Thukha នៃទីប្រជុំជន Lewe នៃ​រដ្ឋ​​ធានី​​ Nay Pyi Taw  បានក្លាយជាវីរៈបុរសដ៏គួរឱ្យកត់សម្គាល់ម្នាក់ចំពេលមានវិបត្តិទឹកជំនន់។

សេចក្តី​រាយការណ៍ បាន​ស្រង់​សម្តី​កុមារា​ Paw Myar ដែល​និយាយថា៖«​ក្នុងអំឡុងពេលនៃការជួយសង្គ្រោះ ជារឿយៗ​ខ្ញុំត្រូវជិះក្បូន​ដោយ​ប្រើកម្លាំង​​ដៃរបស់ខ្ញុំ។ នៅពេលដែលរលកខ្លាំង ហើយ​ខ្ញុំក៏​ឲ្យ​មនុស្សចាស់​ជិះ​កូន​ជ្រូក​​។ នៅថ្ងៃទី១១​និង១២​ខែកញ្ញា ខ្ញុំបានជួយសង្គ្រោះ​មនុស្សចាស់ និងមនុស្សផ្សេងទៀតដោយខ្លួនឯង ទាំង​ពេលថ្ងៃ​​​និងពេល​យប់។ នៅថ្ងៃនោះ ហើយវានាំឱ្យខ្ញុំរីករាយយ៉ាងខ្លាំង​ដែល​ឃើញពួកគេមានសុវត្ថិភាព»​​ Paw Myar បានប្រាប់ Xinhua ។

កុមារា Paw Myar បាននិយាយថា គាត់សុបិនចង់ក្លាយជាវេជ្ជបណ្ឌិតនៅថ្ងៃណាមួយ។ លោក​បាន​និយាយ​ដោយ​​រីករាយ​​ថា​៖​«​ខ្ញុំ​ចង់​សង្គ្រោះ​ជីវិត​មនុស្ស​ឱ្យ​បាន​​ច្រើន​នាក់​»៕​

រ៉ាន់ រើយ​