ព័ត៌មានអន្ដរជាតិ

រឿងទាំង ១០ ហាមឃាត់យ៉ាងតឹងរ៉ឹងនៅកូរ៉េខាងជើង បើល្មើសត្រូវកាត់ទោសប្រហារជីវិត

បានផុស

១ ខែ មុន

នៅ

ថ្ងៃសៅរ៍ ១២ តុលា ២០២៤

ដោយ

គេហទំព័រ listverse បង្ហាញពីរឿងធម្មតាចំនួន១០យ៉ាង ដែលមនុស្សទូទាំងពិភពលោកធ្វើជាប្រចាំ។ ប៉ុន្តែនៅកូរ៉េខាងជើងបែរជាមិនអាចធ្វើបានទេ។ បទល្មើសមួយចំនួននេះ បើអ្នកណាប្រព្រឹត្តនឹងត្រូវទទួលទោសប្រហារជីវិត។

ត្រលប់ទៅខែមិថុនាឆ្នាំមុន ទីភ្នាក់ងារព័ត៌មានបរទេសជាច្រើនបានបញ្ជាក់ដូច្នេះ រដ្ឋាភិបាលកូរ៉េខាងជើងដឹកនាំដោយមេដឹកនាំគីម ជុងអ៊ុន បានបញ្ជាឲ្យប្រហារជីវិតបុរសអាយុ២២ឆ្នាំជាសាធារណៈ។ ដោយផ្អែកលើបទឧក្រិដ្ឋនៃការស្តាប់តន្ត្រី K-Pop ពីប្រទេសកូរ៉េខាងត្បូង វាពង្រឹងរបបផ្តាច់ការដែលបដិសេធពលរដ្ឋមិនចូលទៅកាន់វប្បធម៌នៃពិភពខាងក្រៅ។

ក្រៅពីការបំបិទសិទ្ធិសេរីភាពពលរដ្ឋ ក៏នៅមានច្បាប់ចម្លែកៗជាច្រើនទៀត ដែលរដ្ឋាភិបាលកូរ៉េខាងជើងដាក់លើពលរដ្ឋខ្លួន រួមទាំងភ្ញៀវទេសចរដែលមានឱកាសទៅទស្សនាដីដ៏អាថ៌កំបាំងមួយនេះ ខាងក្រោមនេះជាសកម្មភាពធម្មតាចំនួន ១០ ដែលមនុស្សជុំវិញពិភពលោកអាចធ្វើបាន ប៉ុន្តែប្រជាជនកូរ៉េខាងជើងមិនអាចទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ មិនអាចមានសិទ្ធប្រើអ៊ីនធឺណិត

រដ្ឋាភិបាលកូរ៉េខាងជើងរក្សាការគ្រប់គ្រងយ៉ាងតឹងរ៉ឹងលើអ៊ីនធឺណិត ហើយអនុញ្ញាតឲ្យមន្ត្រីរដ្ឋាភិបាលអ្នកវិទ្យាសាស្ត្រ ហើយមានសិស្សតែពីរបីនាក់ប៉ុណ្ណោះ។ ចំណែកប្រជាពលរដ្ឋទូទៅ រដ្ឋាភិបាលគ្រប់គ្រងវាដោយប្រើបណ្តាញគ្រប់គ្រងដោយរដ្ឋហៅថា Kwangmyong ដែលអ៊ីនធឺណិតចាត់ទុកថាជាការគំរាមកំហែងធ្ងន់ធ្ងរ។ ដោយសារតែវាជាឧបករណ៍ដែលអាចប្រើដើម្បីភ្ជាប់មនុស្សមកពីជុំវិញពិភពលោក។

២ មិនឲ្យញញឹមនៅថ្ងៃទី ០៨ ខែកក្កដា

នៅពេលដែលរដ្ឋាភិបាលបានហាមឃាត់ប្រជាជនមិនឲ្យញញឹមនៅថ្ងៃទី ០៨ ខែកក្កដាដែលជាខួបនៃការស្លាប់របស់លោក គីម អ៊ីលស៊ុង ដែលជាមេដឹកនាំទីមួយនៃប្រទេសកូរ៉េខាងជើង។ អ្វីដែលប្រជាជនត្រូវធ្វើនៅថ្ងៃនោះ ពួកគេបានគោរពដល់រូបសំណាកលោក គីម អ៊ីលស៊ុង និងដាក់កម្រងផ្កាដោយសន្តិភាព។ បើអ្នកណាញញឹមស្រស់នៅថ្ងៃនោះ ពួកគេអាចត្រូវបានបញ្ជូនទៅជំរុំប្រមូលផ្តុំ ឬសម្លាប់។ ប្រាកដណាស់ ផឹកស៊ី ជប់លៀងខួបកំណើត ឬពិធីបុណ្យផ្សេងៗ ក៏មានកំហុសផងដែរ។

៣ កុំមើលទូរទស្សន៍ ឬស្តាប់វិទ្យុបរទេស

ប្រជាជនមិនត្រូវបានអនុញ្ញាតឲ្យមើលទូរទស្សន៍បរទេសឬស្តាប់វិទ្យុបរទេសដូចនឹងអ៊ីនធឺណិតដែរ។ ពួកគេមានទូរទស្សន៍ដែលគ្រប់គ្រងដោយរដ្ឋាភិបាលរបស់ពួកគេ។ មិនថាជាតុក្កតា, ភាពយន្តឯកសារ ឬព័ត៌មានបច្ចុប្បន្ន វាជាប្រព័ន្ធផ្សព្វផ្សាយដែលផលិតដោយរដ្ឋខ្លួនឯង ១០០% ផ្ទាល់តែម្ដង។

៤ ហាមមិនឲ្យបើកបរ

ប្រទេសកូរ៉េខាងជើងអនុញ្ញាតឲ្យមនុស្សតែម្នាក់ក្នុងចំណោមមនុស្ស ១០០ នាក់ប៉ុណ្ណោះ ដែលភាគច្រើនជាមន្ត្រីរដ្ឋាភិបាលជាន់ខ្ពស់ ជាម្ចាស់រថយន្ត។ ចំណែកសាធារណជនទូទៅត្រូវប្រើមធ្យោបាយធ្វើដំណើរសាធារណៈ ឬប្រើកង់។ ដែលជាការពិត អ្នកធ្វើដំណើរតាមផ្លូវភាគច្រើនជាបុរស នេះក៏ព្រោះតែស្ត្រីភាគច្រើនធ្វើការនៅផ្ទះ និងមើលថែគ្រួសារ។

៥ ហាមមិនឲ្យចាកចេញពីប្រទេស

រាល់ការធ្វើដំណើរទៅក្រៅប្រទេស ត្រូវតែមានការយល់ព្រមពីរដ្ឋាភិបាល ប៉ុន្តែប្រសិនបើយើងស្មោះត្រង់។ ប្រជាពលរដ្ឋទូទៅមិនអាចធ្វើដំណើរចេញពីប្រទេសបានទេ។ មនុស្សជាច្រើនបានបាត់បង់ជីវិត ដោយព្យាយាមរត់គេចខ្លួន។ ចំពោះអ្នកណាដែលត្រូវគេចាប់បានតាមផ្លូវ បុគ្គលនោះនិងសមាជិកគ្រួសារទាំងអស់ ត្រូវទៅជំរុំប្រមូលផ្តុំ ហើយត្រូវបានគេប្រើជាកម្មកររហូតដល់ថ្ងៃស្លាប់។

៦ កុំស្លៀកខោខូវប៊យ

នៅឆ្នាំ ២០២១ លោក Kim Jong Un បានចេញបទប្បញ្ញត្តិនៃការស្លៀកពាក់វប្បធម៌។ តាមរយៈការហាមប្រាមមនុស្សមិនឱ្យស្លៀកខោខូវប៊យតឹង ខោខូវប៊យដែលរហែកចេញម៉ូដ និងការចោះត្រចៀក និងបបូរមាត់។ ព្រោះវាត្រូវបានគេមើលឃើញថាជាសកម្មភាពរបស់មនុស្សនៅក្នុងពិភពមូលធននិយម។

៧ កុំធ្វើការហៅទូរស័ព្ទទៅបរទេស

ការហៅទូរស័ព្ទទៅក្រៅប្រទេសអាចធ្វើឲ្យអ្នកបាត់បង់ជីវិត។ រឿងនេះបានកើតឡើងក្នុងឆ្នាំ ២០០៧ នៅពេលដែលរដ្ឋាភិបាលកូរ៉េខាងជើងបានប្រហារជីវិតថៅកែរោងចក្រនៅចំពោះមុខមនុស្សចំនួន ១៥០,០០០នាក់នៅឯកីឡដ្ឋានកីឡាដោយការបាញ់ប្រហារទៅលើគោលដៅមួយ។ ពីបទឧក្រិដ្ឋនៃការលួចមានទូរស័ព្ទមួយចំនួន ដែលត្រូវបានគេប្រើដើម្បីហៅចេញក្រៅប្រទេស។

៨ កុំជ្រើសរើសអាជីព

ប្រជាជនកូរ៉េខាងជើងមិនមានសិទ្ធិជ្រើសរើសការងាររបស់ពួកគេទេ។ ព្រោះបន្ទាប់ពីរៀនចប់វិទ្យាល័យ ប្រជាពលរដ្ឋទាំងអស់ត្រូវតែចូលរួមជាមួយកងទ័ព។ បុរសបម្រើក្នុងជួរយោធារយៈពេល១០ឆ្នាំ ចំណែកស្ត្រីបម្រើរហូតដល់អាយុ២៣ឆ្នាំ។ ពួកគេនឹងទទួលបានការងារពេញមួយជីវិតរបស់ពួកគេពីរដ្ឋាភិបាល ដែលមិនអាចចរចាអ្វីទាំងអស់។ អ្នកខ្លះត្រូវបានគេជួលឲ្យធ្វើការក្នុងវិស័យកសិកម្ម ជាកម្មករទូទៅ ជាអ្នកធ្វើចរាចរណ៍ ឬជាគ្រូបង្រៀន ហើយអ្នករាល់គ្នាមានថ្ងៃឈប់សម្រាកមួយថ្ងៃដូចគ្នាគឺថ្ងៃអាទិត្យ។

៩ មិនអាចលេងម៉ូដសក់តាមចិត្តបានទេ

ស្ត្រីកូរ៉េខាងជើងមានម៉ូដសក់ប្រហែល ១៤ ផ្សេងគ្នាសម្រាប់ជ្រើសរើស ប៉ុន្តែស្ត្រីដែលរៀបការហើយត្រូវបង្ខំចិត្តទុកសក់ខ្លី។ សម្រាប់បុរស សក់មិនត្រូវបានអនុញ្ញាតឲ្យវែងជាង ២អ៊ីញ ឬប្រហែល ៥សង់ទីម៉ែត្រទេ ហើយសក់មិនអាចកំណត់ ឬលាបពណ៌បានទេ។ បើអ្នកណាលេងម៉ូដសក់ខុសពីអ្វីដែលរដ្ឋាភិបាលបញ្ជាក់នោះ ប្រៀបបាននឹងពួកគេកំពុងបង្ហាញអាកប្បកិរិយាប្រឆាំងជាតិ។

១០ ត្រូវស្រឡាញ់រដ្ឋាភិបាលដល់ថ្ងៃស្លាប់

ប្រជាជនកូរ៉េខាងជើងទាំងអស់ត្រូវតែស្បថភក្ដីភាព និងគោរពតាមមេដឹកនាំកំពូលបច្ចុប្បន្ន គឺលោក គីម ជុងអ៊ុនអស់មួយជីវិត។ អ្នកណាដែលមិនគោរពមេដឹកនាំ និងគ្រួសារអ្នកដឹកនាំនៅទីសាធារណៈ នឹងត្រូវផ្ដន្ទាទោសដាក់ពន្ធនាគារ ឬស្លាប់៕