ព័ត៌មានអន្ដរជាតិ
កងរក្សាសន្តិភាព UN ម្នាក់ទៀត ត្រូវរបួសនៅ លីបង់
កងកម្លាំងបណ្តោះអាសន្នអង្គការសហប្រជាជាតិប្រចាំប្រទេសលីបង់ «Unifil» បញ្ជាក់ថា មានកងរក្សាសន្តិភាព UN ម្នាក់ទៀតហើយដែលត្រូវរបួសនៅភាគខាងត្បូងប្រទេសលីបង់ ដោយនេះក្លាយជាកងរក្សាសន្តិភាព UN ទី៥ ដែលត្រូវរបួស ក្នុងរយៈពេលប៉ុន្មានថ្ងៃថ្មីៗនេះ ស្របពេលជម្លោះអ៊ីស្រាអែល-ហេសបូឡា កំពុងឡើងកម្តៅ។
ក្នុងសេចក្តីថ្លែងការណ៍កាលពីថ្ងៃសៅរ៍ទី១២ខែតុលាឆ្នាំ២០២៤, Unifil និយាយថា កងរក្សាសន្តិភាព បានរងរបួសគ្រាប់កាំភ្លើងនៅឯទីស្នាក់ការកណ្តាលរបស់ខ្លួនក្នុងទីក្រុង Naquora ភាគខាងត្បូងកាលពីយប់ថ្ងៃសុក្រ ចំពេលមានសកម្មភាពយោធាក្បែរនោះ។ ទោះបីជាយ៉ាងណាក៏ដោយ Unifil មិនដឹងច្បាស់ឡើយថាតើ គ្រាប់កាំភ្លើងនោះត្រូវបាញ់ដោយភាគីណា។
ពាក់ព័ន្ធបញ្ហានេះដែរ ប្រធានាធិបតីសហរដ្ឋអាមេរិក ចូ បៃដិន បានជំរុញឲ្យអ៊ីស្រាអែលបញ្ឈប់ការបាញ់ប្រហារទៅលើកងរក្សាសន្តិភាព នៅក្នុងប្រទេសលីបង់ បន្ទាប់ពីឧប្បត្តិហេតុជាបន្តបន្ទាប់។
កាលពីថ្ងៃសុក្រ កងរក្សាសន្តិភាព២នាក់ ក៏ត្រូវរបួសផងដែរ ដោយសារការវាយប្រហាររបស់អ៊ីស្រាអែលនៅជិតប៉មយាមរបស់ពួកគេ នាភាគខាងត្បូងប្រទេសលីបង់។
អគ្គលេខាធិការអង្គការសហប្រជាជាតិ Antonio Guterres និងបណ្តាប្រទេសលោកខាងលិចបានថ្កោលទោសការវាយប្រហារនោះ ដោយ Unifil ហៅវាថាជា «ការបង្កហេតុយ៉ាងធ្ងន់ធ្ងរ» ហើយនិយាយថា សន្តិសុខរបស់បុគ្គលិក និងទ្រព្យសម្បត្តិរបស់ UN ត្រូវតែធានាឲ្យបាន។
សូមបញ្ជាក់ថា កងរក្សាសន្តិភាពប្រហែល ១០ ០០០នាក់ មកពី៥០ប្រទេស កំពុងឈរជើងនៅ លីបង់ រួមជាមួយបុគ្គលិកស៊ីវិលប្រហែល៨០០នាក់។
ចាប់តាំងពីឆ្នាំ១៩៧៨មក ពួកគេបានល្បាតតំបន់រវាងទន្លេ Litani និងព្រំដែនទទួលស្គាល់ដោយអង្គការសហប្រជាជាតិរវាងប្រទេសលីបង់និងអ៊ីស្រាអែល ដែលគេស្គាល់ថា «បន្ទាត់ខៀវ»៕
អត្ថបទ៖ សុខ សុវណ្ណ
ចុចអាន៖ កងរក្សាសន្តិភាព UN ២នាក់ រងរបួស ក្នុងពេលអ៊ីស្រាអែលវាយប្រហារហេសបូឡា
-
ព័ត៌មានអន្ដរជាតិ៥ ថ្ងៃ ago
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
សេដ្ឋកិច្ច៣ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៤ ថ្ងៃ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ៤ ថ្ងៃ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ៥ ថ្ងៃ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ចរាចរណ៍១ សប្តាហ៍ ago
រថយន្ដកាមរីឆ្លាមបើកធ្លាក់ប្រឡាយ ខណៈភ្លៀងខ្លាំងលិចផ្លូវ
-
ព័ត៌មានជាតិ៤ ថ្ងៃ ago
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង
-
ជីវិតកម្សាន្ដ២ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង