ព័ត៌មានអន្ដរជាតិ
ទាហានអ៊ីស្រាអែលស្លាប់ ៤នាក់ និងរបួសជាង ៦០នាក់ ព្រោះដ្រូនវាយប្រហាររបស់ក្រុមហេសបូឡា
កងកម្លាំងការពារអ៊ីស្រាអែល (IDF) បានឲ្យដឹងថា មានការវាយប្រហារដោយដ្រូនកាលពីថ្ងៃអាទិត្យនៅលើមូលដ្ឋានទ័ពទីក្រុង Binyamina ស្ថិតនៅភាគខាងជើងប្រទេសអ៊ីស្រាអែល ដែលបណ្ដាលឲ្យទាហានចំនួន៤នាក់បាត់បង់ជីវិត និងរងរបួសជាង៦០នាក់។
ក្រុមសកម្មប្រយុទ្ធហេសបូឡា បានអះអាងថា ខ្លួនជាអ្នកនៅពីក្រោយការវាយប្រហារលើកនេះ ដែលមានគោលដៅវាយកម្ទេចជុំរុំហ្វឹកហាត់កងពលតូច Golani របស់ IDF ដែលមានមូលដ្ឋានស្ថិតនៅចន្លោះទីក្រុង Tel Aviv និងទីក្រុង Haifa។ ការវាយប្រហារនេះ គឺជាការសងសឹកទៅនឹងប្រតិបត្តិការយោធារបស់អ៊ីស្រាអែលនៅរដ្ឋធានីបេរូត និងភាគខាងត្បូងប្រទេសលីបង់ កាលពីថ្ងៃព្រហស្បតិ៍សប្ដាហ៍មុន ដែលសម្លាប់មនុស្សអស់ចំនួន ២២នាក់ និងរងរបួសជាង ១០០នាក់។
ប្រព័ន្ធផ្សព្វផ្សាយអ៊ីស្រាអែល បានរាយការណ៍ថា ការវាយប្រហារធ្វើឡើងដោយដ្រូនចំនួន២គ្រឿង ហើយប្រព័ន្ធប្រឆាំងមីស៊ីលរបស់អ៊ីស្រាអែលបានស្ទាក់ចាប់ដ្រូនបានតែ១គ្រឿងប៉ុណ្ណោះ។
ក្រោយហេតុការណ៍នេះ សហរដ្ឋអាមេរិក បានប្រកាសថា ខ្លួននឹងបញ្ជូនទាហានចំនួនប្រមាណ១០០នាក់ និងខែលការពារដែនអាកាស ដែលគេស្គាល់ថាជា Terminal High-Altitude Area Defense (THAAD) ដើម្បីជួយអ៊ីស្រាអែលការពារខ្លួន។ មន្ទីរបញ្ចកោណរបស់អាមេរិក មិនបានផ្តល់ព័ត៌មានលម្អិតអំពីពេលវេលាដែលខែលការពារទាំងនោះនឹងទៅដល់នោះទេ។
ក្រុមហេសបូឡា និងអ៊ីស្រាអែល បាននិងកំពុងមានការបាញ់ប្រហារគ្នាស្ទើរជារៀងរាល់ថ្ងៃអស់រយៈពេលជាង១ឆ្នាំមកហើយ ប៉ុន្តែជម្លោះរវាងភាគីទាំង២បានកើនឡើងយ៉ាងឆាប់រហ័សគួរឲ្យកត់សម្គាល់ខ្លាំងចាប់តាំងពីខែកញ្ញាកន្លងទៅ៕
ដោយ៖ ឈាង
-
ព័ត៌មានអន្ដរជាតិ៦ ថ្ងៃ ago
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
សេដ្ឋកិច្ច៤ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៥ ថ្ងៃ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ៥ ថ្ងៃ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ៥ ថ្ងៃ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ព័ត៌មានជាតិ៥ ថ្ងៃ ago
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង
-
ជីវិតកម្សាន្ដ៣ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានអន្ដរជាតិ៣ ថ្ងៃ ago
រកឃើញមនុស្សស្លាប់បន្ថែមទៀត នៅរដ្ឋ Florida ដោយសារព្យុះ Milton