ព័ត៌មានអន្ដរជាតិ

ឃាតកបាញ់សម្លាប់សមាជិកគ្រួសារ៧នាក់រួមទាំងកុមារ៣ឆ្នាំផងនៅអាហ្វ្រិកខាងត្បូង

បានផុស

៥ ខែ មុន

នៅ

ថ្ងៃចន្ទ ១៤ តុលា ២០២៤

ដោយ

មនុស្សចំនួន៧នាក់ក្នុងគ្រួសារមួយត្រូវបានបាញ់សម្លាប់ក្នុងផ្ទះនៅភាគអាគ្មេយ៍នៃទីក្រុង Johannesburg នៃប្រទេសអាហ្វ្រិកខាងត្បូង ខណៈឃាតកបានធ្វើអត្តឃាតតាមក្រោយ។ នេះបើយោងតាមការចេញផ្សាយរបស់សារព័ត៌មាន CGTN នៅថ្ងៃទី១៤ខែតុលានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាជិកគ្រួសារ៥នាក់ដែលក្នុងនោះមានក្មេងប្រុសអាយុ៣ឆ្នាំ អ្នកជិតខាងម្នាក់រួមទាំងមិត្តភក្តិរបស់សមាជិកគ្រួសារនេះម្នាក់ទៀត ត្រូវបានបាញ់សម្លាប់នៅ Mokokotlong មានចម្លាយជាង៤០គីឡូម៉ែត្រភាគអាគ្នេយ៍ទីក្រុង Johannesburg ខណៈហេតុការណ៍នេះជាការបាញ់ប្រហារដ៏ធំបំផុតមួយ ចុងក្រោយបង្អស់ដែលបានបង្កការភ្ញាក់ផ្អើលដល់អាហ្វ្រិកខាងត្បូង។

យោងតាមសេចក្តីថ្លែងការណ៍មួយរបស់ប៉ូលិស ការបាញ់ប្រហារនេះបានកើតឡើងបន្ទាប់ពីបុរសម្នាក់បានទៅហាងមួយក្នុងតំបន់ ហើយដោយដឹងថា ហាងនោះត្រូវបានបិទ ក៏មានការឈ្លោះប្រកែកគ្នាជាមួយម្ចាស់ហាងនេះ ហើយបន្ទាប់មកម្ចាស់ហាងបានតាមគាត់ទៅផ្ទះ។ ទោះយ៉ាងណាមូលហេតុពិតប្រាកដនៃការបាញ់សម្លាប់ដ៏សាហាវនេះមិនត្រូវបានដឹងនៅឡើយនោះទេដែលវាកំពុងស្ថិតនៅក្រៅមការស៉ើបអង្កេតរបស់ប៉ូលិសនៅឡើយ។

គួរបញ្ជាក់ថា កាលពីរសប្ដាហ៍មុនក៍មានហេតុការណ៍បាញ់សម្លាប់ស្រដៀងគ្នានេះដែរ ដែលឃាតកបានសម្លាប់សមាជិកគ្រួសារចំនួន១៧នាក់នៅពេលដែលពួកគេកំពុងគេងលង់លក់នៅ ខេត្ត Cape ចម្ងាយ២០០គីឡូម៉ែត្រភាគអាគ្នេយ៍ទីក្រុង Durban ខណៈឃាតកមិនទាន់ត្រូវបានចាប់ខ្លួនបាននៅឡើយ៕